Ndanyele 9:7 - Livulu lya Shukulu Kalunga

⁷ Yove Shukulu Kalunga, simbu yoshe wapwa u muka-vushunga, oloni yetu simbu yoshe tu vaka-kulinga vyuma vya shwamwa. Eci cinapu ca vushunga kuli yetu voshe tuli mu Yunda na mu Yelusalema, na vaIsalele voshe vaje vawashandwelele mu mafuti amuyehi naa a kulyala omo kuvakulaelele kuli yove.

Ndanyele 9:7 Iomraidhean Croise

Ezela 9:13

Nameme muvyalingiwile vyuma vyoshe vije kuli yetu omwo cihiso ca vuvi vwetu, na kupenga-penga kwetu, twazivuka ngeci yove, Njambi yetu, watunyanyamesele kamandondo lika kutuvakana vilinga vyetu vya vuvi, co unatutava ngeci tuyoye.

Ezela 9:15

Yove Shukulu Kalunga Njambi ya Isalele, yove muka-vushunga, yove unatava ngeci yetu tuyoye. Tulitavela mulonga wetu kuli yove, kutwapandele kwimana ku mesho ove.”

Nehemiya 9:33

Yove walingile mwamuvwa kutuhisa, yove wapwa wa kulongwa, nameme twalingile vuvi.

Myaso 119:137

Yove wapwa u muka-vushunga Shukulu Kalunga, na mashiko ove lalo apwa a vushunga.

Myaso 44:15

Simbu yoshe njilinakushauka, co njilinakuziva shwamwa manene,

Myaso 51:14

Yove Njambi njamene ku mulonga wakutsiya, co njikavwaelela kwambulula vushunga vwove.

Myaso 51:4

Njinavulumuna kuli yove, kuli yove lika njinavulumuna, co njinalingi vyavivi ku mesho ove. Ngeci yove ushungamese omo unjisompa nakwendeka ngeci njili na mulonga.

Isaya 11:11

Omo litangwa lije likaija, Shukulu Kalunga akapangesa nzili yendi nakwilwisa vanu vendi vaje vasalele ku Asilya na ku Ingito, na ku Patelose, na ku Sundane, na ku Elame, na ku Mbambilone, na ku Hamate, na ku man̄anda ku mema a kalunga.

Isaya 45:16

Vaje voshe vaka-kushonga tumponya vakapwa viyambangani, nakuziva shwamwa.

Njelemiya 12:1

Yove Shukulu Kalunga, simbu yoshe wapwa u muka-vushunga, omo njinena n̄anda yange ku mesho ove. Nameme ngoco njinapande kukwihula a vushunga vwove. Omwo vikajo vaka-vuvi valinakuyoya mwamuvwa? Omwo vikajo vaka-vungungu vavezika?

Njelemiya 23:6

Omo akapwa mwene, vanu va mu Yunda vakakala mwamuvwa, na vanu va mu Isalele vakayoya mu kwoloka. Vakamutumbula ngwavo, ‘Shukulu Kalunga Kwamena Kwetu.’ ”

Njelemiya 24:9

Njikanena vukalu ali vakevo ngeci miyati yoshe ya mu kaye vakalikomokele. Vanu vakavashendumuna, co vakalinga litangalakazi ali vakevo, nakuvayengula, nakupangesa mazina avo ngwe cisingo kwoshe kuje njavashandwela.

Njelemiya 3:25

Tuli na vusiwa, co shwamwa yetu inatufwiki, omwo tunalingi vuvi kuli Shukulu Kalunga Njambi yetu, yetu na vakukulwila vetu kutwononokele mashiko endi.”

Njelemiya 32:32

omwo a vuvi vwoshe vuje vuvanalingi vanu va mu Yunda na vanu va mu Yelusalema, amolika na vimyene vavo, na vantwama, na vaka-kukombelela vavo, na vaka-kwimanena.

Njelemiya 33:16

Vanu va mu Yunda na vanu va mu Yelusalema vakapatuka nakuyoya mwamuvwa. Co nganda ya Yelusalema vakaitumbula ‘Shukulu Kalunga Ikeye Kwamena Kwetu.’

Njelemiya 4:17

co vakazengeleka Yelusalema ngwe vanu vanyunga lihya, omwo vanu vamwo vanatengulukila Shukulu Kalunga nakumulwisa. Shukulu Kalunga nendekamo.

Njelemiya 7:19

Kuma yange valinakuzivisa ku mbunge kuvavala ndi? Embwe, vali na kulizivisa shwamwa vakevo vavenya.

Ezekiyele 16:63

Njikasambesa kupenga-penga kwove kwoshe kuwalingile, oloni ukavyanuka, co ukakala na shwamwa manene yakuvyendeka na kanwa kove.” Mwanendeka Shukulu Kalunga wa Akamwa ya Vyoshe.

Ezekiyele 36:31

Mukanuka futisi ya vuvi vweni na kupenga-penga kuje mwalingile, co mukakala na vunyengwe yeni vavenya, omwo vuvi vweni na milonga yeni.

Ezekiyele 5:10

Mu ngila eyi, visemi va mu Yelusalema vakalya vana vavo, na vana lalo vakalya visemi vavo. Njikaminyanyamesa, co vaje vakasalao na myonyo njikavashandwela ku mitambela yoshe.

Ezekiyele 6:12

Vaje vali kulyala vakavinja, co vakatsa, na vaje vali muyehi vakatsila mu nzita, co vaje vakasalao vakalanduka ku njala. Vakaziva nzili ya vukalu vwange.

Ndanyele 9:14

Yove Shukulu Kalunga Njambi yetu, walivwaeselele cimweja kutunyanyamesa, co walingilemo vene, omwo simbu yoshe ukalingi vije vinapu vya vushunga, oloni yetu kutwakutolililile.

Ndanyele 9:18

Yove Njambi tolilila kuli yetu, kenga ali yetu, mona tuyando twetu na tuyando twa nganda yove. Tulinakulombela kuli yove omwo wakala na mema ku mbunge, kesi ngwe omo tunalingi vushunga embwe.

Ndanyele 9:8

Vimyene vetu na vaka-kushwana vetu na vakukulwila vetu vanalingi vyuma vya shwamwa nakulinga vuvi ku mesho ove Shukulu Kalunga.

Amose 9:9

“Njikashika lishiko, co vanu va mu Isalele vakavasala ngwe munu asala vimbuto mu musalo. Njikavasala akati ka miyati nakutundisa vaje voshe vangoco.

Loma 6:21

Oloni vikajo mwawaneneo akulinga vyuma vije ololo mulinakuvizivila shwamwa? Fweto ya vyuma vije inapu kutsa!

Kwituluka mu Mashiko 32:4

“Shukulu Kalunga ikeye cimpaka ceni ca nzili wakulambasa na kwoloka mu vingila vyendi vyoshe. Njambi yeni wapwa wa kulongwa na vushunga, akalingi mwamuvwa nakushungama.

Kwituluka mu Mashiko 4:27

Ngecivene, Shukulu Kalunga akamishandwela akati ka mafuti eka, co vavandondo lika va ali yeni vakasalao akati ka mafuti aje akamishandwela Shukulu Kalunga.