Nehemiya 10:33 - Livulu lya Shukulu Kalunga

³³ Co evi vikevyo vitukaana ku Njuvo ya Shukulu Kalunga yakulemesela, makende akujela, na n̄ombelo ya vimbuto vya vinona ya a litangwa na litangwa, na vimuna vakukombelela a litangwa na litangwa, na vin̄ombelo vyakujela vya a Litangwa Lyakuhwima, na a Ciwano ca Kutenama kwa Ngonde, na viwano vikwavo, na vin̄ombelo vikwavo vyakujela, na vin̄ombelo vya a vuvi vwa vaIsalele, na vyoshe vije vishakiwa ku Njuvo ya Shukulu Kalunga.

Nehemiya 10:33 Iomraidhean Croise

2 Mizimbu 2:4

Njilinakutunga Njuvo ya Shukulu Kalunga mukusingimika Shukulu Kalunga Njambi yange. Ikeyo ikapwa mwela wakujela kuje vanu vange nange tukalemesela Shukulu Kalunga nakwenyeka insense yakunika lwengo, kuje kukekwo kutukamutwalela vin̄ombelo vya makende akujela a simbu na simbu, kuje kukekwo kutukamukombelela vin̄ombelo vya kwenyeka a mutondo a mutondo na a cingwezi a cingwezi, na a Matangwa Akuhwima, na a Viwano vya Kutenama kwa Ngonde, na a matangwa eka akujela mukusingimika Shukulu Kalunga Njambi yetu. Ikeye nashiki vaIsalele kulinga ngeci ku myaka yoshe.

Kutuuka 30:16

Ukatambula vimbongo vyakwambesa kuli vanu va Isalele, co ukavipangesa mukuvwaesa ku vipangi vya Mbalaka Mwakuliwanena. Co vimbongo evi vikapwe vyakwambesa myonyo yavo, co yange nalumo lwai njikevala vanu vange.”

Kolose 2:16

Ngecivene, kesi mutave umo amishike a vije mulya nambe vije munwa nambe a matangwa akujela nambe a Ciwano ca Kutenama kwa Ngonde nambe a Litangwa Lyakuhwima.

VaHevelu 10:11

Vaka-kukombelela voshe vakemana a litangwa na litangwa mukupanga nakukombelela vin̄ombelo vya cifwa cimo visimbu vyavingi, oloni vin̄ombelo evi kuvyasa kutundisa vivi nalumo lwai.