Ndanyele 8:2 - Livulu lya Shukulu Kalunga

² Mu cimona eci njamwene njili mu nganda ya cimpaka mu Susa, nganda ije yakele mu lifuti lya Elame. Njemanene ku ngenge ya Ndonga ya Ulai,

Ndanyele 8:2 Iomraidhean Croise

Kushangumuka 10:22

Vana va Shemi va vanalume mazina avo, Elame, na Ashule, na Alepakeshande, na Lunde, na Alama. Vakevo vapwile vakukulwila va vanu vaje valilukile mazina avo.

Kushangumuka 14:1

A matangwa a Mwene Amalafela wa ku Mbambilone, na Mwene Alyoke wa ku Elasale, na Mwene Kendoleome wa ku Elame, na Mwene Tindale wa ku Ngoime,

Nehemiya 1:1

Awa akewo majwi a Nehemiya muna Hakaliya. Mu ngonde ya Kiseleve mu mwaka wamumakumi avali omo Aletasheleshe wapwile Mwene wa Pelesha, yange Nehemiya, njakele mu Susa, nganda yakama.

Esita 1:2

A matangwa aje Sheleshe wakele a litanda lyendi lya vumwene mu Pelesha mu Susa nganda yakama.

Esita 2:8

Omo mwene washikile lishiko lyendi, co vambanda vavangi vavanenele ku Susa, na Esita wakele akati kavo. Co nendi lalo vamwakele mu lipela mukumunyunga kuli Hengai, uje wapwile muka-kunyunga vambanda va ku lipela.

Esita 3:15

Co miluwa vashatukile lumbisi kutwala muzimbu mu mafuti oshe ngwe muje mwashikile mwene. Co vambulwile lije lishiko na mu nganda ya Susa. Co mwene na Hamane vatumbamene amo nakunwa, oloni vanu vaje vakele mu nganda ya Susa vakele na kuuya-uya.

Esita 7:6

Co Esita wamukumbulwile ngwendi, “Muka-n̄ole yetu, na citozi cetu ikeye ou vene munalume wamuvi Hamane!” Co Hamane wazivile lyova kuli mwene na kuli lishano.

Esita 8:15

Co Molendekai watuukile mu lipela lya vumwene, oku nazala vuzalo vwa vumwene vwa mavala akuzivuluka naa akutoka na cikoveyo cacilaja ca linyu cakuletuka na cilongo ca vumpau ca ngolinde. Co mu vitapalo vya mu Susa vatwile vingunda na mutambi wakuvwaelela.

Esita 9:11

Ngecivene, a litangwa lije vukaleo vwa vanu vavatsiile mu Susa vavunenele kuli mwene.

Esita 9:15

Co a litangwa lyamulikumi na awana ku ngonde ya Andale vaYunda va mu Susa valikungulwile amo lalo nakutsiya vanu vakupwa 300 lalo mu nganda. Oloni kuvapukwile vyuma vyavo lalo.

Isaya 11:11

Omo litangwa lije likaija, Shukulu Kalunga akapangesa nzili yendi nakwilwisa vanu vendi vaje vasalele ku Asilya na ku Ingito, na ku Patelose, na ku Sundane, na ku Elame, na ku Mbambilone, na ku Hamate, na ku man̄anda ku mema a kalunga.

Isaya 21:2

Vanjimwesele cimona cakutewesa, cimona ca vungungu na kunyongesa. Mbunga ya mashwalale va Elame, na mbunga ya mashwalale va Mendiya, vazengelekeni nakulwisa vaMbambilone. Njambi akamanesa tuyando tuje tuvalingile vaMbambilone.

Njelemiya 25:25

na vimyene voshe va mu Zimeli, na Elame, na Mendiya,

Ezekiyele 1:1

A litangwa lyamucitanu ku ngonde yamuciwana ku mwaka wamumakumi atatu, yange Ezekiyele muka-kukombelela, muna Mbuzi, njakele amo na vaYunda vaje vakele mu vunzinda ku Ndonga ya Kevale mu Mbambilone. Lilu lyashokolokele, co njamwene cimona ca Njambi.

Ezekiyele 32:24

“Elame kwali, amo na vimbumbo vya mashwalale vendi voshe vinamuzengeleka. Voshe vanatsi, vavatsiilile mu nzita, voshe vaile mwisi ya livu, kuvapwile vaka-kukulaela. Vazivisile vanu lyova mu lifuti lya vaka-kuyoya, oloni ololo valinakuziva shwamwa amo na vaje vali mu mbulu.

Ndanyele 10:4

A litangwa lyamumakumi avali na matangwa awana ku ngonde yakulivanga ku mwaka, njemanene ku ngenge ya ndonga yakama, Ndonga ya Tingelise.

Ndanyele 7:15

Vimona vije njamwene vyanjishotesele manene mbunge, co njakele mu vukalu vwakama.

Ndanyele 7:2

vwa vije vinjamwene ku vutsiki vuje. Njamwene lihunzi lyakele nakuhuwa kutunda ku mitambela yoshe noku-noku, co lyakele nakuhuwa akamwa ya mema a kalunga.

Ndanyele 8:1

Mu mwaka wamucitatu omo Mbeleshazale wapwile mwene, yange Ndanyele, njamwene cimona cikwavo lalo camucivali.

Ndanyele 8:3

co kuje vene ku ngenge ya ndonga njamwene kunemana lijamba lya manga. Ikeye wakele na vimbinga vivali vyavilaja, imo yapwile yailaja, co lalo yapwile yaiha kutuvakana mbinga ikwavo.

Kulava 12:6

Co Shukulu Kalunga wendekele ngwendi, “Njitolilileni evi njendeka! Nga kwali muka-kwimanena akati keni, yange Kalunga njilisholola kuli ikeye mu cimona nakwendeka nendi mu njozi,

VaHevelu 1:1

Ku san̄ulu Njambi wendekele kuli vakukulwila vetu ali vaka-kwimanena visimbu vyavingi na mu vingila vyeka na vyeka,

Kujombolola 9:17

Co mu cimona cange njamwene tuvalu na vaje valondeleo. Vakele na vintelo vyakuvenga ngwe tuhya, vyakuzivuluka ngwe safile, vyavusela ngwe sulufa. Co mitwe ya vaje tuvalu yalifwile ngwe mitwe ya vindumba, co mu tunwa twavo mwatuukile tuhya na vwisi na sulufa.