Nehemiya 1:11 - Livulu lya Shukulu Kalunga

¹¹ Ngeci ololo Shukulu, tolilila ku lilombelo lya ngamba yove na ku malombelo a vangamba vove, ava vashaka kukusingimika. Vezikisa ngamba yove ku litangwa lya lelo, nakulingisa mwene ngeci anjizivileko mema ku mbunge.” A matangwa aje yange njapwile muka-kwana mwene vinyu.

Nehemiya 1:11 Iomraidhean Croise

Kushangumuka 24:42

“Omo lelo njinetele ku lisima, njinalombelele ngwange, ‘Yove Shukulu Kalunga, Njambi ya shukulu yange Avilahama, njakukandelela njikwaseko kulinga mwamuvwa vyuma evi njinakatukila.

Kushangumuka 32:11

Njakulombo, njamene kuli ndolome yange Isau. Njili na lyova ali ndolome yange kutewa omo aija akutunyongesa yetu voshe na vanakazi, na vanike.

Kushangumuka 32:28

Asinoni uje munalume wendekele kuli ikeye ngwendi, “Lizina lyove kuvakalitumbula lalo Yakomba embwe, oloni Isalele omwo yove unalu na Njambi na vanu lalo, co unahyana.”

Kushangumuka 40:1

Munima yeni, mwata wakwana vinyu kuli mwene wa Ingito na mwata wa vaka-kwoca makende a mwene vakele na mulonga kuli mwene.

Kushangumuka 40:2

Co mwene waluvalele na ava vamyata vavali

Kushangumuka 40:21

Co mwene welwisilile uje mwata wakumwana vinyu ku vipangi vyendi,

Kushangumuka 40:23

Oloni uje mwata wakwana vinyu kuli mwene kanukile Yosefa, wamwivalele ivya.

Kushangumuka 41:9

Asinoni mwata wakwana vinyu kuli mwene walekele mwene ngwendi, “Lelo njinanuka, njilitavela milonga yange.

Kushangumuka 43:14

Njilomba Njambi Muka-nzili yoshe ngeci owo munalume akamizivileko mema ku mbunge, akamyane ndolome yeni mukwavo amo na Mbenjemani. Nga njijeneka vana vange, co nange njinavindama vene.”

2 Mizimbu 6:40

“Ololo Shukulu Kalunga Njambi yange, kenga ali yetu, co tolilila malombelo atulombela mu mwela uno.

Ezela 1:1

Mu mwaka wakulivanga omo Siluse wapwile mwene wa Pelesha, Shukulu Kalunga walingisile vije vyendekele muli Njelemiya muka-kwimanena ngeci vipwe vya vushunga. Shukulu Kalunga walingisile Mwene Siluse kusoneka lishiko nakulituma ngeci valilave nakulitambeka kwoshe-ikwoshe mu vumwene vwendi ngwavo,

Ezela 7:6

Ezela watundile ku Mbambilone. Ikeye wapwile muka-kusoneka uje wazivukile mwamuvwa Lishiko lya Mosesa, lije lyamwanene Shukulu Kalunga, Njambi ya Isalele. Omwo Ezela wakele na vivezikiso vya kuli Shukulu Kalunga Njambi yendi, co mwene wamwanene vyuma vyoshe vije vyalombele.

Nehemiya 1:6

Shukulu Kalunga, njikenge, co ziva lilombelo lyange, omo njilinakulombela vutsiki na mutanya ali vangamba vove, vanu va Isalele. Njalitavela ngeci yetu, vanu va Isalele, tunalingi vuvi. Vakukulwila vange, nange tunalingi vuvi.

Nehemiya 2:1

Ku litangwa limo, munima ya vingonde viwana, omo Mwene Aletasheleshe wakele ku mesa nakulya, co njamutwalelele vinyu. Co kanda anjimone laja njazeye,

Nehemiya 2:8

Co lalo njamulombele mukanda wakuya kuli Asafe, muka-kunyunga shwata ya vumwene, nakumuleka ngeci anjaneko miti yakushonga mikambo ya ku vikolo vya ku cimpaka cije canyunga Njuvo ya Shukulu Kalunga, neyi ya vivumbe vya nganda, na mikambo ya njuvo muje munjikakala. Co Mwene wanjanene vyoshe vinjamulombele, omwo Njambi wakele amo nange.

Myaso 106:46

Shukulu Kalunga walingisile vitozi kuzivilako vanu vendi mema ku mbunge.

Myaso 130:2

Shukulu Kalunga ziva kutambeka kwange, tolilila ku mutambi wange ngeci unjikwase!

Myaso 61:5

Yove Njambi wazivile vikulaeso vyange, co unanjivezikisa ngeci muje ukavezikisa vaje vakulemesa.

Myaso 86:6

Tolilila kukulomba kwange yove Shukulu Kalunga, co ziva kutambeka kwange ngeci unjikwase.

Visimo 1:29

Omwo yeni mwazinda mana, co kumwakomokele Shukulu Kalunga.

Visimo 21:1

Mbunge ya mwene yakala mu livoko lya Shukulu Kalunga, akayendesa ngwe muje mwakendesa mema a mu muta.

Njelemiya 42:12

Omwo njili na mema ku mbunge, njikamupangesa ngeci amizivileko mema ku mbunge, ngeci amitave mwiluke kwimbo. Yange Kalunga, njinendekamo.’

Malakiya 3:16

Asinoni vanu vaje vakomokele Shukulu Kalunga valyendekesele umo na mukwavo, co Shukulu Kalunga wavatolililile nakuziva vije vivendekele. Co vasonekele vaje vakomokele Shukulu Kalunga nakumusingimika mu livulu lya canukiso ku mesho endi.

VaHevelu 13:18

Kakateyeni nakutulombelela lalo. Mwa vushunga vene tuli na citaku-taku cacivwa, omwo tushaka kulinga cuma ca vushunga simbu yoshe.