Ndanyele 7:18 - Livulu lya Shukulu Kalunga

¹⁸ Oloni vanu va Njambi wa Akamwa ya Akamwa vakatambula vumwene nakuvunyunga ku myaka yoshe.”

Ndanyele 7:18 Iomraidhean Croise

Myaso 45:16

Yove mwene yange, ukakala na vana va vanalume vavangi vakainga vakukulwila vove kupwa vimyene, co ukavapwisa vaka-kushwana ano asi oshe.

Myaso 49:14

vakevo vanavasompela kutsa ngwe vimanga, co kutsa kukekwo kukapwa kanyungi kavo. Vaka-vushunga vakashwana akamwa yavo, omo mivila yavo ilinakusosonyoka mu vukalo vwa vatsi kulyala na membo avo!

Isaya 14:2

Miyati yaingi vakakwasa vanu va Isalele kwiluka mu lifuti lyavo lije lyavanene Shukulu Kalunga, miyati ya vanu vakapangela Isalele ngwe vindungo. Vaje a simbu imo vafungulwile Isalele vakafunguluka kuli Isalele, co vanu va Isalele vakashwana vaje vavayandesele.

Ndanyele 7:14

Co vamwanene moko na kasingimiko na nzili ya vumwene, ngecivene, vanu va ku mafuti oshe na miyati yoshe ya vanu na vanu vaka-kwendeka mu vindaka vyeka vamupangele. Moko yendi ikakala ku myaka yoshe, co vumwene vwendi kuvukahu embwe.

Ndanyele 7:17

Co wendekele ngwendi, “Vikashama ava vakama vawana vanemanena vumwene vuwana vuje vukakala ano asi.

Ndanyele 7:22

Asinoni uje wakala ku myaka yoshe wezile, wambulwile kusompa kwakushangazala vanu va Njambi wa Akamwa ya Akamwa. Simbu inete ngeci vanu va Njambi vatambule nzili yakushwana.

Ndanyele 7:25

Akalwisa Njambi wa Akamwa ya Akamwa nakuyandesa vanu va Njambi. Ikeye akeseka kutengulula mashiko avo akulemesa, na viwano vyavo, co vanu va Njambi vakakala mwisi yendi myaka itatu na vingonde vitanu na imo.

Ndanyele 7:27

Nzili na vukama vwa vumwene vwoshe vwa ano asi vakavwana kuli vanu va Njambi wa Akamwa ya Akamwa. Co nzili ya vumwene vwavo kuyikahu, vaka-kushwana voshe va ano asi vakamwononoka nakumupangela.”

Ovandiya 1:17

“Oloni a Munkinda wa Siyone, vamo vakavomboloka, co ukapwa mutambela wakujela. Vanu va Yakomba, vakashwana lifuti lyavushwana vwavo.

Luka 1:33

co akashwana vatekulwila va Yakomba ku myaka yoshe, na vumwene vwendi kuvukahu!”

1 Kolinte 6:2

Kuma kumwazivukile ngweni vanu va Njambi vakasompa vaka-kaye ndi? Co nga mukasompa vaka-kaye, kuma kumwasa kusompa vin̄anda vyavindondo ndi?

Efeso 1:3

Tukandeleleni kuli Njambi na Ishe ya Mwene yetu Yesu Kilistu! Omwo akukala kwetu muli Kilistu, Njambi natuvezikisa akutwana vwana vwoshe vwa munzinzime mu lifuti lya mwilu.

Efeso 6:12

Omwo kutwesi nakulwa na vanu embwe, oloni tulinakulwa na nzili yavivi vya minzinzime ya a mukambwila na vaka-kushwana na vaka-moko ya kushika na ava vaka-kushwana na nzili mu lisusulungu eli lya myaka ino iliko.

Kujombolola 20:4

Asinoni njamwene matanda, co vaje vatumbameneo vavaanene nzili yakusompa. Co njamwene myonyo ya vaje vavatsiile omwo vambulwile vushunga vuje vwasholwele Yesu amo na lijwi lya Njambi. Kuvalemesele uje cikashama nambe kamponya kendi, nambe vakevo kuvatambwile cizivukiso ca uje cikashama a maholo avo nambe a mavoko avo. Vasangukilile ku mwonyo nakushwana ngwe vimyene amo na Kilistu myaka 1,000.

Kujombolola 22:5

Kumukakala lalo vutsiki muje, co kumukakala lalo ndeya nambe litangwa, omwo Shukulu Kalunga Njambi akapwa ceke cavo, co vakashwana ngwe vimyene ku myaka na myaka.

Kujombolola 3:21

Kuli vaje vahyana, njikavana moko yakutumbama kuyehi nange a litanda lyange, ngwe omo yange njahyanene, co ololo njinatumbama kuyehi na Tate a litanda lyendi.

Kujombolola 5:10

Co unavapwisa vumwene vwa vaka-kukombelela mukupangela Njambi yetu, co vakashwana ano asi.”