Nehemiya 10:39 - Livulu lya Shukulu Kalunga

³⁹ Vanu va Isalele, na vaLevi, vanapande kutwala milambu ya vimbuto, na vinyu, na mazi a olive ku milili yakutulikila vivala vya mu Njuvo ya Shukulu Kalunga, kuje kuvakakala vaka-kukombelela vaje vali a vipangi, na vaka-kunyunga ku Njuvo ya Shukulu Kalunga, na mbunga ya vaka-kwimba ku Njuvo ya Shukulu Kalunga. Kutukayengula Njuvo ya Shukulu Kalunga Njambi yetu embwe.

Nehemiya 10:39 Iomraidhean Croise

2 Vimyene 7:10

Co vatundile mu cilombo ca vaSilya, velukile ku Samaliya, vasanene vaka-kunyunga ku vikolo vya nganda ngwavo, “Yetu tunaile ku cilombo ca vaSilya, oloni kutwamwene cuma cimo nambe kuziva munu, oloni tuvalu na vimulu kuvavazitwile, vimbalaka lalo vili ngeci muje muvavisezelele vaSilya.”

2 Mizimbu 31:11

Hezekiya washikile ngeci vavwaese milili yakutulikila ije yakele mu Njuvo ya Shukulu Kalunga,

2 Mizimbu 31:12

co vaakelemo vwana vwoshe na cavulikumi ngeci vavinyungilemo. Co vaangwile kaLevi umo lizina lyendi Konaniya ikeye wapwile mukulunu wakuvinyunga, co ndolome yendi Shimei wapwile wakumwata.

Nehemiya 12:47

A simbu ya Zelumbambele, na a simbu lalo ya Nehemiya, vanu va Isalele voshe vakele nakwana vwana a litangwa na litangwa vwakukwasa vaka-kwimba na vaka-kunyunga ku Njuvo ya Shukulu Kalunga. Co vanu vaanene mulambu wakujela kuli vaLevi, co vaLevi vaanene mutambela wa vije vishakiwa kuli vaka-kukombelela.

Myaso 122:9

Omwo a Njuvo ya Shukulu Kalunga Njambi yetu, njilombela akuvezika kwove.

Kulava 18:26

“Leka vaLevi ngwove, ‘Omo mutambula cavulikumi kuli vaIsalele cije cinjinamyana yange Kalunga kupwa vufuko vweni, co munapande kwana kuli Shukulu Kalunga camulikumi kupwa mulambu weni wakama.

Kulava 18:30

Ngecivene, ukavaleke ngwove, ‘Omo munaana laja mutambela uje wauvwa, co vije vinasalao vikapwa vyeni ngwe muje ndimi akanyungu vije vinasalao omo naana laja mulambu wendi.

Kwituluka mu Mashiko 12:17

Co nacimo cai cije cimukaana kuli Shukulu Kalunga cimukalila mu mitambela mumuli nakukala embwe, nambe cavulikumi ku vimbuto vyeni, nambe ku vinyu vyeni vyaviha, nambe ku mazi eni a olive, nambe ku va ntwatwa va vimuna veni, nambe vin̄ombelo vyeni vya cikulaeso vije mulinakulikulaesa kuli Shukulu Kalunga, nambe vin̄ombelo vyeni vya cizango, nambe milambu ikwavo lalo.

VaHevelu 10:25

Kesi tulikele kulikungulula amolika, ngwe futisi ya vamo. Oloni tulikoleseni umo na mukwavo nakuhyana, omwo Litangwa lya Mwene lili muyehi.