Nehemiya 10:28 - Livulu lya Shukulu Kalunga

²⁸ Yetu vanu va Isalele, na vaka-kukombelela, na vaLevi, na vaka-kunyunga Njuvo ya Shukulu Kalunga, na vaka-kwimba mu Njuvo ya Shukulu Kalunga, na vaka-kupanga mu Njuvo ya Shukulu Kalunga, na voshe veka vaje vanononoka Mashiko a Njambi nakulyangunuka na vaka-kwija vaje vali mu lifuti lyetu, amo na vanakazi vetu, na vana vetu voshe vaje vanakolo mukuzivisisa vyuma,

Nehemiya 10:28 Iomraidhean Croise

Ezela 2:70

Co vaka-kukombelela, na vaLevi, na vanu vamo vatungile muyehi na Yelusalema, na vaka-kwimba, na vaka-kunyunga ku Njuvo ya Shukulu Kalunga, na vaka-kupanga ku Njuvo ya Shukulu Kalunga vatungile mu vinganda vya kuyehi, co vungi vwa vaIsalele vatungile mu vinganda muje muvakele vakukulwila vavo.

Ezela 6:21

Co vin̄ombelo vyoshe vavilile kuli vaIsalele voshe vaje velukile kutunda ku vunzinda, na vaje voshe vombilile vingila vya vaje vaka-kujeneka kukulaela, vaje vakele mu lifuti, oloni vezile nakulemesa Shukulu Kalunga Njambi ya Isalele.

Nehemiya 10:27

na Maluke, na Halime, na Mbana.

Nehemiya 13:3

Omo vanu va Isalele vavalavelele lishiko eli, co vatundisile vaka-kwija voshe akati kavo.

Nehemiya 8:2

Ngecivene, Ezela walinenele ku mutambela kuje kuvakungulukilile vanalume, na vanakazi, na vanike vaje vakoleleo mukuziva vyuma.

Nehemiya 9:2

Vakevo valyangunukile laja na vaka-kwija voshe. Vazalele vikeleya nakulishuwila livu ku mitwe yavo kupwa cimweso cakuviilila. Asinoni vemanene nakulitavela vivi vije vivalingile vakevo na vakukulwila vavo.

Myaso 47:7

Njambi ikeye mwene wa ano asi oshe, mulemeseni na myaso!

Muka-kwambulula 5:2

Yongola simbu kanda wendeke, co kesi ulinge vwasi vikulaeso kuli Njambi, omwo Njambi wakala mwilu, co yove uli ano asi, ngecivene, kesi wendeke manene kutuvakana vije viwasa kulinga.

Njelemiya 4:2

cikapwa ca vushunga kulisinga mu lizina lyange. Asinoni miyati ya vanu voshe vakanjilomba ngeci njivavezikise, co vakanjishangazala.”

VaLevi 20:24

Oloni yange njamikulaesele lifuti eli lyalivwa lya vwilo nevi vyakujenekamo vyai kupwa vushwana vweni, co yange njikamyanalyo. Yange njapwa Kalunga Njambi yeni, yange njamyangwile nakumyangununa akati ka miyati yoshe.

Loma 1:1

Yange Paulu, ngamba ya Kilistu Yesu na muluwa uje yaangwile nakumusana kuli Njambi mukwambulula Vin̄anda vyendi Vyavivwa.