Ndanyele 7:7 - Livulu lya Shukulu Kalunga

⁷ Omo njakengele, njamwene lalo cikashama wamuciwana. Ikeye wapwile wa nzili nakukomokesa nakujujwisa. Wakele na mayo a vutale akama, co walile nakuvatozola nakulyatangela vije vyasaleleo. Ikeye kafwile ngwe vaje vikashama vakwavo vatatu embwe, oloni wakele na vimbinga likumi.

Ndanyele 7:7 Iomraidhean Croise

2 Samwele 22:43

Njavatsenene tsenu-tsenu, vafwile ngwe likungu, njavalyatangelele ngwe lindova lya mu vingila.

Yombi 41:14

Iyajo asa kushemununa vimbange vyendi, vije vyalishemeka na mayo akutewesa?

Ezekiyele 40:2

Mu cimona Njambi wanjitwalele ku lifuti lya Isalele, co wakanjakele a munkinda waulaja. Njamwene kulutwe lwange vinjuvo vyavingi vyasholokele kufwa ngwe nganda.

Ndanyele 2:19

Co ku vutsiki vuje vene, lije lihungu lya njozi ya mwene lyajombolokele kuli Ndanyele mu cimona, co ikeye walemesele Njambi wa mwilu ngwendi,

Ndanyele 7:13

Mu cimona cange ku simbu ya vutsiki, njamwene umo wakulifwa ngwe munu. Ikeye wakele nakushwenya kuli yange, co mashelwa amuzengelekele, co waile kuli uje wakala ku myaka yoshe.

Ndanyele 7:2

vwa vije vinjamwene ku vutsiki vuje. Njamwene lihunzi lyakele nakuhuwa kutunda ku mitambela yoshe noku-noku, co lyakele nakuhuwa akamwa ya mema a kalunga.

Ndanyele 8:10

Co yakolele manene na nzili yasele kulwisa mbunga ya nzita ya mwilu, vikevyo vingongonosi vene, co yawisilile vimo asi, co yavilyatangelele.

Ndanyele 8:22

Co vimbinga viwana vije vyengile mu mbinga ije yapokokele vinemanena vumwene vuwana vuje vukaangununa muyati uje, oloni kuvukakala na nzili ngwe vumwene vwakulivanga embwe.

Zakaliya 2:1

Mu cimona cikwavo njamwene munalume wakwatele mukole wakusetekesa mu livoko lyendi.

Kujombolola 12:3

Co cizivukiso cakama cikwavo casholokele mwilu. Kwakele canza-ngombe wakama wakuvenga uje wakele na mitwe itanu na ivali na vimbinga likumi, co a mutwe umo na umo akele cilongo.

Kujombolola 13:1

Asinoni njamwene cikashama atuuka mu mema a kalunga. Wakele na vimbinga likumi na mitwe itanu na ivali, ku mbinga imo na imo kwakele cilongo, co a mutwe umo na umo akele lizina lyakushaula Njambi.

Kujombolola 17:12

“Vije vimbinga likumi wamwene vinapu vimyene likumi vaje kanda vashangumuke kushwana, oloni vakavana moko yakushwana ngwe vimyene amo na uje cikashama ola imolika.

Kujombolola 17:7

Oloni kangelo wendekele kuli yange ngwendi, “Omwo vika unalikomokela? Njikakuleka cisin̄iko ca munakazi ou na ca cikashama uje namwambata, cikashama uje ali na mitwe itanu na ivali na vimbinga likumi.

Kujombolola 17:8

Uje cikashama iwunamono wakele nakuyoya akulivanga, oloni ololo kesi nakuyoya, ololo atuuka mu mbulu kuyesi naa masima, co vakamunyongesa. Co vanu vaje vali ano asi, vaje mazina avo kuvawasonekele mu livulu lya mwonyo tunde akutanga kwa kaye, voshe vakalikomokela akumona uje cikashama, omwo wayoyele, co kesi nakuyoya, oloni akasholoka lalo.