Ndanyele 9:8 - Livulu lya Shukulu Kalunga

⁸ Vimyene vetu na vaka-kushwana vetu na vakukulwila vetu vanalingi vyuma vya shwamwa nakulinga vuvi ku mesho ove Shukulu Kalunga.

Ndanyele 9:8 Iomraidhean Croise

2 Vimyene 21:15

Njikalinga evi kuli vanu vange omwo vanalingi cuma cije njazinda, co vananjiluvalesa kutunda ku simbu ije vakukulwila vavo vatundile mu Ingito kweta na ku litangwa lya lelo.”

2 Mizimbu 6:37

tolilila ku malombelo a vanu vove. Nga mu lifuti lije vatenguluka nakulombela kuli yove, co valitavela ku vuvi vwavo na ku kupenga-penga kwavo kuvanalingi, co ziva malombelo avo, yove Shukulu Kalunga.

Nehemiya 1:6

Shukulu Kalunga, njikenge, co ziva lilombelo lyange, omo njilinakulombela vutsiki na mutanya ali vangamba vove, vanu va Isalele. Njalitavela ngeci yetu, vanu va Isalele, tunalingi vuvi. Vakukulwila vange, nange tunalingi vuvi.

Isaya 64:4

Naumo wai wamwene nambe wazivile Njambi wakufwa ngwe yove, uje muka-kulingila vyuma vyakukomokesa kuli vaje vaaka cinyangavili cavo muli yove.

Njelemiya 14:20

Shukulu Kalunga, tunalingi vuvi ku mesho ove, tulitavela vuvi vwetu, na vuvi vwa vakukulwila vetu.

Njelemiya 32:32

omwo a vuvi vwoshe vuje vuvanalingi vanu va mu Yunda na vanu va mu Yelusalema, amolika na vimyene vavo, na vantwama, na vaka-kukombelela vavo, na vaka-kwimanena.

Njelemiya 7:19

Kuma yange valinakuzivisa ku mbunge kuvavala ndi? Embwe, vali na kulizivisa shwamwa vakevo vavenya.

Mbimbi 1:18

“Oloni Shukulu Kalunga napu wa vushunga, omwo yange kunjononokele mashiko endi. Yeni vanu muli kwoshe-ikwoshe njitolilileni, kengeni vusiwa vwange. Vakwenje vange na vambanda vange vanavatwala ku vunzinda.

Mbimbi 3:42

“Tunalingi vuvi nakukutengulukila, co yove Shukulu Kalunga, kuwatusambesele embwe.

Mbimbi 5:16

Nacimo cuma cinasalao lalo cai ku vije twalyalesele navyo. Twalingile vuvi, co ololo tunanyongo.

Ezekiyele 16:63

Njikasambesa kupenga-penga kwove kwoshe kuwalingile, oloni ukavyanuka, co ukakala na shwamwa manene yakuvyendeka na kanwa kove.” Mwanendeka Shukulu Kalunga wa Akamwa ya Vyoshe.

Ezekiyele 5:6

Oloni Yelusalema vatengulukilile mashiko ange nakuwalwisa, co valingile manene vuvi kutuvakana miyati yeka, vakele na likamba lyakama kutuvakana mafuti aje avazengelekele. Yelusalema vavyanene mashiko ange nakuvyana kunyunga vizilika vyange.

Ndanyele 9:9

Yove wakala na mema ku mbunge, co u muka-kusambesa, nameme yetu tu vaka-kukutengulukila.