Ndanyele 7:20 - Livulu lya Shukulu Kalunga

²⁰ Co njashakele lalo kuzivuka vije vimbinga likumi vije vyakele ku mutwe wendi, na ije mbinga yakele na mesho na kanwa, ije yakele nakwendeka majwi akulishasha. Cifwa cayo capwile cakukomokesa kutuvakana vimbinga vikwavo.

Ndanyele 7:20 Iomraidhean Croise

Ndanyele 7:11

Omo njakele nakukengelela, co njazivile ije mbinga yaindondo yakele nakwendeka majwi akulishasha. Omo njakengele, co uje cikashama wamuciwana vamutsiile, co muvila wendi vaumbilile mu milangi ya tuhya, co wanyongele.

Ndanyele 7:19

Ngecivene, njashakele manene kuzivuka uje cikashama wamuciwana, uje kalifwile na vakwavo voshe, oloni wapwile wakukomokesa, wakele na mayo a vutale na vyala vya vunengu, co wasanyozwele nakulya nakulyatangela vije vyasaleleo.

Ndanyele 7:21

Omo njakengele, co njamwene ije mbinga yakele nakulwa na vanu va Njambi nakuvafungulula.

Ndanyele 7:23

Omu mukemwo muvanjilekele muyalumbunukilile ije njozi. “Cikashama wamuciwana nemanena vumwene vwamuciwana vuje vukakala ano asi, vukevwo vukalyangunuka na vumwene vukwavo vwoshe, vukalyatangela kaye koshe nakukatsena.

Ndanyele 7:7

Omo njakengele, njamwene lalo cikashama wamuciwana. Ikeye wapwile wa nzili nakukomokesa nakujujwisa. Wakele na mayo a vutale akama, co walile nakuvatozola nakulyatangela vije vyasaleleo. Ikeye kafwile ngwe vaje vikashama vakwavo vatatu embwe, oloni wakele na vimbinga likumi.

Ndanyele 7:8

Omo njakele nakuyongola vije vimbinga, co njamwene kambinga kakandondo katuukile akati kavyo. Co kaje kambinga kavatozwele vije vimbinga vitatu vyalivangele. Co kambinga aka kakele na mesho ngwe a munu na kanwa kaje kendekele majwi akulishasha.

Kujombolola 12:3

Co cizivukiso cakama cikwavo casholokele mwilu. Kwakele canza-ngombe wakama wakuvenga uje wakele na mitwe itanu na ivali na vimbinga likumi, co a mutwe umo na umo akele cilongo.