Ndanyele 9:9 - Livulu lya Shukulu Kalunga

⁹ Yove wakala na mema ku mbunge, co u muka-kusambesa, nameme yetu tu vaka-kukutengulukila.

Ndanyele 9:9 Iomraidhean Croise

2 Samwele 24:14

Ndaviti wakumbulwile ngwendi, “Njili mu vukalu! Oloni mwamuvwa tuwile mu livoko lya Shukulu Kalunga, omwo ikeye muka-mema ku mbunge, oloni kesi tuwile mu livoko lya munu embwe.”

1 Vimyene 8:30

Tolilila kulomba kwange ngamba yove na ku malombelo a vanu vove va Isalele omo vakenga ku mwela ou nakulombela. Omo mwilu muwakala tuzive nakutusambesa.

Nehemiya 9:31

Omwo ngozi yove yakama, kuwavasezele nambe kuvanyongesa. Yove Njambi muka-ngozi na mema ku mbunge!

Myaso 130:4

Oloni yove ukatusambesa ngeci tukukomoke.

Myaso 130:7

Kulaela kuli Shukulu Kalunga yove Isalele, omwo ya cizemo cendi cije kucesi kutenguluka, co lalo ali na nzili yakukwamena.

Myaso 62:12

co njakala na cizemo cije kucesi kutenguluka.” Shukulu Kalunga, yove vavenya ukafwete munu na munu ngwe ku vipangi vyendi.

Myaso 86:15

Oloni yove Shukulu Kalunga u muka-kuzivila mema ku mbunge wapwa u Njambi wa ngozi na cizemo, kuwesi kuluvala vwasi, washula na cizemo cije kucesi kutenguluka, u Njambi wa vushunga.

Myaso 86:5

Omwo yove Shukulu Kalunga wapwa uwamuvwa kuli yetu u muka-kusambesa, washula na cizemo cije kucesi kutenguluka kuli voshe vaje valombela kuli yove.

Isaya 55:7

Vaka-vuvi vecele vilinga vyavo vya vuvi, co vatengulule viyongola vyavo. Vatengulukile kuli Shukulu Kalunga Njambi yetu, ikeye muka-mema ku mbunge na muka-kusambesa vwasi.

Isaya 63:7

Njikambulula vya cizemo cije kucesi kutenguluka, ca Shukulu Kalunga, njikamushangazala a vyoshe vije vyanatulingila. Navezikisa manene vanu va Isalele, omwo yakutetela kwendi na cizemo cije kucesi kutenguluka.

Njelemiya 14:7

Vanu vange vanjililila ngwavo, ‘Nameme vuvi vwetu vutuhisa, oloni Shukulu Kalunga tukwase ngwe omo watukulaesele. Tunakukengesa nima visimbu vyavingi, tunalingi vuvi ku mesho ove.

Ezekiyele 20:13

Oloni nameme mu mambo vanjitengulukilile. Vapokwele mashiko ange, nakuwavyana, mashiko aje aana mwonyo kuli munu na munu uje awononoka. Mwa vushunga vene vazilwile Litangwa Lyakuhwima. Njalivwaeselele kuvatava ngeci vazive nzili ya vukalu vwange muje mu mambo nakuvanyongesa.

Ndanyele 9:5

“Tunalingi vuvi, co tunaviisa, tunalingi vya kupenga-penga. Tunavyana viwatushikile ngeci tuvilinge, co tunatundu ku vije viwatumwesele ngeci vinapu vya vushunga.

Ndanyele 9:6

Kutwatolililile kuli vangamba vove vaka-kwimanena, vaje vendekele mu lizina lyove kuli vimyene vetu na kuli vaka-kushwana vetu na kuli vakukulwila vetu na ku muyati wetu woshe.

Ndanyele 9:7

Yove Shukulu Kalunga, simbu yoshe wapwa u muka-vushunga, oloni yetu simbu yoshe tu vaka-kulinga vyuma vya shwamwa. Eci cinapu ca vushunga kuli yetu voshe tuli mu Yunda na mu Yelusalema, na vaIsalele voshe vaje vawashandwelele mu mafuti amuyehi naa a kulyala omo kuvakulaelele kuli yove.

Ndanyele 9:8

Vimyene vetu na vaka-kushwana vetu na vakukulwila vetu vanalingi vyuma vya shwamwa nakulinga vuvi ku mesho ove Shukulu Kalunga.

Yona 4:2

Co walombelele kuli Shukulu Kalunga ngwendi, “Yove Shukulu Kalunga, kuma omu kesi mukemwo munjendekele omo njakele kwimbo lyetu? Evi vikevyo vinjatewelele vwasi-vwasi ku Tashishi! Omwo njazivukile ngeci yove wapwa u Njambi wa ngozi na mema ku mbunge, kuwesi kuluvala vwasi, visimbu vyoshe u muka-kutetela na cizemo cije kucesi kutenguluka, simbu yoshe watava kutengulula viyongola vyove kujeneka kunyanyamesa.