Ndanyele 6:7 - Livulu lya Shukulu Kalunga

⁷ Yetu voshe tulinakutwamenena mu vumwene vwove, vaka-kutwamenena, na vanguvulu, na vaka-kwimanena mu myela ya vanguvulu, na vamyata veka, tunalizivasana ngwetu yove shukulu unapande kwaka lishiko nakulipangesa manene na nzili. Shika ngwove a matangwa makumi atatu naumo wai akalombela kuli njambi weka, nambe kuli munu weka kuvanga kuli yove shukulu. Woshe uje akajomboka lishiko eli vanapande kumumbila mu mbulu ya vindumba.

Ndanyele 6:7 Iomraidhean Croise

Myaso 10:9

avandamena mu mwela wendi wavushweke ngwe ndumba, alinakuvandamena muje ngeci akwate tuutu, co avakwata nakuvakokela mu mweto wendi.

Myaso 2:2

Vimyene va ano asi vanaangunuka, vaka-kushwana vanalikungulwila amo, nakutumba matumbe amavi akulwisa Shukulu Kalunga, na wakuvwavesa wendi, co vendeka ngwavo,

Myaso 59:3

Kenga, vanu vaka-muuka vananjivandamena, vananjitengulukila ngeci vanjitsiye. Kesi ngwe njinalingi vuvi nambe cuma cimo ca kupenga-penga.

Myaso 59:5

Ija unjikwase yove Shukulu Kalunga Njambi Muka-nzili yoshe. Yove Njambi wa Isalele! Hisa vaka-kujeneka kukukulaela, kesi uzivile ngozi vaka-kulinga vuvi na vitangwizi.

Myaso 62:4

Yeni mushaka lika kunjitundisa mu mwela wange wa kasingimiko, yeni muvwaelela mukwendeka makuli. Mulinakwendeka majwi a cizemo, oloni mu vimbunge vyeni muli cizindo.

Myaso 83:5

Vanalizivasana vutumbe vwavo, vwakukulwisa na munga ya vanu

Myaso 94:20

Yove kuutava ngeci vaka-vuvi vashwane, vaje vayongola vya muuka nakupokola mashiko,

Ndanyele 2:4

Co vakevo vakumbulwile mwene mu ndaka ya ciAlamaike ngwavo, “Yove shukulu yoya ku myaka yoshe! Tuleke njozi yove, co tukakulumbunwinayo.”

Ndanyele 3:11

co woshe uje kakulama nakulemesa kamponya, vanapande kumumbila mu litende lya tuhya.

Ndanyele 3:2

Ngecivene, mwene washikile lishiko kuli vamyata vendi voshe vakungulukile amo kuli ikeye, na vana va vimyene, na vanguvulu, na vaka-kwimanena mu myela ya vanguvulu, na vaka-kushika vakama, na vaka-kutulika vyuma, na maako, na vaka-kusompa vakama, vakevo vene vamyata voshe va mu lifuti lya Mbambilone. Valikungulwile amo mukukundika kamponya kaje kemikile Mwene Nevukaneza.

Ndanyele 3:27

Co vana va vimyene vyoshe, na vanguvulu, na vaka-kwimanena mu myela ya vanguvulu, na vaka-kunangula mwene valikungulwile nakwilula vaje vanalume kuvenyele ku tuhya, na vin̄ambu vyavo kuvyavavukile, na vuzalo vwavo kuvwenyele, nambe mivila yavo kuyanikile vwisi.

Ndanyele 3:6

Co munu woshe uje kakakulama nakulemesa kamponya, mwa vushunga aje vene vakamumbila mu litende lya tuhya.”

Ndanyele 6:16

Ngecivene, mwene washikile ngeci vakatwale Ndanyele nakumumbila mu mbulu ya vindumba. Co wendekele kuli Ndanyele ngwendi, “Njambi yove, uje iwapangela simbu yoshe na kulongwa, akwamene.”

Ndanyele 6:22

Njambi yange ikeye natumine kangelo kendi kushoka tunwa twa vindumba ngeci kuvasele kunjivulumuna. Ikeye nalingi eci omwo nazivuka ngeci kunjesi na mulonga ku mesho endi, co lalo kunjaviisile cuma cimo kuli yove shukulu.”

Mika 6:5

Vanu vange, anukeni vije vyayongwele kulinga Mwene Mbalake wa Mowavi kuli yeni, na muje mwamukumbulwile Mbalame muna Mbeole. Anukeni vyuma vije vyalingiwile a ngila mukutunda ku cilombo ca Shitime nakweta ku Ngilingale. Anukeni vyuma vije, co mukananguka vije vinjalingile mukumyamena.”

Nahumi 2:12

Ndumba wa nkomba watsiile kasitu, co wamusanyozwelele lwavo lwendi na vana vendi vipuka-vipuka, washulisile mbulu yendi na situ yakusanyozola.

Mateo 12:14

Oloni vaFaliseo vatuukilemo, co vatumbile vutumbe vwakutsiya Yesu.

Mateo 26:4

Co valingile munga ali Yesu ngeci vawane ngila imo yakumuseveleka nakumukwata ngeci vamutsiye.

Mako 15:1

Co alikaki mutondo-tondo vakulunu va vaka-kukombelela na vakulunu, na valongisi va majwi a Lishiko, na vaka-Munga voshe, valiwanene vwasi-vwasi nakutumba matumbe. Co vakutile Yesu mu malyenge, vamutwalele nakumwana kuli Pilato.

Yowano 12:10

Ngecivene, vakulunu va vaka-kukombelela vatumbile matumbe akutsiya Lazalu lalo,