Ndanyele 9:25 - Livulu lya Shukulu Kalunga

²⁵ Zivuka eci nakucizivisisa. Kutunda a simbu vaanene lishiko lyakutungulula Yelusalema, noo ntwama uje wakwangula kuli Njambi naija, kukaita visimbu vitanu na vivali vya myaka itanu na ivali. Yelusalema vakaitungulula na vitapalo na vimpaka vyakukola, co ikakalako visimbu vitanu na vivali vya myaka makumi atanu na limo na myaka ivali, oloni ikapwa simbu ya tuyando.

Ndanyele 9:25 Iomraidhean Croise

2 Samwele 15:25

Asinoni mwene wendekele kuli Zandoke ngwendi, “Ilwiseni Cikasa ca Cikumiiyo ku nganda. Nga Shukulu Kalunga alinakuvwaelela nange, co litangwa limo akanjitava kwija nakucimona, nakumona lalo mutambela kuje cili.

Ezela 4:24

Co vipangi vya Njuvo ya Shukulu Kalunga vyemanene noo mu mwaka wamucivali wakushwana kwa Ndalyuse mwene wa Pelesha.

Ezela 7:1

Munima yevi, omo Aletasheleshe wapwile mwene wa Pelesha, kwakele munalume umo lizina lyendi Ezela. Ikeye wazivukile vakukulwila vendi va kunima kweta kuli Alone Muka-kukombelela Wakama, vakevo ava, Ezela wapwile muna Selaya, Selaya wapwile muna Azaliya, Azaliya wapwile muna Hilikiya,

Ezela 7:8

Vatundile ku Mbambilone a litangwa lyakulivanga ku ngonde.

Nehemiya 3:1

Eyi ikeyo ngila ivatungulwile civumbe ca nganda. Elyashimbe Muka-kukombelela Wakama na vakwavo vaka-kukombelela vatungulwile Cikolo ca Vimanga, co vacikundikile, nakwakako vikolo. Co vakundikile civumbe kutunda ku Kaposhi ka Ciita nakweta ku Kaposhi ka Hananele.

Nehemiya 4:2

Co wendekele ku mesho a vavushoko vwendi na kuli mashwalale va vaSamaliya ngwendi, “Vikajo vivalinga ava vaYunda vakuzeya? Vashaka kutungulula nganda? Kuma vayongola ngeci akukombelela vin̄ombelo, vasa kumanesa vipangi mu litangwa limo ndi? Kuma a vyuma vije vinenye vasa kulingao mamanya indi?”

Nehemiya 4:8

Ngecivene, voshe amolika valingile vutumbe vwakwija nakulwisa Yelusalema nakunena citanga cakama,

Nehemiya 6:15

Munima ya matangwa makumi atanu na avali akupanga ku civumbe cavukovelelo, co cahwile mu litangwa lyamumakumi avali na atanu mu ngonde ya Elule.

Myaso 71:10

Vitozi vange vashaka kunjitsiya, vanjikela munga.

Muka-kwambulula 3:3

kuli simbu yakutsiya, na simbu yakwindula, kuli simbu yakusiwula, na simbu yakutunga.

Isaya 55:4

Njamupwisile ntwama na muka-kushika miyati ya vanu, co wapwile mukaleo wange kuli vakevo.

Isaya 9:6

Omwo kuli yetu kunasemuka mbututu! Vanatwana mwana wa munalume! Co akapwa muka-kutushwana. Vakamutumbula ngwavo, “Muka-kunangula Wakukomokesa.” “Njambi Muka-nzili yoshe” “Tate wa ku Myaka Yoshe.” “Mwene wa Kwoloka.”

Ndanyele 8:11

Yalyalesele lalo na kuli Ntwama wa nzita ya mwilu, nakuvindika vin̄ombelo vije vakele nakukombelela kuli ikeye, co yajwalesele Njuvo ya Shukulu Kalunga yakujela.

Ndanyele 8:25

Omo akunyanyama kwendi, akavezika mu vilinga vyendi vya makuli. Ikeye akalyalesa nakunyongesa vanu vavangi omo vayongola ngwavo valimwamuvwa. Akavyana nameme Mwene ya vimyene voshe, oloni vakamunyongesa kujeneka kupangesa nzili ya munu.

Ndanyele 9:23

Omo washangumukile kulambelela kuli Njambi, ikeye wakukumbulwile. Ikeye wakuzema, ngeci njinaija mukukuleka mucinalumbunukila cihula cove. Ololo tolilila mwamuvwa omo njikulumbunwina cimona eci.

Mika 5:1

Vanu va mu Yelusalema, kungululeni mashwalale veni! Vanatuzengeleka! Valwisa ntwama wa Isalele!

Mika 5:2

Shukulu Kalunga alinakwendeka ngwendi, “Yove Mbetelehema Efaleta yove wapwa uwamundondo akati ka vinganda vya mu Yunda, oloni kuli yove kukatunda muka-kushwana Isalele, uje naanga yendi yakeleko tunde ku san̄ulu.”

Mateo 13:23

Co vimbuto vije vyawililile ku livu lya vwilo, vinapu ngwe vaje vaziva lijwi nakulizivisisa, vaima vushuka, vamo vaima vushuka 100, vakwavo makumi atanu na limo, co vakwavo makumi atatu.”

Mateo 24:15

“Ngecivene, mukamona Cimweso ca Vunyengwe cije cendekele Ndanyele cinemana mu mwela wakujela.” (Yove ulinakulava zivisisa muvinalumbunukila!)

Mako 13:14

“Oloni mukamona cimweso ca Vunyengwe cinemana kuje kucapandele kukala.” (Yove ulinakulava zivisisa muvinalumbunukila!) “Asinoni vaje vali mu Yundeya vakatewele ku malundu.

Yowano 1:41

Aje vene Anduleo wawanene ndolome yendi Simoni, co wamulekele ngwendi, “Tunawana Wakuvwavesa.” (Lijwi eli lilumbunuka ngwalyo “Kilistu.”)

Yowano 4:25

Munakazi wendekele kuli ikeye ngwendi, “Njazivuka ngwange Wakuvwavesa alinakwija, co omo naija, akatuleka vyuma vyoshe.”

Vilinga vya Miluwa 3:15

Co mwatsiile uje ikeye vavenya mwonyo, oloni Njambi wamusangwile ku vatsi, co yetu tunapu tu vakaleo va cuma eci.

Vilinga vya Miluwa 5:31

Njambi wamusangwile ku vatsi nakumwaka ku livoko lyendi lya cilyo kumupwisa Ntwama na Muyoyesi, mukwana Isalele simbu yakutenguluka ngeci vavasambese ku vivi vyavo.

Vilinga vya Miluwa 8:30

Ngecivene, Filipu washatukilileko wamuzivile alinakulava mu livulu lya Isaya muka-kwimanena. Co wamwihwile ngwendi, “Ulinakuzivisisa ovyo ulinakulava ndi?”

Efeso 5:16

Pangeseni mwamuvwa visimbu vije mulinavyo, omwo matangwa ano anapu amavi.

Kujombolola 1:5

na kuli Yesu Kilistu, mukaleo wa vushunga, mushoke wakulivanga kusanguka ku kutsa, co uje lalo muka-kushwana vimyene va ano a kaye. Watuzema, co a n̄ombelo ya kutsa kwendi natupatula ku vivi vyetu,

Kujombolola 19:16

A cikoveyo cendi cacilaja na a myanja yendi vasonekeleo lizina ngwavo, “Mwene ya vimyene na Shukulu ya vashukulu.”