Ndanyele 8:11 - Livulu lya Shukulu Kalunga

¹¹ Yalyalesele lalo na kuli Ntwama wa nzita ya mwilu, nakuvindika vin̄ombelo vije vakele nakukombelela kuli ikeye, co yajwalesele Njuvo ya Shukulu Kalunga yakujela.

Ndanyele 8:11 Iomraidhean Croise

Isaya 37:23

Yove unayongola ngwove iyajo iwunashaula nakuyeluwisa? Yove wanjizivisa shwamwa yange, Njambi ya Isalele wakujela.

Isaya 37:29

Njatambula laja muzimbu wakuluvala kwove, na kulyalesa kwove, co njikakumwesa ngeci yange njapwa iya, omwo njikakutwala kwoshe kuje kunjinashaka.

Njelemiya 48:26

Shukulu Kalunga wendekele ngwendi, “Pendeseni Mowavi omwo yanjitengulukila nakunjilwisa. Mowavi akalyalanga a vishanjo vyendi, co vanu vakamujola.

Njelemiya 48:42

Mowavi ikanyonga, co kakapu lalo muyati wa vanu, omwo nanjitengulukila nakunjilwisa.

Ezekiyele 46:14

Co lalo mulambu wa makilo avali a vunga vwa tiliku unapande kukalako a mutondo na mutondo, amolika na lita imo ya mazi a olive yakukumbasana na vunga vwa tiliku. Mashiko aa mulambu ou kuli Shukulu Kalunga anapande kupanga simbu yoshe.

Ndanyele 11:22

Woshe akamuyeluwisa nameme vene Muka-kukombelela Wakama wa Njambi vakamunyongesa.

Ndanyele 11:31

Mashwalale vendi vamo vakajwalesa Njuvo ya Shukulu Kalunga. Vakavindika kukombelela kwa a litangwa na litangwa, co vakemika Cimweso ca Vunyengwe.

Ndanyele 12:11

“Kutunda a simbu ije vakavindika kukombelela kwa a litangwa na litangwa, eci cinapu kutunda a simbu ije ya Cimweso ca Vunyengwe, kukaita matangwa akupwa 1,290.

Ndanyele 5:23

Walingile mwamuvi ku mesho a Shukulu Kalunga wa mwilu akunena vinganja na malonga vya mu Njuvo ya Shukulu Kalunga. Yove, na vanu vove va vulemu, na mashano vove, na mashano vove va mbanja mwanwilililemo vinyu nakushangazala tumponya vakupanga na ngolinde, na siliva, na vunengu, na vutale, na viti, na mamanya, na tumponya vaje kuvesi kumona nambe kuziva, nambe kuzivuka cuma cimo. Oloni kuwasingimikile Njambi uje wanyunga mwonyo wove na vyuma vyoshe vije viwukalingi.

Ndanyele 7:25

Akalwisa Njambi wa Akamwa ya Akamwa nakuyandesa vanu va Njambi. Ikeye akeseka kutengulula mashiko avo akulemesa, na viwano vyavo, co vanu va Njambi vakakala mwisi yendi myaka itatu na vingonde vitanu na imo.

Ndanyele 8:12

Vanu valingilile vuvi kuje kutuvakana kukombelela vin̄ombelo vyavivwa vya a litangwa na litangwa, co vombilile kuti kulemesa kwavo kwa vushunga. Co ije mbinga yahyanene mu vyuma vyoshe viyalingile.

Ndanyele 8:24

Ikeye akakala na nzili yakama, oloni kesi nzili yendi vavenya embwe. Ikeye akaviisa manene vyuma mu ngila yakukomokesa, co akalinga vyuma vyoshe vyashaka. Ikeye akaviisa vanu vaka-nzili na vanu va Njambi.

Ndanyele 8:25

Omo akunyanyama kwendi, akavezika mu vilinga vyendi vya makuli. Ikeye akalyalesa nakunyongesa vanu vavangi omo vayongola ngwavo valimwamuvwa. Akavyana nameme Mwene ya vimyene voshe, oloni vakamunyongesa kujeneka kupangesa nzili ya munu.

Ndanyele 9:25

Zivuka eci nakucizivisisa. Kutunda a simbu vaanene lishiko lyakutungulula Yelusalema, noo ntwama uje wakwangula kuli Njambi naija, kukaita visimbu vitanu na vivali vya myaka itanu na ivali. Yelusalema vakaitungulula na vitapalo na vimpaka vyakukola, co ikakalako visimbu vitanu na vivali vya myaka makumi atanu na limo na myaka ivali, oloni ikapwa simbu ya tuyando.

Kulava 28:3

“Co ukavaleke ngwove, eyi ikeyo milambu ya vyakulya imukalambula kuli Shukulu Kalunga, majamba a vana va vimanga vavali va mwaka umo vakujeneka kapenga a litangwa na litangwa kupwa mulambu wa kwenyeka simbu yoshe.

Luka 21:24

Vamo vakavatsiya na mukwale, co vakwavo vakavatwala vunzinda ku mafuti eka, co vaka-kujeneka kukulaela vakalyatangela Yelusalema noo simbu yavo inete.

2 Tesalonika 2:4

Ikeye akalwisa vyuma vyoshe vije vilitumbula ngwavyo vinjambi na cuma coshe-icoshe civakalemesa, akalyaka akamwa yavyo vyoshe. Co lalo akakovela nakutumbama mu Njuvo ya Shukulu Kalunga nakulitumbula ikeye vavenya ngwendi Njambi.

VaHevelu 2:10

Capwile ca vushunga ngeci Njambi, uje watangele nakunyunga vyuma vyoshe, apwise Yesu muka-vushunga a tuyando, mukunena vana vavangi ku vumpau vwendi. Omwo Yesu ikeye lika muka-kuvatwamenena ku kwovoka.

Kujombolola 17:14

Vakalinga nzita na Muna Manga, oloni Muna Manga amolika na vaje vendi vanasana, vakwangula, vaka-kumukava va kulongwa, akavafungulula, omwo ikeye napu Shukulu ya vashukulu na Mwene ya vimyene.”