Ndanyele 9:27 - Livulu lya Shukulu Kalunga

²⁷ Ngecivene, ntwama uje akalizivasana na vanu vavangi a myaka itanu na ivali, omo vingonde vitatu na litambelo vya myaka eyi vineti, co akavindika vanu kukombelela nakulambula. Co Cimweso ca Vunyengwe cikakala akamwa-kamwa ya Njuvo ya Shukulu Kalunga, noo uje wacakeleo vakamunyongesa kuli Njambi.”

Ndanyele 9:27 Iomraidhean Croise

Isaya 28:15

Kuma munayongola ngweni mwalikwata vusamba na kutsa, co munete akulizivasana na lifuti lya vukalo vwa vatsi? Omwo vikajo mukulaela mu makuli eni ngeci amyamene ku vukalu na ku livazi lyakama?

Isaya 28:22

Ngecivene, kesi mushendumune, kutewa mukakala mu vukalu vwakama manene kutuvakana kunima. Njinazivi vutumbe vwa Shukulu Kalunga Muka-nzili yoshe vwakunyongesa kaye koshe.

Isaya 42:6

“Yange Kalunga njinakusana nakukwana nzili, nakumona ngeci vushunga vulinakulingiwa ano asi. Muli yove njikalinga cikumiiyo na miyati yoshe, muli yove njikasholola ceke ku mafuti.

Isaya 53:11

Omo nayoyo mu tuyando, co akajolela lalo, ikeye akazivuka ngeci kayandele ngoco embwe. Ngamba yange wa kulongwa, muli ikeye njilinakuvwaelela, ikeye akambata cihiso ca vanu vavangi, omwo njikavasambesela ali ikeye.

Isaya 55:3

“Yeni vanu vange tolilileni, ijeni kuli yange, co mukakala na mwonyo! Njikalikumiiya neni cikumiiyo ca myaka yoshe, nakumivezikisa vivezikiso vije vinjakulaesele Ndaviti.

Njelemiya 7:30

“Vanu va mu Yunda vanalingi cuma cacivi. Vanaaka tumponya twavo tuje tunjazinda mu Njuvo yange, co vanaijwalesa.

Ndanyele 11:31

Mashwalale vendi vamo vakajwalesa Njuvo ya Shukulu Kalunga. Vakavindika kukombelela kwa a litangwa na litangwa, co vakemika Cimweso ca Vunyengwe.

Ndanyele 11:36

“Mwene wa Silya akalinga cizango cendi. Ikeye akalishasha ngwendi napu wakama kutuvakana njambi woshe-iwoshe, co lalo ngwendi ikeye napu wakama kutuvakana Njambi wa Akamwa ya Akamwa. Akalinga eci noo simbu iketa ije Njambi akamunyanyamesa. Njambi akalinga vije vyanayongola.

Ndanyele 12:11

“Kutunda a simbu ije vakavindika kukombelela kwa a litangwa na litangwa, eci cinapu kutunda a simbu ije ya Cimweso ca Vunyengwe, kukaita matangwa akupwa 1,290.

Ndanyele 7:25

Akalwisa Njambi wa Akamwa ya Akamwa nakuyandesa vanu va Njambi. Ikeye akeseka kutengulula mashiko avo akulemesa, na viwano vyavo, co vanu va Njambi vakakala mwisi yendi myaka itatu na vingonde vitanu na imo.

Ndanyele 8:13

Asinoni njazivile kangelo umo ehula kangelo mukwavo ngwendi, “Vyuma evi vivanamono mu cimona vikahwa simbu ika? Simbu mukajo vukahwa vuvi ovu vwakukomokesa vulinakuvindika vin̄ombelo vya a litangwa na litangwa? Simbu mukajo vakalyatangela mbunga ya nzita ya mwilu na Njuvo ya Shukulu Kalunga?”

Hoziya 3:4

Mu cifwa cimolika vanu va Isalele vakakala simbu yakama kwakujeneka vimyene nambe vantwama, kwakujeneka kukombelela nambe kukala na vimanda vya mamanya vyakujela, kwakujeneka tumponya nambe vifwa vyakupangesa mukutaa.

Kulava 7:62

Walambwile lalo mbashiya imo ya ngolinde vulemu vwayo vwapwile mangilamu 110, yakushula na insense.

Mateo 24:15

“Ngecivene, mukamona Cimweso ca Vunyengwe cije cendekele Ndanyele cinemana mu mwela wakujela.” (Yove ulinakulava zivisisa muvinalumbunukila!)

Mateo 26:28

omwo vinyu evi vinapu maninga ange aje anakolesa cikumiiyo ca Njambi, akwitikila ali vanu vavangi mukuvasambesa ku milonga yavo.

Mateo 27:51

Asinoni nanga ije yakele nakujenjela mu Njuvo ya Shukulu Kalunga yatavukile akati, kutunda kwilu nakweta asi. Co asi ajajele na mamanya atavukile,

Mako 13:14

“Oloni mukamona cimweso ca Vunyengwe cinemana kuje kucapandele kukala.” (Yove ulinakulava zivisisa muvinalumbunukila!) “Asinoni vaje vali mu Yundeya vakatewele ku malundu.

Luka 21:20

“Omo mukamona Yelusalema vanaizengeleka ku mbunga ya mashwalale, zivukeni ngweni kunyonga kwayo kuli muyehi.

Luka 21:24

Vamo vakavatsiya na mukwale, co vakwavo vakavatwala vunzinda ku mafuti eka, co vaka-kujeneka kukulaela vakalyatangela Yelusalema noo simbu yavo inete.

Loma 11:26

Eyi ikeyo ngila vanu va Isalele voshe vakavaamena nayo. Ngwe muvyendeka visoneka ngwavyo, “Muyoyesi akatunda ku Siyone, co akatundisa kupenga-penga kwoshe ku vatekulwila va Yakomba.

Loma 5:15

Oloni vwana vuje kuvwafwile ngwe kuvulumuna, omwo vwana vwa Njambi kuvwalifwile ngwe vuvi vwa Andama embwe. Mwa vushunga vene vanu vavangi vanatsi omwo vuvi vwa munu umolika. Oloni kutetela kwa Njambi kwakama manene, co na vwana vwendi vwakujeneka kupangela vuje vwanaana kuli vanu vavangi mu kutetela kwa munu uje umolika, ikeye Yesu Kilistu vunapu lalo vwakama manene.

Loma 5:19

Co ngwe omo vanu voshe vavapwisile vaka-vuvi akujeneka kwononoka kwa munu umolika, mu ngila eyi vene voshe vakavapwisa vaka-vushunga ku mesho a Njambi akwononoka kwa munu umolika.

VaHevelu 9:28

Mu cifwa eci vene, Kilistu lalo walyanene mukulikombelela lumo mukutundisa vivi vya vavangi. Akajomboloka simbu yamucivali, kesi lalo akendeka a vuvi embwe, oloni mukwovola vaje vanamuvandamena.