Nehemiya 1:6 - Livulu lya Shukulu Kalunga

⁶ Shukulu Kalunga, njikenge, co ziva lilombelo lyange, omo njilinakulombela vutsiki na mutanya ali vangamba vove, vanu va Isalele. Njalitavela ngeci yetu, vanu va Isalele, tunalingi vuvi. Vakukulwila vange, nange tunalingi vuvi.

Nehemiya 1:6 Iomraidhean Croise

1 Vimyene 8:30

Tolilila kulomba kwange ngamba yove na ku malombelo a vanu vove va Isalele omo vakenga ku mwela ou nakulombela. Omo mwilu muwakala tuzive nakutusambesa.

1 Vimyene 8:47

tolilila ku malombelo a vanu vove. Nga mu lifuti lije vatenguluka nakulombela kuli yove, co valitavela ku vuvi vwavo na ku kupenga-penga kwavo kuvanalingi, co ziva malombelo avo, yove Shukulu Kalunga.

2 Mizimbu 28:10

Co ololo munayongola kupwisa vanalume na vanakazi va mu Yelusalema na mu Yunda vindungo veni. Kuma yeni kumwazivukile ngeci neni lalo munalingi vuvi ku mesho a Shukulu Kalunga Njambi yeni ndi?

2 Mizimbu 29:6

Vakukulwila vetu kuvakulaelele kuli Shukulu Kalunga Njambi yetu, oloni valingile vyavivi ku mesho endi. Vamusezele nakukengesa nima ku mwela kuje kwakala.

2 Mizimbu 6:40

“Ololo Shukulu Kalunga Njambi yange, kenga ali yetu, co tolilila malombelo atulombela mu mwela uno.

Ezela 10:1

Omo Ezela wakele nakulombela, nakulitavela, nakulila, nakulyumbila asi kulutwe lwa Njuvo ya Shukulu Kalunga, mbunga yakama ya vaIsalele, vanalume, na vanakazi, na vanike, valikungulwilile kuli ikeye, nakulila manene.

Ezela 10:11

Ngecivene, ololo, litaveleni vuvi vweni kuli Shukulu Kalunga, Njambi ya vakukulwila veni, nakulinga vije asshaka. Lyangunukeni na vanu va mu lifuti lino, co lalo lyangunukeni na vanakazi vaje kesi vaYunda.”

Nehemiya 1:11

Ngeci ololo Shukulu, tolilila ku lilombelo lya ngamba yove na ku malombelo a vangamba vove, ava vashaka kukusingimika. Vezikisa ngamba yove ku litangwa lya lelo, nakulingisa mwene ngeci anjizivileko mema ku mbunge.” A matangwa aje yange njapwile muka-kwana mwene vinyu.

Myaso 102:17

Akatolilila nakukumbulula malombelo a vanu vaje vakele nakuyanda.

Myaso 106:6

Tunalingi vuvi ngwe muvalingile vakukulwila vetu, tunalingi mwamuvi, co tunaviisa.

Myaso 130:2

Shukulu Kalunga ziva kutambeka kwange, tolilila ku mutambi wange ngeci unjikwase!

Myaso 32:5

Njalitavelele vivi vyange kuli yove, co kunjakushwekelele vuvi vwange, njalyendekesele mu mbunge yange ngwange, “Njikalitavela vivulumuna vyange kuli yove Shukulu Kalunga,” co yove wanjisambesele ku milonga ya vuvi vwange.

Myaso 34:15

Shukulu Kalunga akenga ali vaka-vushunga, co aziva mutambi wavo,

Myaso 55:17

Kulinyenga kwange nakukemanga kwange, vilinakweta kuli ikeye mutondo, na mutanya, na vutsiki, co ikeye aziva lijwi lyange.

Myaso 88:1

Yove Shukulu Kalunga Njambi muyoyesi wange, njitambeka kuli yove mutanya na vutsiki.

Isaya 6:5

Co njendekele ngwange, “Kunjesi na cinyangavili! Ngongo yange, omwo majwi aje atunda mu kanwa kange apwa majwi a vuvi, co lalo njayoya akati ka vanu vaje vendeka majwi a vuvi. Co ololo mesho ange anamono Mwene, Shukulu Kalunga Muka-nzili yoshe.”

Mbimbi 5:7

Vakukulwila vetu valingile vuvi, oloni ololo voshe vanatsi, co ololo tulinakuyanda omwo vuvi vwavo.

Ndanyele 9:15

“Yove Shukulu Kalunga Njambi yetu, wamwesele nzili yove akutundisa vanu vove mu lifuti lya Ingito, co na ololo tucili nakwanuka nzili yove. Tunalingi vuvi, co tunaviisa.

Ndanyele 9:20

Njakele nakulombela, nakulitavela vuvi vwange na vuvi vwa vanu vange va Isalele, nakulambelela kuli Shukulu Kalunga Njambi yange ngeci elwise Njuvo yendi yakujela.

Ndanyele 9:4

Njalombelele kuli Shukulu Kalunga Njambi yange nakulitavela vuvi vwa vanu vange. Njalombelele ngwange, “Shukulu Kalunga Njambi, yove uwakama, co twakusingimika. Yove wapwa u wa kulongwa ku cikumiiyo cove nakumwesa cizemo cove cije kucesi kutenguluka kuli vaje vakuzema nakunyunga mashiko ove.

Ndanyele 9:5

“Tunalingi vuvi, co tunaviisa, tunalingi vya kupenga-penga. Tunavyana viwatushikile ngeci tuvilinge, co tunatundu ku vije viwatumwesele ngeci vinapu vya vushunga.

Ndanyele 9:8

Vimyene vetu na vaka-kushwana vetu na vakukulwila vetu vanalingi vyuma vya shwamwa nakulinga vuvi ku mesho ove Shukulu Kalunga.

Luka 18:7

Kuma Njambi kasa kwakula mu vushunga kuli vanu vendi vaje valinakulilila kuli ikeye vutsiki na mutanya ngeci avakwase? Kuma ngweni akeshwala mukuvakwasa ndi?

Luka 2:37

cooni wapwile fwile a myaka makumi atanu na atatu na myaka iwana. Ikeye katundile mu Njuvo ya Shukulu Kalunga, mutanya na vutsiki wakele nakulemesa Njambi, nakulikela kulya nakulombela.

Efeso 2:3

Mwa vushunga vene tuvavoshe twafwile ngwe vakevo, co twayoyele vene ngwe ku cisemwa ca mashungu etu a vunu, twalingile vije vyoshe mivila yetu na mana etu akele nakuvilinga. Ku cisemwa cetu ca vunu ngwe vanu voshe, vatwimikilile tuyande ku vukalu vwa Njambi.

1 Timateo 5:5

Fwile uje alinakuyoya endi lika, uje kesi na uje mukakumulela, uje naaka cinyangavili cendi muli Njambi na kukakateya mukulombela vutsiki na mutanya ngeci amukwase.

2 Timateo 1:3

Njikandelela kuli Njambi, uje njilinakupangela na citaku-taku cakutungukwa ngwe muvalingile vakukulwila vange. Njikamukandelela omo njikakwanuka simbu yoshe mu malombelo ange vutsiki na mutanya.

1 Yowano 1:9

Oloni nga tulitavela vivi vyetu kuli Njambi, co Ikeye anyunga cikulaeso cendi nakulinga vije vya vushunga, ikeye akatusambesa ku vivi vyetu nakutujelesa ku vilinga vyetu vyoshe vyavivi.

1 Samwele 15:11

“Njalisimoka omo njaakele Saulu a vumwene, ikeye nanjikengesa nima, navyana mashiko ange.” Co Samwele waluvalele, walililile kuli Shukulu Kalunga vutsiki vwoshe.