Ndanyele 7:17 - Livulu lya Shukulu Kalunga

¹⁷ Co wendekele ngwendi, “Vikashama ava vakama vawana vanemanena vumwene vuwana vuje vukakala ano asi.

Ndanyele 7:17 Iomraidhean Croise

Myaso 17:14

Yove Shukulu Kalunga, njamene na livoko lyove ku vanu vaje valinakuvwaelela nakuyoya kwa ano asi. Vahise na tuyando tuje tuwavatulikila, tupwe twatungi kuli vana vavo, tupwe lalo twatungi kuli vatekulwila vavo!

Ndanyele 7:16

Ngecivene, njaile kuli umo wa vaje vemanene kuje nakumwihula ngeci anjilumbunwine vyuma vyoshe. Co wanjilumbunwininevyo.

Ndanyele 7:18

Oloni vanu va Njambi wa Akamwa ya Akamwa vakatambula vumwene nakuvunyunga ku myaka yoshe.”

Yowano 18:36

Yesu wakumbulwile ngwendi, “Vumwene vwange kesi vwa ano a kaye embwe, nga vumwene vwange vwapwile vwa ano a kaye, nga vandongisi vange vanalu kutewa vanjana kuli vaka-kushwana va vaYunda. Oloni vumwene vwange kesi vwa ano a kaye!”

Kujombolola 13:1

Asinoni njamwene cikashama atuuka mu mema a kalunga. Wakele na vimbinga likumi na mitwe itanu na ivali, ku mbinga imo na imo kwakele cilongo, co a mutwe umo na umo akele lizina lyakushaula Njambi.

Kujombolola 13:11

Asinoni njamwene cikashama mukwavo alinakutuuka mu livu. Wakele na vimbinga vivali ngwe vimbinga vya muna manga, co wendekele ngwe canza-ngombe.