Ndanyele 9:23 - Livulu lya Shukulu Kalunga

²³ Omo washangumukile kulambelela kuli Njambi, ikeye wakukumbulwile. Ikeye wakuzema, ngeci njinaija mukukuleka mucinalumbunukila cihula cove. Ololo tolilila mwamuvwa omo njikulumbunwina cimona eci.

Ndanyele 9:23 Iomraidhean Croise

2 Vimyene 19:20

Asinoni Isaya watumine majwi akuleka Mwene Hezekiya akukumbulula ku lilombelo lya mwene ngwendi

Visimo 15:8

Shukulu Kalunga akazivi vunyengwe na vin̄ombelo vya vaka-vuvi, oloni avwaelela na malombelo a vaka-vushunga.

Myaso ya Solomoni 7:10

Njakundama kuli muka-cizemo cange, co ikeye wanjishaka manene.

Ezekiyele 14:14

Nameme nga vaje vanalume vatatu, Nowa na Ndanele na Yombi, vakelemo, nga vanamena lika myonyo yavo. Mukemwo mwanendeka Shukulu Kalunga wa Akamwa ya Vyoshe.

Ezekiyele 24:16

“Muna munu, njikatundisa vwasi-vwasi munu uje iwazema manene. Kesi ukalinyenge nambe kulila.

Ezekiyele 26:12

Co vitozi vove vakapukula vufuko vwove vwa seo. Vakasiwula vivumbe vyove nakupukula vinjuvo vyove vyavivwa. Vakanona mamanya na viti na vyoshe vya mazilo, co vakavyumbila mu mema a kalunga.

Ndanyele 10:1

(Mu mwaka wamucitatu omo Siluse wapwile mwene wa Pelesha, co lijwi lyezile kuli Ndanyele uje ivatumbwile Mbeletesezale. Lijwi lije lyapwile lya vushunga oloni lyapwile lyalikalu kulizivisisa. Ngecivene, valilumbunwine kuli ikeye mu cimona.)

Ndanyele 10:19

Co wendekele lalo ngwendi, “Njambi wakuzema, ngecivene, cuma cimo kesi cikupese nambe kukuzivisa lyova embwe.” Omo wendekele evi, njazivile nzili yakama manene, co njendekele ngwange, “Shukulu, njileke viwushaka kwendeka. Ololo njili na nzili oni.”

Ndanyele 6:3

Ngecivene, Ndanyele wamwesele ngeci ikeye asa kupanga mwamuvwa kutuvakana vaje vaka-kutwamenena nambe vanguvulu. Omwo Ndanyele wapangele mwamuvwa vipangi vyendi kutuvakana vakwavo voshe, co mwene wayongwele kumwaka ku vukama vwakutwamenena mu vumwene vwoshe.

Mateo 24:15

“Ngecivene, mukamona Cimweso ca Vunyengwe cije cendekele Ndanyele cinemana mu mwela wakujela.” (Yove ulinakulava zivisisa muvinalumbunukila!)

Luka 1:28

Co kangelo wezile kuli Maliya wendekele ngwendi, “Kwoloka kukale nove! Mwene ali amo nove, co nakuvezikisa manene!”