Ndanyele 8:22 - Livulu lya Shukulu Kalunga

²² Co vimbinga viwana vije vyengile mu mbinga ije yapokokele vinemanena vumwene vuwana vuje vukaangununa muyati uje, oloni kuvukakala na nzili ngwe vumwene vwakulivanga embwe.

Ndanyele 8:22 Iomraidhean Croise

Ndanyele 11:4

Oloni a simbu yendi yakushwana, co vumwene vwendi vukalyangunuka mu mitambela iwana. Co vimyene vaje kesi vatekulwila vendi vakashwana mu lipela lyendi, oloni kuvakakala na nzili ngwe ikeye embwe.

Ndanyele 7:6

Omo njakengele, njamwene cikashama mukwavo lalo wafwile ngwe ingwe, oloni a mwongo wendi akele mambava awana ngwe a kazila, co lalo wakele na mitwe iwana. Co vamwanene moko yakushwana.

Ndanyele 7:7

Omo njakengele, njamwene lalo cikashama wamuciwana. Ikeye wapwile wa nzili nakukomokesa nakujujwisa. Wakele na mayo a vutale akama, co walile nakuvatozola nakulyatangela vije vyasaleleo. Ikeye kafwile ngwe vaje vikashama vakwavo vatatu embwe, oloni wakele na vimbinga likumi.

Ndanyele 8:21

Uje membe nemanena vumwene vwa Ngelese, co ije mbinga ya akati ka mesho endi inemanena mwene wakulivanga.

Ndanyele 8:23

“Omo vuje vumwene vuwana vukahwa, co vukapwa vwavuvi ngeci vavunyanyamese, co kukakala mwene wa mbunge yakukaluwa na muuka na makuli.

Ndanyele 8:3

co kuje vene ku ngenge ya ndonga njamwene kunemana lijamba lya manga. Ikeye wakele na vimbinga vivali vyavilaja, imo yapwile yailaja, co lalo yapwile yaiha kutuvakana mbinga ikwavo.

Ndanyele 8:8

Co uje lijamba lya membe walyalesele manene, oloni omo wakolele, co ije mbinga yendi yakama yapokokele. Co mu mwela wayo mwamenene lalo vimbinga vikwavo viwana, co imo na imo yakengesele mu mutambela weka.

Zakaliya 6:1

Njamwene cimona cikwavo. A simbu eyi njamwene matemba awana atundile mukati ka minkinda ivali ya vunengu.