Ndanyele 8:3 - Livulu lya Shukulu Kalunga

³ co kuje vene ku ngenge ya ndonga njamwene kunemana lijamba lya manga. Ikeye wakele na vimbinga vivali vyavilaja, imo yapwile yailaja, co lalo yapwile yaiha kutuvakana mbinga ikwavo.

Ndanyele 8:3 Iomraidhean Croise

1 Mizimbu 21:16

Co Ndaviti wandwile mesho endi wamwene kangelo nemana a vukambwila, najundula livoko lyendi lije lyakele na mukwale ngeci anyongese Yelusalema. Asinoni Ndaviti na vantwama va vanu, vaje voshe vazalele vikeleya, vatsikamene, vakengesele vihanga vyavo asi.

Ezela 1:2

“Eli likelyo lishiko lya Siluse, mwene wa Pelesha. Shukulu Kalunga, Njambi wa Mwilu, ikeye nanjipwisa muka-kushwana kaye koshe, co nanjana moko yakumutungila Njuvo mu Yelusalema mu Yunda.

Ezela 4:5

Co lalo vaanene lizika-kanwa kuli vamyata va vaka-kushwana va Pelesha ngeci vavavindike. Co vakele nakulinga ngacije a simbu yakushwana kwa Siluse na a simbu yakushwana kwa Ndalyuse.

Esita 1:3

Mu mwaka wamucitatu wakushwana kwendi, Sheleshe walingile ciwano ca vamyata vendi voshe, amolika na vakulunu va vipangi. Mashwalale va Pelesha na Mendiya amo na vanguvulu na vaka-kufuka va mu mafuti aje, voshe vakele ku ciwano cije.

Isaya 13:17

“Njilinakushangumuna vaMende kulwisa Mbambilone, VaMende vaje kuvesi kuvalanda na siliva, nambe na ngolinde.

Isaya 21:2

Vanjimwesele cimona cakutewesa, cimona ca vungungu na kunyongesa. Mbunga ya mashwalale va Elame, na mbunga ya mashwalale va Mendiya, vazengelekeni nakulwisa vaMbambilone. Njambi akamanesa tuyando tuje tuvalingile vaMbambilone.

Isaya 44:28

Njendeka kuli Siluse ngwange, ‘Yove ukatwamenena vanu vange, ukalinga vije vinjinashakele kulinga, ukashika ngeci Yelusalema vaitungulule, na luvula lwa Njuvo ya Shukulu Kalunga valujale.’ ”

Njelemiya 51:11

Shukulu Kalunga nashiki vimyene va Mendiya kukalwisa Mbambilone, omwo nayongola kuyinyongesa. Omu mukemwo mwakalinga shambandinga vaMbambilone omwo vasiwile Njuvo ya Shukulu Kalunga. Vamyata va nzita valinakushika ngwavo, “Otoleni mikili yeni! Vwaeseleni cimweja vintelo vyeni!

Ndanyele 10:5

Njakengele, co njamwene munalume umo wazalele vuzalo vwa linyu na mwiva wa ngolinde yaivwa.

Ndanyele 2:39

Munima yove lalo kukakala vumwene vweka, oloni kuvukapu lalo vwakama ngwe vwove embwe, co lalo munima yovu kukakala vumwene vwamucitatu vwa vunengu, vuje vukashwana kaye koshe.

Ndanyele 5:31

co Ndalyuse kaMende uje wakele na myaka makumi atanu na limo na myaka ivali, watambwile vumwene.

Ndanyele 6:28

Co Ndanyele wavezikile a simbu yashwanene Ndalyuse na a simbu yashwanene Siluse kaPelesha.

Ndanyele 7:5

Co njamwene cikashama mukwavo wamucivali wakulifwa ngwe mbeya wemanene a mendi endi. Washumine vimati vitatu mu kanwa kendi, co vamulekele ngwavo, “Katuka, lya situ yaingi!”

Ndanyele 8:2

Mu cimona eci njamwene njili mu nganda ya cimpaka mu Susa, nganda ije yakele mu lifuti lya Elame. Njemanene ku ngenge ya Ndonga ya Ulai,

Ndanyele 8:20

“Lijamba lya manga uje iwamwene ali na vimbinga vivali nemanena vumwene vwa Mende na Pelesha.

Zakaliya 1:18

Mu cimona cikwavo njamwene vimbinga viwana vya vingombe vakulimisa.

Zakaliya 2:1

Mu cimona cikwavo njamwene munalume wakwatele mukole wakusetekesa mu livoko lyendi.

Zakaliya 5:1

Njakengele lalo, a simbu eyi vene, njamwene livulu lyakuzenga lipulula mu lihunzi.

Zakaliya 5:5

Co kangelo washolokele lalo wendekele kuli yange ngwendi, “Kenga, cuma ceka lalo cilinakwija!”

Zakaliya 5:9

Njandwile mesho ange, co njamwene vanakazi vavali vapuluwile kuli yange na mambava a nzili ngwe a kanyange-nyange. Co vakakwile uje mutonga nakupulula nawo.

Zakaliya 6:1

Njamwene cimona cikwavo. A simbu eyi njamwene matemba awana atundile mukati ka minkinda ivali ya vunengu.

Kulava 24:2

Omo Mbalame wandwile mesho endi, wamwene vanu va Isalele vanatungu cilombo cavo kupwisa ngwe ku muyati na muyati. Co Munzinzime wa Njambi wezile ali ikeye nakumupangesa,

Yoshwa 5:13

Omo Yoshwa wakele kuyehi na Yeliko, wandwile mesho endi, co wamwene munu nemana kulutwe lwendi, nakwata mukwale mu livoko. Ngecivene, Yoshwa waile kuli ikeye nakumwihula ngwendi, “Yove unapu umo wa mashwalale vetu indi u citozi?”

Kujombolola 13:11

Asinoni njamwene cikashama mukwavo alinakutuuka mu livu. Wakele na vimbinga vivali ngwe vimbinga vya muna manga, co wendekele ngwe canza-ngombe.

Kujombolola 5:6

Asinoni njamwene Muna Manga nemana mukati ka litanda, vaje vikashama vawana vakuyoya na vakulunu vamuzengelekele. Co Muna Manga washolokele ngwe uje ivanatsii. Wakele na vimbinga vitanu na vivali na mesho atanu na avali, evi vinapu minzinzime itanu na ivali ya Njambi ije ivatumine asi oshe.