Ndanyele 8:14 - Livulu lya Shukulu Kalunga

¹⁴ Co njazivile kangelo mukwavo wakumbulwile ngwendi, “Kuvanga kuneti matangwa akupwa 2,300 mutondo na cingwezi, co kuvakakombelela vin̄ombelo. Asinoni vakajelesa Njuvo ya Shukulu Kalunga.”

Ndanyele 8:14 Iomraidhean Croise

Kushangumuka 1:5

Asinoni Njambi watumbwile ceke ngwendi “Mutanya,” co lisusulungu walitumbwile ngwendi “Vutsiki.” Cingwezi lyatokele, co mutondo lyakile, lije lyapwile litangwa lyakulivanga.

Isaya 1:27

Omwo Shukulu Kalunga wapwa wa vushunga, akamena Yelusalema na vanu voshe vaje valimo vaje vatenguluka.

Isaya 45:25

Yange Kalunga, njikapatula vatekulwila voshe va Yakomba, co vakanjishangazala.

Ndanyele 12:11

“Kutunda a simbu ije vakavindika kukombelela kwa a litangwa na litangwa, eci cinapu kutunda a simbu ije ya Cimweso ca Vunyengwe, kukaita matangwa akupwa 1,290.

Ndanyele 12:12

Vanavezika vaje vanakulaela noo matangwa akupwa 1,335 anahu.

Ndanyele 12:7

Co uje munalume wazalele vuzalo vwa linyu wolwele mavoko endi oshe mwilu nakulisinga mu lizina lya Njambi wa Myaka Yoshe. Co njamuzivile endeka ngwendi, “Kukaita myaka itatu na vingonde vitanu na imo. Omo tuyando twa vanu va Njambi tukahwa, co vyuma vyoshe evi vinalingiwa laja.”

Ndanyele 7:25

Akalwisa Njambi wa Akamwa ya Akamwa nakuyandesa vanu va Njambi. Ikeye akeseka kutengulula mashiko avo akulemesa, na viwano vyavo, co vanu va Njambi vakakala mwisi yendi myaka itatu na vingonde vitanu na imo.

Ndanyele 8:26

Cimona cakukombelela ca cingwezi na mutondo civanakulumbunwina cikapwa ca vushunga. Oloni unapande kucinyunga mu mbunge yove, omo kukaita myaka yaingi simbu kanda cipwe ca vushunga.”

Ngalatiya 3:8

Co visoneka vyenikile ngeci Njambi akaka vaje kesi vaYunda kupwa vaka-vushunga ku mesho endi akukulaela. Ngecivene, visoneka vyambulwile Vin̄anda Vyavivwa kuli Avilahama ngwavyo, “Muli yove Njambi akavezikisa miyati yoshe ya vanu.”

Kujombolola 11:15

Asinoni kangelo wamucitanu na vavali wembile lupembo lwendi, co kwakele majwi akama mwilu endekele ngwawo, “Nzili yakushwana kaye ololo inakundama kuli Mwene yetu na Wakuvwavesa wendi, co akashwana myaka yoshe!”

Kujombolola 12:14

Co uje munakazi vamwanene mambava avali a ngonga wakama ngeci apulwile ku mutambela wendi mu mambo, kuje vakamulelela a myaka itatu na vingonde vitanu na imo mukumwamena ku vushonde vwa uje canza-ngombe.

Kujombolola 13:5

Co uje cikashama vamutavesele kwendeka vyuma vyakushaula Njambi, co vamwanene moko ya vingonde makumi awana na vingonde vivali.