Ndanyele 7:25 - Livulu lya Shukulu Kalunga

²⁵ Akalwisa Njambi wa Akamwa ya Akamwa nakuyandesa vanu va Njambi. Ikeye akeseka kutengulula mashiko avo akulemesa, na viwano vyavo, co vanu va Njambi vakakala mwisi yendi myaka itatu na vingonde vitanu na imo.

Ndanyele 7:25 Iomraidhean Croise

Isaya 37:23

Yove unayongola ngwove iyajo iwunashaula nakuyeluwisa? Yove wanjizivisa shwamwa yange, Njambi ya Isalele wakujela.

Ndanyele 11:28

Mwene wa ku Silya akeluka ku lifuti lyendi na vufuko vwoshe vuje vwanapukula, co akatumba vutumbe vwakumanesa kulemesa kwa vanu va Njambi. Ikeye akalinga mwoshe mwashakela, co akeluka ku lifuti lyendi.

Ndanyele 12:7

Co uje munalume wazalele vuzalo vwa linyu wolwele mavoko endi oshe mwilu nakulisinga mu lizina lya Njambi wa Myaka Yoshe. Co njamuzivile endeka ngwendi, “Kukaita myaka itatu na vingonde vitanu na imo. Omo tuyando twa vanu va Njambi tukahwa, co vyuma vyoshe evi vinalingiwa laja.”

Ndanyele 2:21

Akatengulula visimbu na myaka, atumbika vimyene nakutundisa vimyene. Akana mana nakuzivisisa.

Ndanyele 3:26

Ngecivene, Nevukaneza waile ku cikolo ca litende lya tuhya, wasanene ngwendi, “Shandelaki! Meshake! Ambendenengo! Vasamba va Njambi wa Akamwa ya Akamwa! Tuukenimo!” Co aje vene vatuukilemo.

Ndanyele 4:17

Ovu vukevwo vutumbe vwa vaje tungelo vaka-kunyunga. Ngecivene, vanu voshe vazivuke ngwavo Njambi wa Akamwa ya Akamwa ali na nzili a vumwene vwoshe vwa vanu, co asa kwana vumwene vuje kuli woshe uje yashaka, nambe ku munu uje wakujeneka vulemu!’ ”

Ndanyele 4:2

Njilinakumileka vikomokeso na vizivukiso vije vyananjilingila Njambi wa Akamwa ya Akamwa.

Ndanyele 4:25

Vakakusheka kukutundisa kuli vanu, co ukakala amo na tusitu. Ukalya mwila ngwe ngombe, nakulala anja, co ukajula na lime myaka itanu na ivali. Asinoni ukazivuka ngwove Njambi wa Akamwa ya Akamwa ali na nzili a vumwene vwoshe vwa vanu, co asa kwana vumwene kuli woshe uje yashaka.

Ndanyele 4:32

Vakakusheka kuli vanu, co ukakala amo na tusitu, ukalya mwila ngwe ngombe myaka itanu na ivali. Asinoni ukazivuka ngwove Njambi wa Akamwa ya Akamwa ali na nzili a vumwene vwoshe vwa vanu, co asa kwana vumwene kuli woshe uje yashaka.”

Ndanyele 7:18

Oloni vanu va Njambi wa Akamwa ya Akamwa vakatambula vumwene nakuvunyunga ku myaka yoshe.”

Ndanyele 7:20

Co njashakele lalo kuzivuka vije vimbinga likumi vije vyakele ku mutwe wendi, na ije mbinga yakele na mesho na kanwa, ije yakele nakwendeka majwi akulishasha. Cifwa cayo capwile cakukomokesa kutuvakana vimbinga vikwavo.

Ndanyele 7:8

Omo njakele nakuyongola vije vimbinga, co njamwene kambinga kakandondo katuukile akati kavyo. Co kaje kambinga kavatozwele vije vimbinga vitatu vyalivangele. Co kambinga aka kakele na mesho ngwe a munu na kanwa kaje kendekele majwi akulishasha.

Ndanyele 8:11

Yalyalesele lalo na kuli Ntwama wa nzita ya mwilu, nakuvindika vin̄ombelo vije vakele nakukombelela kuli ikeye, co yajwalesele Njuvo ya Shukulu Kalunga yakujela.

Ndanyele 8:14

Co njazivile kangelo mukwavo wakumbulwile ngwendi, “Kuvanga kuneti matangwa akupwa 2,300 mutondo na cingwezi, co kuvakakombelela vin̄ombelo. Asinoni vakajelesa Njuvo ya Shukulu Kalunga.”

Ndanyele 8:9

Akati ka vimbinga evi viwana amenene mbinga imo yaindondo. Yapwile yailaja, yetele mu mbwela na mu ngangela na ku Lifuti lya Cikulaeso.

Ndanyele 9:27

Ngecivene, ntwama uje akalizivasana na vanu vavangi a myaka itanu na ivali, omo vingonde vitatu na litambelo vya myaka eyi vineti, co akavindika vanu kukombelela nakulambula. Co Cimweso ca Vunyengwe cikakala akamwa-kamwa ya Njuvo ya Shukulu Kalunga, noo uje wacakeleo vakamunyongesa kuli Njambi.”

Hoziya 7:16

Co vacili nakutwalao kutunda kuli yange nakuya kuli njambi uje wakujeneka nzili. Kuvasa kuvakulaela vanapu ngwe vuta vwa lusipa vwa kupenga-penga. Omwo vantwama vavo vendeka na kulyalesa, vakatsila mu nzita, co vaka-Ingito vakavajola.”

2 Tesalonika 2:3

Kesi mutave umo amikwise mu ngila yeka lalo embwe. Omwo Litangwa lije kulikaija ngoco kuvanga noo Kutengulukila kwa mamaneselo kunaija na uje Muka-vuvi nasholoka, uje vemikila kuya ku Mbulu ya tuhya.

2 Tesalonika 2:4

Ikeye akalwisa vyuma vyoshe vije vilitumbula ngwavyo vinjambi na cuma coshe-icoshe civakalemesa, akalyaka akamwa yavyo vyoshe. Co lalo akakovela nakutumbama mu Njuvo ya Shukulu Kalunga nakulitumbula ikeye vavenya ngwendi Njambi.

2 Tesalonika 2:8

Asinoni uje Muka-vuvi akasholoka, oloni omo Mwene Yesu akaija, akamutsiya na muku wakutunda mu kanwa kendi nakumunyongesa na vumpau vwendi.

Kujombolola 12:14

Co uje munakazi vamwanene mambava avali a ngonga wakama ngeci apulwile ku mutambela wendi mu mambo, kuje vakamulelela a myaka itatu na vingonde vitanu na imo mukumwamena ku vushonde vwa uje canza-ngombe.

Kujombolola 12:6

Co uje munakazi watewelele mu mambo, kuje Njambi wamuvwaeselele mwela, kuje vakamulelelele a matangwa akupwa 1,260.

Kujombolola 14:12

Aa akeo vene ali lukakateya kuli vanu va Njambi, vaje vanyunga mashiko a Njambi nakupwa va kulongwa kuli Yesu.

Kujombolola 16:6

Vetilile maninga a vanu va Njambi naa a vaka-kwimanena, ngecivene, unavana maninga ngeci vanwe. Valinakutambula vije vinavapande.”

Kujombolola 17:6

Co njamwene ngeci uje munakazi wapendele na maninga a vanu va Njambi na maninga a vaje vavatsiile omwo vapwile va kulongwa kuli Yesu. Omo njamumwene njalikomokelele manene.

Kujombolola 18:24

Mbambilone vainyanyamesele omwo maninga a vaka-kwimanena naa a vanu va Njambi aje avawanene mu nganda, eyo maninga a vaje voshe vavatsiile ano asi.”