Ndanyele 7:24 - Livulu lya Shukulu Kalunga

²⁴ Vije vimbinga likumi vinemanena vimyene likumi vaje vakashwana mu vumwene vuje. Asinoni mwene mukwavo akasholoka, ikeye akalyangunuka na vimyene vakulivanga, co ikeye akafungululao vimyene vatatu.

Ndanyele 7:24 Iomraidhean Croise

Ndanyele 11:36

“Mwene wa Silya akalinga cizango cendi. Ikeye akalishasha ngwendi napu wakama kutuvakana njambi woshe-iwoshe, co lalo ngwendi ikeye napu wakama kutuvakana Njambi wa Akamwa ya Akamwa. Akalinga eci noo simbu iketa ije Njambi akamunyanyamesa. Njambi akalinga vije vyanayongola.

Ndanyele 2:41

Co lalo wamwene ngeci mendi na manasha vyapwile mutambela umo wa vuma mutambela ukwavo wa vutale. Eci cinalumbunuka ngeci vukevwo vukapwa vumwene vwakulyangunuka. Eci cinalumbunuka ngeci mu vumwene ovu mukakala nzili ngwe ya vutale, omwo vuje vutale vwalikumbasanene na vuma.

Ndanyele 7:20

Co njashakele lalo kuzivuka vije vimbinga likumi vije vyakele ku mutwe wendi, na ije mbinga yakele na mesho na kanwa, ije yakele nakwendeka majwi akulishasha. Cifwa cayo capwile cakukomokesa kutuvakana vimbinga vikwavo.

Ndanyele 7:23

Omu mukemwo muvanjilekele muyalumbunukilile ije njozi. “Cikashama wamuciwana nemanena vumwene vwamuciwana vuje vukakala ano asi, vukevwo vukalyangunuka na vumwene vukwavo vwoshe, vukalyatangela kaye koshe nakukatsena.

Kujombolola 12:3

Co cizivukiso cakama cikwavo casholokele mwilu. Kwakele canza-ngombe wakama wakuvenga uje wakele na mitwe itanu na ivali na vimbinga likumi, co a mutwe umo na umo akele cilongo.

Kujombolola 13:1

Asinoni njamwene cikashama atuuka mu mema a kalunga. Wakele na vimbinga likumi na mitwe itanu na ivali, ku mbinga imo na imo kwakele cilongo, co a mutwe umo na umo akele lizina lyakushaula Njambi.

Kujombolola 17:3

Njakele mu Munzinzime, co uje kangelo wanjitwalele mu mambo. Co kuje njamwene munakazi natumbama a cikashama wakuvenga a muvila wendi vasonekeleo mazina amangi akushaula Njambi, uje cikashama wakele na mitwe itanu na ivali na vimbinga likumi.