Nehemiya 10:34 - Livulu lya Shukulu Kalunga

³⁴ Yetu, na vanu, na vaka-kukombelela, na vaLevi, tukata n̄ela a mwaka na mwaka mukuwana cikota ca vanu vaje vanapande kunena vitale vyakwenyekela vin̄ombelo vyakukombelela kuli Shukulu Kalunga Njambi yetu, ngwe kukushika kwa Mashiko.

Nehemiya 10:34 Iomraidhean Croise

1 Mizimbu 24:5

Omo mu Njuvo ya Shukulu Kalunga mwakele vamyata na vantwama vaje vendesele vipangi vya Shukulu Kalunga akati ka vatekulwila va Elyazale na Itamale, vavanene vipangi akuta n̄ela.

1 Mizimbu 24:7

Omu mukemwo muvanenenemo vipangi ije mikana ya vinaanga vyakupwa makumi avali na viwana. Co n̄ela yakulivanga yawililile ali Yehoyalive, yamucivali ali Njendaya,

2 Mizimbu 2:3

Co Solomoni watumine lijwi kuli Mwene Hilame wa ku Tile ngwendi, “Njikwase ngwe muwakwasele tate, Mwene Ndaviti, omo wamulandesele viti vya kendale vyakutungisa lipela lyendi.

Ezela 3:5

co lalo vakombelelele vin̄ombelo vya kwenyeka vyamutunu a litangwa na litangwa, na vije vyakukombelela a Ciwano Cakutenema kwa Ngonde, na ku vikungulukilo vyeka lalo vije vyakulemesa Shukulu Kalunga, na vin̄ombelo vya cizango vyakwana kuli Shukulu Kalunga.

Nehemiya 11:1

Vantwama vatungile mu Yelusalema na vanu vaje vasaleleo, vatele n̄ela kwangula naanga imo a vinaanga likumi, kutunga mu Yelusalema nganda yakujela, co vakwavo vatanu na vawana vaje vasaleleo vakevo vakele mu vinganda vikwavo na mu vindandanga.

Nehemiya 13:31

njavwaeselele cimweja vitale vyakupangesa akwenyeka n̄ombelo ije ivakanena a visimbu vije vanemika, na kuli vanu kunena milambu yavo ya vimbuto vyakulivanga, na vushuka vwakulivanga vuje vuvanateje. Anuka vyoshe evi, yove Njambi, nakunjivezikisa.

Visimo 18:18

Nga vanu vavali valinga vimata mu mbanja, co akuta n̄ela vimata vyavo vihwa.

Isaya 40:16

Tusitu voshe va mu shwata ya Lembanone, kuvapwilemo mukuvakombelela kuli Njambi yetu, na miti yamwo yaindondo manene kuyivwekesa tuhya.

VaLevi 24:5

“Ukambata vunga vwakuseneta makilo likumi na avali, co ukoca mikasha ya makende likumi na ivali.

VaLevi 24:6

Co ukaka mikasha mu mikana ivali, mukana umo na umo mukakale itanu na umo, a mesa yakusata na ngolinde yakujela, ije ili ku mesho a Shukulu Kalunga.

Kulava 28:2

“Shika vanu va Isalele vanjinenele vin̄ombelo vya vyakulya ku visimbu vije vemika, vin̄ombelo vije vinjashaka yange Njambi.

Vilinga vya Miluwa 1:26

Asinoni vatele n̄ela mukwangula akati ka vanalume ava vavali, co uje vaangwileo wapwile Maseyase, co vamukumbasanene ku munga ya miluwa likumi na umo.

Yoshwa 9:27

Oloni a litangwa lije vene Yoshwa wavapwisile vindungo, vaka-kucava vitale nakutekwila mema vanu va Isalele nawa a ku mutula wa Shukulu Kalunga. Na lelo lino vacili nakulinga ngacije ku mutambela uje waangwile Shukulu Kalunga kumulemeselako.