Ndanyele 9:18 - Livulu lya Shukulu Kalunga

¹⁸ Yove Njambi tolilila kuli yetu, kenga ali yetu, mona tuyando twetu na tuyando twa nganda yove. Tulinakulombela kuli yove omwo wakala na mema ku mbunge, kesi ngwe omo tunalingi vushunga embwe.

Ndanyele 9:18 Iomraidhean Croise

1 Vimyene 8:29

Nyunga eyi Njuvo mutanya na vutsiki, mwela ou uunaangula wakukulemesela. Njizive omo njikenga ku Njuvo eyi nakulombela.

2 Vimyene 19:16

Ololo Shukulu Kalunga, kenga a vyuma evi vilinakulingiwa kuli yetu, tolilila ku vyuma vyoshe vije vyalinakwendeka Senakelivi vyakushaula yove Njambi wakuyoya.

Myaso 116:1

Njizema Shukulu Kalunga, omwo nazivi malombelo ange.

Myaso 25:6

Anuka kutetela kwove yove Shukulu Kalunga, na cizemo cove cije kucesi kutenguluka, vije viwasholwele tunde ku san̄ulu.

Kutuuka 3:7

Asinoni Shukulu Kalunga wendekele ngwendi, “Mwa vushunga, njinamono tuyando twa vanu vange muvali nakuvapangesela mu Ingito. Njazivi valinakulila ngeci vavapatule ku vundungo vwa vaje valinakuvayandesa. Njamono a tuyando twavo twoshe.

Isaya 37:17

Ololo Shukulu Kalunga, kenga a vyuma evi vilinakulingiwa kuli yetu. Tolilila ku vyuma vyoshe vije vyalinakwendeka Mwene Senakelivi vyakushaula yove Njambi wakuyoya.

Isaya 43:7

Vakevo vanapu vanu vange, njavatangele ngeci vanene kasingimiko kuli yange.”

Isaya 64:12

Yove Shukulu Kalunga, vatijo utumbama lika kuluu akumona vyuma vyoshe evi nakutava ngeci tuyande ndi?

Isaya 64:6

Yetu voshe tunapu vaka-vuvi, nameme vilinga vyetu vyavivwa vinapu vyakujwala simbu yoshe. Omwo vuvi vwetu, yetu tunapu ngwe maputa akujujwama, co apekumuka na lihunzi.

Njelemiya 14:7

Vanu vange vanjililila ngwavo, ‘Nameme vuvi vwetu vutuhisa, oloni Shukulu Kalunga tukwase ngwe omo watukulaesele. Tunakukengesa nima visimbu vyavingi, tunalingi vuvi ku mesho ove.

Njelemiya 14:9

Omwo vikajo unapu ngwe munu ivanakasumuna, nambe ngwe lishwalale najeneka nzili mukulyamena? Mwa vushunga Shukulu Kalunga yove uli netu! Yetu tu vanu vove kesi utuseze embwe.’ ”

Njelemiya 15:16

Omwo wendekele kuli yange, njatolililile majwi oshe nakuwononoka, omwo njapwa nji wove, yove Shukulu Kalunga Njambi Muka-nzili yoshe.

Njelemiya 25:29

Njikashangumuka vipangi vyange vyakunyongesa mu nganda yange vavenya. Kuma vayongola ngwavo kuvakavanyanyamesa ndi? Embwe, vakavanyanyamesa, omwo njikatuma nzita ku vanu voshe ano asi. Yange Kalunga Muka-nzili yoshe, njinendekamo.

Njelemiya 36:7

Amo vakalomba kuli Shukulu Kalunga, nakutenguluka kutunda ku vingila vyavo vya vuvi, omwo Shukulu Kalunga nashungwiya vanu vaje na vukalu vwakama.”

Njelemiya 37:20

Co ololo shukulu, njikulomba unjitolilile, nakulinga evi vinjikulomba. Shukulu kesi unjiilwisile lalo mu kamenga ku njuvo ya Yonatana. Nga ulingamo, co mwa vushunga njikatsila muje vene.”

Ezekiyele 36:22

“Ngecivene, ololo, leka vaIsalele majwi awa yange Kalunga wa Akamwa ya Vyoshe, njilinawo ali vakevo ngwange, ‘Vije vinjilinga kesi vya ali yeni vaIsalele embwe, oloni omwo lizina lyange lyakujela lije limunazivisa shwamwa mu mafuti oshe kuje kwoshe mwaile.

Ezekiyele 36:32

Isalele, njishaka muzivuke ngeci kunjesi nakulinga vyuma vyoshe evi omwo yeni embwe. Njishaka muzive shwamwa nakushauka a vije mwalingile. Munjinendeka yange Kalunga wa Akamwa ya Vyoshe.”

Ndanyele 9:7

Yove Shukulu Kalunga, simbu yoshe wapwa u muka-vushunga, oloni yetu simbu yoshe tu vaka-kulinga vyuma vya shwamwa. Eci cinapu ca vushunga kuli yetu voshe tuli mu Yunda na mu Yelusalema, na vaIsalele voshe vaje vawashandwelele mu mafuti amuyehi naa a kulyala omo kuvakulaelele kuli yove.

Kulava 6:27

Shukulu Kalunga wendekele ngwendi, “Nga mukatumbula lizina lyange mukuvezikisa vanu va Isalele, co njikavavezikisa vene.”

1 Kolinte 1:2

Ku cikungulukilo ca Njambi cije cili mu Kolinte, kuli vaje voshe vavanasana ngeci vapwe vanu va Njambi vakujela, vaje vanakundama kuli ikeye amo na Kilistu Yesu, amolika na vanu voshe kwoshe-ikwoshe vaje vakalemesa Mwene yetu Yesu Kilistu, Mwene yavo na Mwene yetu.