Ndanyele 9:6 - Livulu lya Shukulu Kalunga

⁶ Kutwatolililile kuli vangamba vove vaka-kwimanena, vaje vendekele mu lizina lyove kuli vimyene vetu na kuli vaka-kushwana vetu na kuli vakukulwila vetu na ku muyati wetu woshe.

Ndanyele 9:6 Iomraidhean Croise

2 Vimyene 18:12

Samaliya yawile omwo vaIsalele kuvononokele Shukulu Kalunga Njambi yavo, oloni vapokwele cikumiiyo cije calikumiiye navo, co kuvononokele mashiko oshe aje avaanene Mosesa ngamba ya Shukulu Kalunga.

2 Mizimbu 33:10

Nameme Shukulu Kalunga wanangwile Manase na vanu vendi, oloni vakevo kuvamutolililile.

Ezela 9:7

Kutunda ku matangwa a vakukulwila vetu nakweta ku litangwa lya lelo, yetu vene, vanu vove, tunalingi vuvi vwakama manene. Omwo a vuvi vwetu, yetu na vimyene vetu, na vaka-kukombelela vetu tunawila mu mavoko a vimyene veka, co vanakala nakututsiya, nakutwivila, nakututwala mu vunzinda. Vanatuzivisa shwamwa manene, ngwe mutunafu lelo.

Nehemiya 9:30

A mwaka na mwaka wavanangwile nakusimpa, nakuvambulwila vukaleo ali Munzinzime wove, muli vaka-kwimanena vove, oloni vanu vove vapwile tusinda-matwi, ngecivene, wavakundikile mu mavoko a miyati yeka ngeci vavafungulule.

Nehemiya 9:32

“Yove Njambi, Njambi yetu, yove wakama, muka-nzili! Muka-kukomokesa, muka-kunyunga cikumiiyo na cizemo cove cije kucesi kutenguluka. Kutunda a simbu ije omo vimyene va vaAsilya vatuyandesele, nakweta ku simbu ino, tuyando twoshe tuje tuli ali yetu, na vimyene vetu, na vantwama vetu, na vaka-kukombelela vetu, na vaka-kwimanena vetu, na vakukulwila vetu, na vanu vetu voshe, kesi twatundondo ku mesho ove.

Nehemiya 9:34

Vakukulwila vetu, na vimyene vetu, na vantwama vetu, na vaka-kukombelela vetu kuvanyungile Mashiko ove. Kuvatolililile kukushika kwove na kukunangula kwove.

Njelemiya 26:5

nakwaka mbunge ku majwi a vangamba vange, vaka-kwimanena, vaje njakele nakutuma kuli yeni ku simbu ku simbu. Co yeni kumwononokele ku vije vamilekele.

Njelemiya 29:19

Evi vikalingiwa kuli vakevo omwo kuvononokele lijwi lije njakele nakutuma kuli vakevo ali vangamba vange vaka-kwimanena. Vavyanene kutolilila.

Njelemiya 44:16

“Yetu twavyana kutolilila ku vije viwutuleka mu lizina lya Shukulu Kalunga.

Njelemiya 7:13

Munalingi vuvi vwoshe ovu, nameme njendekele kuli yeni visimbu vyavingi, oloni kumwanjitolililile. Njamisanene, oloni kumwanjikumbulwile.

Njelemiya 7:24

Vakukulwila veni kuvononokele nambe kumbako mbunge, oloni valingile ngwe muvyavalekele vimbunge vyavo vyakukaluwa, co vaviile manene.

Ndanyele 9:10

Kutwononokele kuli yove Shukulu Kalunga Njambi yetu, omo watulekele kuyoya mu mashiko ove aje awatwanene ali vangamba vove vaka-kwimanena.

Ndanyele 9:9

Yove wakala na mema ku mbunge, co u muka-kusambesa, nameme yetu tu vaka-kukutengulukila.

Mateo 23:37

“Yelusalema, Yelusalema! Yove ukatsii vaka-kwimanena nakwasha mamanya miluwa va Njambi vaje vatumine kuli yove! Visimbu vyavingi njashakele kukungulula vanu vove nakuvavumbatela mu mavoko ange, ngwe kasumbi avutikiya vana vendi mu mambava, oloni yove kuwanjitavele!

Vilinga vya Miluwa 13:27

Omwo vanu vaje valinakuyoya mu Yelusalema na vantwama vavo omwo kuvazivukile ngeci ikeye napu Muyoyesi, nambe kuzivisisa majwi a vaka-kwimanena aje avakalava a Litangwa na Litangwa lyoshe Lyakuhwima. Nameme ngoco valingisile majwi a vaka-kwimanena kupwa a vushunga omo vawanenene Yesu mulonga.