Ndanyele 6:8 - Livulu lya Shukulu Kalunga

⁸ Ngecivene, yove shukulu unapande kushika lishiko eli, nakulisoneka, co likakala na nzili ngwe lishiko lya vaMende na vaPelesha lije kuvasa kutengulula.”

Ndanyele 6:8 Iomraidhean Croise

Esita 1:19

Nga eci civwaelelesa shukulu, shika lishiko lya vumwene ngeci tunde ano Vashiti kesi akasholoke lalo ku mesho a mwene. Shika ngeci lishiko eli valisoneke mu mashiko a Pelesha na Mendiya, ngeci kesi valitengulule. Co mwene apwise weka lishano kutuvakana Vashiti.

Esita 3:12

Ngecivene, a litangwa lyamulikumi na atatu ku ngonde yakulivanga, Hamane wasanene vaka-kusoneka va mwene nakuvaleka lishiko ngeci valinungulule mu miyati yoshe na cifwa cakusoneka cije vapangesele mu vumwene, co valitume lalo kuli vaka-kushwana voshe, na vanguvulu, na vamyata. Lishiko eli valisonekele mu lizina lya Mwene Sheleshe nakwakao cimweso ca kanzeya kendi.

Esita 8:10

Co Molendekai wasonekele mikanda mu lizina lya Mwene Sheleshe, nakuyaka cizivukiso ca vumwene ca kasateso. Co waitumine na vanu vaka-kulonda a tuvalu vakushatuka lumbisi vakutunda ku litanga lya mwene.

Esita 8:3

Asinoni Esita wendekele kuli mwene lalo, nakulyumbila ku mendi a mwene nakulila. Ikeye wamulombele kulinga cuma cimo cakuvindika vutumbe vwavuvi vwa Hamane, mutekulwila wa Angange, vuje vwatumbile vwakulwisa vaYunda.

Esita 8:8

Oloni lishiko lije lyatambekele Hamane mu lizina lya mwene nakwakao cizivukiso cakusatesa ca vumwene kulitava kulizimangana embwe. Ngecivene, wasa kusoneka kuli vaYunda vyoshe vije viwushaka, visoneke mu lizina lyange nakwakao cizivukiso cakusatesa ca vumwene.”

Myaso 94:21

vaje vatumba matumbe akulwisa vaka-vushunga, nakuhisa munu wakujeneka mulonga ngeci atse.

Isaya 10:1

Ngongo yeni! Mukalingi mashiko aje kesi a vushunga, aje ayandesa vanu vange.

Ndanyele 5:28

kulyangunuka, vumwene vwove vanavwangununa ngeci vavwane kuli vaMende na kuli vaPelesha.”

Ndanyele 6:12

co voshe vaile amolika kuli mwene nakuvangela Ndanyele. Vendekele ngwavo, “Yove shukulu washikile lishiko nakusonekako ngwove a matangwa makumi atatu woshe akalombela kuli njambi weka nambe ku munu umo, kutuvakana kulombela kuli yove lika, co vakamumbila mu mbulu ya vindumba indi kesi mukemwo?” Co mwene wakumbulwile ngwendi, “Eyo, lishiko eli linapu lyakama manene, lishiko lya vaMende na vaPelesha, lije kuvasa kutengulula.”

Ndanyele 6:15

Ngecivene, vaje vitozi va Ndanyele velukilile lalo kuli mwene nakumwanukisa ngwavo, “Yove shukulu uzivuka ngeci ngwe ku mashiko a vaMende na vaPelesha, kukwesi lishiko lije lyanashiki mwene lije vasa kutengulula.”

Mateo 24:35

Lilu na asi vikaita, oloni majwi ange kuwakaiti embwe.