Nehemiya 10:29 - Livulu lya Shukulu Kalunga

²⁹ tunalipandakana na vantwama vetu nakulisinga cisingo mukukava Mashiko a Njambi, aje avaanene ali ngamba yendi Mosesa, nakwononoka Mashiko oshe, na vilongesa vya Shukulu Kalunga, Shukulu yetu.

Nehemiya 10:29 Iomraidhean Croise

2 Vimyene 10:31

Nameme ngoco, Yehu kononokele na mbunge yendi yoshe mashiko a Shukulu Kalunga, Njambi ya Isalele, oloni wakavangeyeye vilinga vyavivi vya Yelovowame, uje watwamenenene Isalele mu vuvi.

2 Vimyene 23:3

Co mwene wemanene kumukulo wa manda ya vumwene, walikumiiye na Shukulu Kalunga cikumiiyo cakumwononoka, nakunyunga mashiko endi nakushika kwawo na mbunge yendi yoshe na mwonyo wendi woshe, nakukavangeya majwi a cikumiiyo ngwe muje muvawasonekele mu livulu. Co vanu voshe vakulaesele kunyunga cikumiiyo.

1 Mizimbu 9:2

Co vakulivanga kwiluka ku vufuko vwavo na mu vinganda vyavo vapwile vaIsalele, na vaka-kukombelela, na vaLevi, na vaka-kupanga mu Njuvo ya Shukulu Kalunga.

2 Mizimbu 34:31

Co mwene wemanene kumukulo wa manda ya vumwene, walikumiiye na Shukulu Kalunga cikumiiyo cakumwononoka, nakunyunga mashiko endi nakushika kwawo na mbunge yendi yoshe, na mwonyo wendi woshe, nakukavangeya majwi a cikumiiyo ngwe muje muvawasonekele mu livulu.

2 Mizimbu 6:16

Ngecivene, ololo, Shukulu Kalunga Njambi ya Isalele, njilinakukulomba ngeci unyunge cikulaeso cije wakulaesele tate omo wamulekele ngeci simbu yoshe ukaka mutekulwila wendi umo kupwa mwene wakushwana Isalele, nga vononoka mwamuvwa Mashiko ove ngwe mwalingile ikeye.

Nehemiya 13:25

Co njaluvalele na vaje vanalume, nakuvasinga, nakuvapupa, nakuvashutozola vin̄ambu vyavo. Njavasindiiye kulisinga mu lizina lya Njambi ngeci kesi vakelukilemo lalo vakevo nambe vana vavo kulyambatela na vaka-kwija.

Nehemiya 7:46

Vikota vya vaka-kupanga ku Njuvo ya Shukulu Kalunga, vaje velukile kutunda ku vunzinda vapwile, Ziha, na Hasufa, na Tambaote,

Nehemiya 8:2

Ngecivene, Ezela walinenele ku mutambela kuje kuvakungulukilile vanalume, na vanakazi, na vanike vaje vakoleleo mukuziva vyuma.

Nehemiya 8:3

Co muje vene mushandangala yangoco ku cikolo, walavele Lishiko kuli vakevo kushangumuka kukutuuka kwa litangwa noo mutanya, co voshe vatolililile mwamuvwa.

Nehemiya 9:2

Vakevo valyangunukile laja na vaka-kwija voshe. Vazalele vikeleya nakulishuwila livu ku mitwe yavo kupwa cimweso cakuviilila. Asinoni vemanene nakulitavela vivi vije vivalingile vakevo na vakukulwila vavo.

Nehemiya 9:38

Omwo a evi vyoshe vije vinalingiwa, yetu vanu va Isalele, tulinakulinga lizivasano lyakukola lyakusoneka, co vantwama vetu, na vaLevi vetu, na vaka-kukombelela vetu vasateleo visateso vyavo.

Myaso 105:45

Njambi walingile vyuma evi ngeci vanu vendi vanyunge vizilika vyendi, nakwononoka lalo mashiko endi. Shangazaleni Shukulu Kalunga!

Myaso 119:106

Njinalisingi cisingo nakucikolesa, ngeci njikakavangeya mashiko ove a vushunga.

Myaso 8:1

Yove Shukulu Kalunga Shukulu yetu, vukama vwove vunasholoka mu kaye mwoshe! Vumpau vwove vunete mwilu ya melu,

Myaso 8:9

Yove Shukulu Kalunga Shukulu yetu, vukama vwove vunasholoka mu kaye mwoshe!

Isaya 14:1

Shukulu Kalunga akatetela vanu vendi va Isalele, akavaangula lalo nakuvaka mu lifuti lyavo, co vaka-kwija vakaija nakukala amo navo.

Njelemiya 26:4

Shukulu Kalunga wanjilekele njileke vanu ngwange, “Shukulu Kalunga nendeka ngwendi yeni munapande kunjononoka nakukava vilongesa vije njamyanene,

Njelemiya 34:15

Mu matangwa amandondo lika a kunima, mwatengulwile viyongola vyeni, mwalingile vije vyanjivwasele. Yeni voshe mwalizivasanene kwecela ngoco vavushoko vweni vaIsalele, co mwalikumiiye cikumiiyo ku mesho ange, mu Njuvo yange muje muvakanjilemesela.

Ezekiyele 36:27

Njikaka Munzinzime wange muli yeni, nakumona ngeci mulinakukavangeya mashiko ange, nakunyunga mashiko oshe anjikamyana.

VaLevi 20:26

Pweni vanu vange vakujela. Co kundameni lika kuli yange omwo yange Kalunga njapwa wakujela. Njinamyangununa yeni ku miyati yeka ngeci mupwe vanu vange lika.

Malakiya 4:4

“Anukeni vilongesa vya ngamba yange Mosesa, na mashiko aje anjamwanene a Munkinda wa Sinai kuli vanu voshe va Isalele ngeci vawononoke.

Kulava 5:21

Shukulu Kalunga asinge lizina lyove akati ka vavushoko vwove. Co ukapwa muka-kujombwesa limbo nameme kushoka shivu.

Yowano 1:17

Omwo Njambi waanene Lishiko lyendi ali Mosesa, oloni kutetela na vushunga vinaija ali Yesu Kilistu.

Yowano 15:14

Yeni munapu vasamba vange nga mulinga evi njimishika.

Yowano 7:19

Kuma kesi Mosesa wamyanene Lishiko ndi? Oloni na umo wai akati keni ononoka Lishiko eli. Omwo vikajo mushaka kunjitsiya?”

Vilinga vya Miluwa 11:23

Omo Mbanambase wetele kuje wamwene muje vati Njambi navezikisilamo vanu, wavwaelelele nakuvalambelela voshe ngeci vapwe va kulongwa na vaka-vushunga kuli Mwene na vimbunge vyavo vyoshe.

Vilinga vya Miluwa 17:34

Oloni vamo vanalume valikumbasanene nendi, co vakulaelele, akati kavo umo wapwile Ndiyonisiyase, wapwile umo wa munga ya Elepangase, na munakazi umo lizina lyendi Ndamalise, na vakwavo veka lalo.

Vilinga vya Miluwa 23:21

Oloni kesi uvatolilile, omwo kuvali vanalume vakutuvakana makumi awana vaje vakavanda nakumuvandamena. Vanalisingi ngeci kesi valye vyakulya nambe kunwa kuvanga noo vanamutsii. Vanalivwaesela cimweja kulinga cuma eci, co vanavandamena lika yove ngeci uvatave.”

Loma 12:9

Cizemo cinapande kutungukwa. Zindeni vyuma vyoshe vije vinapu vyavivi, kakateyeni kuli vije vyavivwa.

Kwituluka mu Mashiko 33:4

Tukononoka Mashiko aje atushikile Mosesa, akewo anapu vushwana vwa muyati wa Yakomba.

Kwituluka mu Mashiko 5:1

Mosesa wasanene vanu va Isalele voshe, co wendekele kuli vakevo ngwendi, “Tolilileni, yeni vanu va Isalele, ku vilongesa na mashiko oshe awa njilinakumileka ku litangwa lya lelo. Lilongesenivyo mwamuvwa nakuvyononoka.

Kwituluka mu Mashiko 5:32

“Ngecivene, nyanyameni kuvilinga ngwe omo mwanamishiki Shukulu Kalunga Njambi yeni. Kesi mukavyane kwononoka lishiko limo lyendi.