Ndanyele 9:16 - Livulu lya Shukulu Kalunga

¹⁶ Yove watwamenene a simbu ya kunima, ngecivene, kesi uluvale na Yelusalema. Ikeyo yapwa nganda yove, lilundu lyove lyakujela. Vanu voshe vaje twalyata navo valinakukenga a Yelusalema na ali vanu vove omwo vuvi vwetu na vuvi vuje vuvalingile vakukulwila vetu.

Ndanyele 9:16 Iomraidhean Croise

Nehemiya 9:8

Yove wamwene ngeci ikeye wapwile wa kulongwa kuli yove, co walikumiiye cikumiiyo nendi. Wamukulaesele kumwana lifuti lya vaKanana, na vaHiti, na vaAmoli, na vaPelezi, na vaNjevushi, na vaNgilengashi, kupwa lifuti muje muvakakala vatekulwila vendi. Wanyungile cikulaeso cove, omwo yove wapwa wa kulongwa.

Myaso 143:1

Ziva lilombelo lyange Shukulu Kalunga, mu vushunga vwove tolilila kukulomba kwange! Njikumbulule mu kulongwa kwove.

Myaso 31:1

Muli yove Shukulu Kalunga mukemwo munjiwana kuvanda, shwamwa kesi injikole, yove unapu Njambi wa vushunga, njilinakulomba ngeci unjamene!

Myaso 41:13

Wakushangazala Shukulu Kalunga Njambi ya Isalele, mushangazaleni lelo na ku myaka yoshe! Ewa! Ewa!

Myaso 71:2

Njipatule nakunjamena mu vushunga vwove, njitolilile nakunjamena.

Myaso 79:4

Miyati ya vanu vaje vanatuzengeleka valinakutushaula, nakutujola nakutushendumuna.

Myaso 85:4

Twamene yove Njambi muyoyesi wetu, co likele kuluvala netu!

Myaso 89:51

Yove Shukulu Kalunga, vitozi vove valinakushaula mwene uje iwunaangula! Valinakumushaula kwoshe kuje kwaya.

Kutuuka 20:5

Kesi mukatsikamene tumponya, nambe kutulemesa, omwo yange Kalunga Njambi yeni, njapwa Njambi wa lifuwa. Co njikahisa vaje vanjizinda na vatekulwila vavo kutwala ku cisemwa camucitatu neci camuciwana.

Isaya 5:25

Shukulu Kalunga naluvala na vanu vendi, co nolola livoko lyendi nakuvahisa. Minkinda ikajaja, co mivila ya vanu va kutsa ikalala mu vitapalo ngwe vyuma vya mazilo. Nameme ngoco, vukalu vwa Shukulu Kalunga kuvukahwilao embwe, oloni anga akolola livoko lyendi mukuvahisa.

Njelemiya 24:9

Njikanena vukalu ali vakevo ngeci miyati yoshe ya mu kaye vakalikomokele. Vanu vakavashendumuna, co vakalinga litangalakazi ali vakevo, nakuvayengula, nakupangesa mazina avo ngwe cisingo kwoshe kuje njavashandwela.

Njelemiya 29:18

Njikavayandesa na nzita, na njala ya lyangengela, na mushongo, co miyati yoshe ya mu kaye vakalikomokela a vije vakamona. Kwoshe kuje kunjikavashandwela, vanu kakalisimoka nakulikomokela a vije vinalingiwa kuli vakevo. Vanu vakavashendumuna, nakupangesa lizina lyavo kupwa cisingo.

Njelemiya 32:31

Vanu va mu nganda eyi vananjiluvalesa manene kutunda ku litangwa lije vaitungile. Ngecivene, njayongola kuyinyongesa,

Njelemiya 32:32

omwo a vuvi vwoshe vuje vuvanalingi vanu va mu Yunda na vanu va mu Yelusalema, amolika na vimyene vavo, na vantwama, na vaka-kukombelela vavo, na vaka-kwimanena.

Ezekiyele 22:4

Yove uli na mulonga omwo vanu vaje vawatsiile, nakulijwalesa na tumponya tuje tuwalingile, ngecivene, litangwa lyove lilinakwija, simbu inete. Mukemwo njinatava miyati yoshe vakushendumune, na mafuti oshe vakuyeluwise.

Ezekiyele 5:14

Co vanu voshe vakutunda ku mafuti aje anamizengeleka, vakamiyeluwisa nakumishondoloka.

Ndanyele 11:45

Akashimbika vimbalaka vyendi vyakama vya vumwene mukati ka mema a kalunga na a munkinda aje ali Njuvo ya Shukulu Kalunga. Oloni akatsa, co naumo wai wakumukwasa akakalako.”

Ndanyele 9:20

Njakele nakulombela, nakulitavela vuvi vwange na vuvi vwa vanu vange va Isalele, nakulambelela kuli Shukulu Kalunga Njambi yange ngeci elwise Njuvo yendi yakujela.

Njwele 3:17

“Asinoni, Isalele mukazivuka ngeci yange njapwa Kalunga Njambi yeni. Yange njakala a Siyone, lilundu lyange lyakujela. Yelusalema ikapwa nganda yakujela, vaka-kwija kuvakaifungulula lalo.

Zakaliya 8:3

Njikeluka ku Yelusalema, nganda yange yakujela, co njikakala muje. Vakaitumbula nganda ya kulongwa, co lilundu lya Shukulu Kalunga Muka-nzili yoshe vakalitumbula ngwavo lilundu lyakujela.

2 Tesalonika 1:6

Njambi akalinga vije vyavivwa, co akanena tuyando ali vaje valinakumiyandesa,

1 Yowano 1:9

Oloni nga tulitavela vivi vyetu kuli Njambi, co Ikeye anyunga cikulaeso cendi nakulinga vije vya vushunga, ikeye akatusambesa ku vivi vyetu nakutujelesa ku vilinga vyetu vyoshe vyavivi.

1 Samwele 2:7

“Ikeye autwisa vanu vamo, co vamo avafukisa, Ikeye akeesa vamo, co vamo avapwisa vakama.