Ndanyele 9:14 - Livulu lya Shukulu Kalunga

¹⁴ Yove Shukulu Kalunga Njambi yetu, walivwaeselele cimweja kutunyanyamesa, co walingilemo vene, omwo simbu yoshe ukalingi vije vinapu vya vushunga, oloni yetu kutwakutolililile.

Ndanyele 9:14 Iomraidhean Croise

2 Mizimbu 12:6

Co Mwene na vantwama valitavelele ngeci vanalingi vuvi, vendekele ngwavo, “Shukulu Kalunga wapwa wa vushunga.”

Ezela 9:15

Yove Shukulu Kalunga Njambi ya Isalele, yove muka-vushunga, yove unatava ngeci yetu tuyoye. Tulitavela mulonga wetu kuli yove, kutwapandele kwimana ku mesho ove.”

Nehemiya 9:33

Yove walingile mwamuvwa kutuhisa, yove wapwa wa kulongwa, nameme twalingile vuvi.

Myaso 111:7

Vipangi vya mavoko a Shukulu Kalunga vyapwa vya kulongwa na vushunga, co mashiko endi oshe vasa kuwakulaela.

Myaso 116:5

Shukulu Kalunga wapwa muka-ngozi na muka-vushunga, eyo, Njambi yetu wakala na mema ku mbunge.

Myaso 119:137

Yove wapwa u muka-vushunga Shukulu Kalunga, na mashiko ove lalo apwa a vushunga.

Myaso 51:14

Yove Njambi njamene ku mulonga wakutsiya, co njikavwaelela kwambulula vushunga vwove.

Kutuuka 9:27

Asinoni mwene wasanene Mosesa na Alone wendekele kuli vakevo ngwendi, “A simbu ino njinalingi vuvi, Shukulu Kalunga nalingi mwamuvwa, co yange na vanu vange tunaviisa.

Njelemiya 12:1

Yove Shukulu Kalunga, simbu yoshe wapwa u muka-vushunga, omo njinena n̄anda yange ku mesho ove. Nameme ngoco njinapande kukwihula a vushunga vwove. Omwo vikajo vaka-vuvi valinakuyoya mwamuvwa? Omwo vikajo vaka-vungungu vavezika?

Njelemiya 31:28

Ngwe omo njavanyungile mukuvatukula, nakuvawisa, nakuvombila, nakuvanyongesa, nakuvayandesa, ngecivene, njikavanyunga mukuvakuna, nakuvatunga lalo.

Njelemiya 4:17

co vakazengeleka Yelusalema ngwe vanu vanyunga lihya, omwo vanu vamwo vanatengulukila Shukulu Kalunga nakumulwisa. Shukulu Kalunga nendekamo.

Njelemiya 44:27

Kunjikamivezikisa embwe, oloni njikaminyongesa. Muvavoshe mukatsa ku nzita, nambe ku mushongo, naumo wai wa ali yeni akasalao.

Mbimbi 1:5

Vitozi vendi vanamufungulula, co ali mu mavoko avo. Shukulu Kalunga namunyanyamesa omwo vuvi vwendi vwavungi, vana vendi vanavafungulula nakuvatwala.

Ezekiyele 16:43

Yove unevala munjakulingile omo wapwile u mwanike, co unanjiluvalesa a vyuma vyoshe vije viwalingile. Mukemwo njinakulingisa ngeci ufwete omwo a vije vyoshe. Omwo vikajo unaakelako lalo vupangala ku vyuma vyoshe vya vunyengwe vije viwalingile?” Mwanendeka Shukulu Kalunga wa Akamwa ya Vyoshe.

Ndanyele 4:34

“Munima ya myaka itanu na ivali, yange Nevukaneza, njakengele kwilu, co mana ange elukile lalo kuli yange vavenya. Njashangazalele Njambi wa Akamwa ya Akamwa, njashangazalele nakusingimika uje wakala ku myaka yoshe. “Ikeye akashwana ku myaka yoshe, vumwene vwendi vukakala simbu yoshe.

Ndanyele 9:7

Yove Shukulu Kalunga, simbu yoshe wapwa u muka-vushunga, oloni yetu simbu yoshe tu vaka-kulinga vyuma vya shwamwa. Eci cinapu ca vushunga kuli yetu voshe tuli mu Yunda na mu Yelusalema, na vaIsalele voshe vaje vawashandwelele mu mafuti amuyehi naa a kulyala omo kuvakulaelele kuli yove.