Ndanyele 6:27 - Livulu lya Shukulu Kalunga

²⁷ Ikeye akamena nakupatula, akalingi vikomokeso na vizivukiso mwilu na ano asi. Ikeye wovwele Ndanyele ku tunwa twa vindumba.”

Ndanyele 6:27 Iomraidhean Croise

Yombi 36:15

Oloni Njambi alongesa vanu omo vali mu tuyando, apangesa mapakeso ngeci ashokolole mesho avo.

Myaso 145:13

Vumwene vwove vwapwa vwa ku myaka yoshe, co yove wapwa u mwene wa ku myaka yoshe. Shukulu Kalunga wapwa muka-vushunga ku cikulaeso cendi, wapwa lalo wa cizemo ku vyoshe vije vyatangele.

Myaso 18:48

nakunjamena ku vitozi vange. Yove Shukulu Kalunga njihyanese ku vitozi vange nakunjinyunga ku vaka-lwozi.

Myaso 18:50

Njambi akana kuhyana kwakama kuli mwene yendi, asholola cizemo cendi cije kucesi kutenguluka kuli uje wendi yanaangula, kuli Ndaviti na vatekulwila vendi ku myaka yoshe.

Myaso 32:7

Yove unapu cishwamo cange, ukanjamena ku tuyando, njikaimba nakutambeka akwamena kwove, omwo yove ukanjinyungu.

Myaso 35:17

Visimbu vingaijo ukakengao yove Shukulu Kalunga? Njovole kukunjilwisa kwavo, njamene ku vitozi vange vaje vanjilwisa ngwe vindumba!

Myaso 97:10

Yeni mwazema Shukulu Kalunga munapande kuzinda vuvi, Shukulu Kalunga akanyungu vanu vendi va kulongwa, nakuvapatula ku nzili ya vaka-muuka.

Njelemiya 10:10

Oloni yove Shukulu Kalunga, wapwa Njambi wa vushunga, yove Njambi wakuyoya na mwene wa ku myaka yoshe. Omo uluvala, co kaye kajaja, miyati ya vanu kuvasa kusimpa ku vukalu vwove.

Ndanyele 2:44

A simbu ya vaka-kushwana vaje, Njambi wa mwilu akaka vumwene vuje kuvukahu. Naumo wai akavafungulula, co vukanyongesa vumwene vwoshe, oloni vukevwo vukakala myaka yoshe.

Ndanyele 4:31

Simbu kanda acimanese kwendeka majwi awa, lijwi lyatundile mwilu lyendekele ngwalyo, “Mwene Nevukaneza, tolilila evi vinjikuleka! Nzili ya vumwene vwove ololo njinaitundisa kuli yove.

Ndanyele 4:34

“Munima ya myaka itanu na ivali, yange Nevukaneza, njakengele kwilu, co mana ange elukile lalo kuli yange vavenya. Njashangazalele Njambi wa Akamwa ya Akamwa, njashangazalele nakusingimika uje wakala ku myaka yoshe. “Ikeye akashwana ku myaka yoshe, vumwene vwendi vukakala simbu yoshe.

Ndanyele 4:35

Akakenge a vanu va ano asi kupwa vangoco, tungelo va mwilu na vanu va ano asi vali mwisi yendi. Naumo wai asa kumuvindika nambe kwihula vije vyalinga.

Ndanyele 6:20

Omo washwenyele kuyehi, watambekele na lijwi lya vusiwa ngwendi, “Ndanyele, ngamba ya Njambi wakuyoya! Njambi uje iwapangela na kulongwa manene nakwamena ku tunwa twa vindumba ndi?”

Yowano 4:48

Yesu wendekele kuli ikeye ngwendi, “Naumo wai akati keni akakulaela kuvanga amone vizivukiso na vikomokeso.”

Vilinga vya Miluwa 4:30

Sholola livoko lyove mukukangwisa, co tava ngeci vikomokeso na vizivukiso vavipange mu lizina lya Ngamba yove wakujela Yesu.”

VaHevelu 2:4

Co a simbu ije vene Njambi wawezeleleleko vukaleo vwendi ku vukaleo vwavo mukulinga vizivukiso na vikomoweso vyakuliseza-seza namukupangezela vwana vwa Munzinzime Wakujela ngwe ku cizango cendi.

1 Samwele 17:26

Ndaviti wehwile vaje vanu vakele kuyehi nendi ngwendi, “Cuma muka civakana munu uje atsiya kaFilisitiya ou, nakupatula vaIsalele ku shwamwa eyi? KaFilisitiya iyajo ou wakujeneka kukulaela Kalunga ayeluwisa mbunga ya mashwalale va Njambi wakuyoya?”