Nehemiya 1:7 - Livulu lya Shukulu Kalunga

⁷ Tunalingi vuvi vwakama kuli yove, kutwanyungile mashiko ove, na vizilika vyove, na vilongesa vyove vije viwashikile ngamba yove Mosesa.

Nehemiya 1:7 Iomraidhean Croise

1 Vimyene 2:3

linga vije vyakushika Shukulu Kalunga Njambi yove. Enda mu vingila vyendi nakunyunga vizilika vyendi, na mashiko endi, na vilongesa vyendi, na vukaleo vwendi ngwe muvavisoneka mu Lishiko lya Mosesa, ngeci ukavezike mu vyoshe viwukalinga kwoshe kuukaya.

2 Mizimbu 25:4

Nameme ngoco, katsiile vana vavo, oloni wakavele vije vyashikile Shukulu Kalunga mu Lishiko lya Mosesa ngwendi, “Visemi kuvapandele kutsila milonga ije ivanalingi vana vavo embwe, na vana lalo kuvapandele kutsila milonga ije ivanalingi visemi vavo embwe, oloni munu napande kutsila mulonga wanalingi ikeye vavenya.”

2 Mizimbu 27:2

Ikeye walingile vije vyavwaelelesele Shukulu Kalunga, ngwe mwalingile ishe Uziya, oloni kalingile vuvi vwakwenyekela insense mu Njuvo ya Shukulu Kalunga. Oloni nameme ngoco, vanu anga vakele nakulinga vuvi.

Ezela 7:6

Ezela watundile ku Mbambilone. Ikeye wapwile muka-kusoneka uje wazivukile mwamuvwa Lishiko lya Mosesa, lije lyamwanene Shukulu Kalunga, Njambi ya Isalele. Omwo Ezela wakele na vivezikiso vya kuli Shukulu Kalunga Njambi yendi, co mwene wamwanene vyuma vyoshe vije vyalombele.

Myaso 106:6

Tunalingi vuvi ngwe muvalingile vakukulwila vetu, tunalingi mwamuvi, co tunaviisa.

Myaso 89:31

nga vayengula vizilika vyange, nakujeneka kunyunga mashiko ange,

Myaso 89:32

co njikavahisa omo vuvi vwavo, co njikavayandesa omo kupenga-penga kwavo.

Isaya 1:4

Ngongo yeni, yeni muyati wakuvulumuna, yeni vanu vakulemuwa na vuvi! Yeni naanga ya vaka-kulinga vuvi, vanu vaje vaka-kulinga vyangoco. Munaseza Shukulu Kalunga, Njambi wakujela wa Isalele, co munamukengesa nima.

Ndanyele 9:11

Isalele yoshe vapokwele mashiko ove nakuvyana kutolilila ku vije viwavalekele. Twalingile vuvi ku mesho ove, ngeci watusingile na cisingo cije civasoneka mu Lishiko lya Mosesa ngamba yove.

Ndanyele 9:13

twatambwile cihiso coshe cije ciwatumbwile mu Lishiko lya Mosesa. Oloni nameme ololo, yove Shukulu Kalunga Njambi yetu, kutwakuvwaelesele akutunda ku vuvi vwetu nambe akukavangeya vushunga vwove.

Hoziya 9:9

Vanapu vavavi manene mu vije valinakulinga, ngwe muje muvafwile ku Ngimbeya. Njambi akanuka vuvi vwavo nakuvanyanyamesa.

VaLevi 27:34

Awa akewo mashiko aje Shukulu Kalunga waashikile Mosesa a Munkinda wa Sinai ali vanu va Isalele.

Zefaniya 3:7

Co njayongwele ngwange amo vanu vange vakasa kunjikomoka nakutava kunangula kwange, ngeci kesi vakevale vilongesa vije vinjavalongesele. Oloni vwasi-vwasi vonwele kulisingimika, co valingile vyuma vyavivi manene kutuvakana muje mwalaja.”

Malakiya 4:4

“Anukeni vilongesa vya ngamba yange Mosesa, na mashiko aje anjamwanene a Munkinda wa Sinai kuli vanu voshe va Isalele ngeci vawononoke.

Kwituluka mu Mashiko 4:1

Asinoni Mosesa wendekele kuli vanu va Isalele ngwendi, “Ononokeni mashiko oshe aje anjimilongesa, ngeci mukayoye nakukala mu lifuti lije lyakamyana Shukulu Kalunga Njambi ya vakukulwila veni.

Kwituluka mu Mashiko 4:5

“Njinamilongesa mashiko oshe, ngwe muje mwanjishikile Shukulu Kalunga Njambi yange ngeci mukawononoke mu lifuti lije limukakovela nakulishwana.

Kwituluka mu Mashiko 5:1

Mosesa wasanene vanu va Isalele voshe, co wendekele kuli vakevo ngwendi, “Tolilileni, yeni vanu va Isalele, ku vilongesa na mashiko oshe awa njilinakumileka ku litangwa lya lelo. Lilongesenivyo mwamuvwa nakuvyononoka.

Kwituluka mu Mashiko 6:1

“Awa akewo mashiko aje Shukulu Kalunga Njambi yeni wanjishikile kumilongesawo. Munapande kuwononoka mu lifuti lije limukakovela nakulishwana.

Kujombolola 19:2

Kusompa kwendi kwapwa kwakuvwa na vushunga! Nahisa cikwizi wakama uje waviisile kaye na vupangala vwendi. Njambi namunyanyamesa omwo watsiile vangamba vendi.”