Ndanyele 9:24 - Livulu lya Shukulu Kalunga

²⁴ “Visimbu vitanu na vivali vya myaka makumi atanu na avali inapu simbu yanemika Njambi yakupatula vanu vove na nganda yove yakujela ku vuvi na ku kupenga-penga. Ngecivene, vuvi vakavusambesa, co vushunga vukakala ku myaka yoshe, co cimona na vuka-kwimanena vikapwa vya vushunga, na Njuvo ya Shukulu Kalunga yakujela vakayikundika lalo.

Ndanyele 9:24 Iomraidhean Croise

2 Mizimbu 29:24

Asinoni vaka-kukombelela vatsiile majamba a vimembe, co vetilile maninga avo a mutula kupwa n̄ombelo ya a vuvi vwa vanu voshe, omwo mwene washikile ngeci vin̄ombelo vya kwenyeka, na vin̄ombelo vya a vuvi vipwe vya vaIsalele voshe.

Myaso 2:6

“Njinaka mwene yange a Siyone, lilundu lyange lyakujela.”

Myaso 45:7

Uzema vushunga nakuzinda vuvi, mukemwo Njambi, Njambi yove, nakuvezikisa vivezikiso vyakama kutuvakana vimyene veka.

Isaya 42:4

Kakonwa nambe kujuka, noo nanene vushunga asi. Mafuti a kulyala akashungwiya manene vilongesa vyendi.”

Isaya 51:6

Kengeni kwilu, co kengeni lalo asi, lilu likahwa vwasi ngwe vwisi, na lifuti likasanyozoka ngwe vuzalo vwalaja, co vanu vamwo voshe vakatsa ngwe vinzinzi. Oloni kwamena kwange kukapwa kwa myaka yoshe, kuhyana kwange kukapwa kwa myaka yoshe.

Isaya 51:8

vakahwa njwa ngwe vuzalo vwakuliwa ku tunembulu! Oloni kwamena kwange kukapwa kwa myaka yoshe, kuhyana kwange kukakala visimbu vyoshe.”

Isaya 56:1

Shukulu Kalunga alinakwendeka ku vanu vendi ngwendi, “Lingeni vije vinapu vya vushunga, na vuvwa, omwo njikamyamena vwasi-vwasi.

Isaya 61:1

Shukulu Kalunga wa Akamwa ya Vyoshe nanjishulisa na Munzinzime wendi. Nanjangula nakunjituma mukutwala muzimbu wauvwa kuli tuutu. Mukukolesa vaka-vimbunge vyakupokoka. Mukwambulwila vinzinda kupatuka, nakupatula vaje vali mu kamenga.

Mbimbi 4:22

Siyone natambula fweto yendi ya vuvi, co Shukulu Kalunga kakavatumbika lalo mu vunzinda embwe. Oloni Endome, Shukulu Kalunga akakunyanyamesa nakusholola milonga ya vilinga vyove.

Ezekiyele 28:12

“Muna munu, linyenge luvinda luje lukaija ali mwene wa ku Tile. Muleke evi vinjendeka yange Kalunga wa Akamwa ya Vyoshe ngwove, ‘Yove wapwile cimweso ca vushunga. Wapwile wa mana na vuvwa.

Ezekiyele 4:5

ca vuvi vwa Isalele matangwa akupwa 390, litangwa limo a mwaka umo na umo wakuvanyanyamesa noo cihiso cikahwa.

Ezekiyele 4:6

Omo unamanesa kulalela ku cimoshwe, co tengulukila ku mutambela wa livoko lyove lya cilyo, nakwambata lalo cihiso ca Yunda a matangwa makumi awana, litangwa limo a mwaka umo na umo wakuvanyanyamesa.

VaLevi 25:8

“Laveni visimbu vitanu na vivali a myaka itanu na ivali, co mukawana yoshe ikapwa myaka makumi awana na myaka itanu na iwana.

VaLevi 8:15

Mosesa wamutsiile, co wanoneleko maninga amo, co wambwitikilemo mulavo wendi waakwitile ku vyakushongomoka vya mu vimbango vya mutula, ngeci vaujelese. Asinoni wetilile maninga aje asaleleo kwisi ya mutula. Co mu ngila eyi waukundikile nakuujelesa.

Zakaliya 4:14

Co wanjilekele ngwendi, “Ava vakevo vanalume vavali vaje vanaangula Njambi nakuvavwavesa ngeci vamupangele, ikeye Shukulu Kalunga wa ano asi oshe.”

Kulava 14:34

Ngwe kulava matangwa makumi awana aje mwakanengele lifuti, ngecivene, mukayanda myaka makumi awana omwo vilinga vyeni vyavivi. Litangwa limo linapu mwaka umo, co matangwa makumi awana anapu myaka makumi awana. Co mukanjizivuka akumilwisa.

Mateo 1:21

Ikeye akakita mwana wa munalume, co ukamuluka lizina lyendi Yesu, omwo ikeye akaamena vanu vendi ku vuvi vwavo.”

Mateo 11:13

Omwo vaka-kwimanena voshe na majwi a Lishiko a Mosesa, vambulwile vya Vumwene noo a simbu ya Yowano.

Mateo 4:5

Co Liyavola watwalele Yesu ku Yelusalema, Nganda Yakujela, wamwimikile a kashongwa ka Njuvo ya Shukulu Kalunga,

Mako 1:24

“Ushaka kulinga vika netu, yove Yesu wa ku Nazaleta? Kuma unaija kuno nakutunyongesa ndi? Njakuzivuka, yove wapwa u muluwa wakujela wa Njambi!”

Luka 1:35

Co kangelo wamukumbulwile ngwendi, “Munzinzime Wakujela akaija ali yove, na nzili ya Njambi ikakufwika. Ngecivene, uje wakujela iwukakita vakamutumbula Muna Njambi.

Luka 21:22

Omwo aje akewo matangwa akunyanyamesa ngeci vyuma vyoshe vije vivendekele mu visoneka vipwe vya vushunga.

Yowano 1:41

Aje vene Anduleo wawanene ndolome yendi Simoni, co wamulekele ngwendi, “Tunawana Wakuvwavesa.” (Lijwi eli lilumbunuka ngwalyo “Kilistu.”)

Yowano 3:34

Omwo woshe uje yanatumu Njambi endeka majwi a Njambi, omwo Njambi namwana Munzinzime Wakujela muvungi.

Vilinga vya Miluwa 3:14

Oloni wapwile wakujela, wa vushunga, oloni mwamuvyanene, mwalombele Pilato amyecelele uje lipwepwe.

Vilinga vya Miluwa 3:22

Omwo Mosesa wendekele ngwendi, ‘Shukulu Kalunga Njambi yeni akamitumina muka-kwimanena, ngwe muje mwatumine yange, akapwa umo wakutunda akati ka vanu veni. Mukononoka vyuma vyoshe vije vyakamileka kulinga.

Vilinga vya Miluwa 4:26

Vimyene va ano asi valivwaeselele cimweja vakevo vavenya, na vaka-kushwana valikungulwile amo nakutumba matumbe amavi akulwisa Shukulu Kalunga na Wakuvwavesa.’

Loma 5:10

Omwo twapwile tu vitozi va Njambi, oloni natupwisa vasamba vendi a kutsa kwa Munendi. Ololo omo tunapu vasamba va Njambi, tukovoka a mwonyo wa Kilistu!

1 Kolinte 1:30

Oloni Njambi namyaka amo muli Kilistu Yesu, co Njambi napwisa Kilistu mana etu. Ali ikeye tunapu vaka-vushunga ku mesho a Njambi, tunapu vana va Njambi vakujela, co vanatupatula.

Filipu 3:9

ngeci njikale muli ikeye. Yange kunjesi na vushunga vwange vavenya vwai, vuje vasa kuwana akwononoka Lishiko. Ololo njili na vushunga vuje vananjana akukulaela lika kuli Kilistu, vushunga vuje vutunda kuli Njambi, co nsina yavwo inapu kukulaela.

Kolose 1:20

Ngecivene, ali Mwana, Njambi wayongwele kwilwisila kaye koshe kuli ikeye vavenya. Njambi wanenele kwoloka a maninga a Munendi a cilindakano, co waambesele vyuma vyoshe kuli ikeye vavenya, vije vili asi na vije vili mwilu.

Kolose 2:14

watundisile cishimbikiya ca makongo etu na mshiko aco, co wacitundisile akucishukika a cilindakano.

VaHevelu 10:14

Ngecivene, a n̄ombelo imo, najelesa voshe vaje vanajele ku vuvi.

VaHevelu 2:17

Ngecivene, camupandele mu vyoshe alipwise mumolika na vakwavo, ngeci apwe Muka-kukombelela Wakama wa kulongwa na kutetela mu vipangi vyendi ku mesho a Njambi, ngecivene, vuvi vwa vanu vakavusambese.

VaHevelu 7:26

Ngecivene, Yesu wapwa Muka-kukombelela wakama uje amona ngwe kujeneka kwetu. Wapwa wakujela, muli ikeye kumwesi mulonga nambe vuvi, vanamutundisa mukati ka vanu vaka vuvi, co vamusangwile nakumutwala mwilu.

VaHevelu 9:26

nga ngoco ni, nga wapandele kuyanda visimbu vyavingi tunde aje vatangelele kaye. Oloni ku shongo ya myaka, washolokele lumolika kuli voshe, mukutundisa vuvi mukulikombelela ikeye vavenya.

2 Petulu 1:1

Mukanda wakutunda kuli yange Simoni Petulu, ngamba na muluwa wa Yesu Kilistu. Njilinakusoneka kuli vaje, a vushunga vwa Njambi yetu na Muyoyesi wetu Yesu Kilistu vanavana kukulaela kwa seo yakama manene ngwe yetu vene.

1 Yowano 3:8

Woshe uje atwalelelao kulinga vuvi nakundama kuli Liyavola, omwo Liyavola nalingi vuvi tunde ku san̄ulu. Eci cikeco cuma cakatukilile Muna Njambi, kunyongesa vije vyalingile Liyavola.

Kujombolola 14:6

Asinoni njamwene kangelo mukwavo alinakupulula mwilu a mukambwila, na lijwi lya Vin̄anda Vyavivwa vyakwambulula kuli vanu va ano asi na ku mafuti oshe ku miyati yoshe na ku vindaka vyoshe na ku vanu voshe.

Kujombolola 3:7

“Kuli kangelo wa ku cikungulukilo ca mu Filandelufiya soneka ngwove, “Eli likelyo lijwi lyatundu kuli umo uje wakujela na vushunga. Nakwata sapi ije yakundamene kuli Ndaviti, co omo ashokolola lipito, naumo wai asa kulishoka, co omo alishoka, naumo wai asa kulishokolola.