Ndanyele 6:26 - Livulu lya Shukulu Kalunga

²⁶ Yange njilinakushika ngwange mu vumwene vwange vwoshe, munu woshe napande kulemesa nakusingimika Njambi ya Ndanyele. “Ikeye Njambi wakuyoya, ikeye akashwana ku myaka yoshe. Vumwene vwendi kuvwesi kunyonga, co nzili yendi kuyesi kuhwa.

Ndanyele 6:26 Iomraidhean Croise

Ezela 1:3

Ngecivene, ololo, yeni voshe vaje munapu vanu va Njambi, yeniko, co Shukulu Kalunga Njambi ya Isalele, Njambi uje ivalemesa mu Yelusalema akale amo neni.

Ezela 7:21

“Yange Mwene Aletasheleshe, njinashiki vamyata voshe vaka-kunyunga mbango ya vumwene mu lifuti lya mu Kangombe ka Yambi ka Yufuleti kwana vwasi Ezela, muka-kukombelela na muka-kulilongesa Mashiko a Njambi wa Mwilu, vyuma vyoshe vije vyamilomba,

Myaso 119:120

Njijaja manene omo njikuyongola, njili na lyova lya kusompa kwove.

Myaso 146:10

Shukulu Kalunga ikeye mwene wa ku myaka yoshe! Yove Siyone Njambi yove akashwana simbu yoshe. Shangazaleni Shukulu Kalunga!

Myaso 2:11

Pangeleni Shukulu Kalunga nakujaja,

Myaso 29:10

Shukulu Kalunga ashwana akamwa ya mema akulova, ikeye ashwana ngwe mwene ku myaka yoshe.

Myaso 42:2

Njishungwiya Njambi, ngwe ciyambi ashungwiya mema, simbu mukajo njikamona cihanga ca Njambi?

Isaya 66:2

Yange vene njatangele vyuma vyoshe! Njivwaelela na vaje valilumbilisa nakutengulukila kuli yange, vaje vanjikomoka nakunjononoka.

Isaya 9:7

Nzili yendi ikakola mbe, co vumwene vwendi vukapwa vwa kwoloka simbu yoshe. Ikeye akainga ali Mwene Ndaviti. Akakolesa nzili yendi a mashiko a vushunga, kutunda ololo nakweta ku shongo. Shukulu Kalunga Muka-nzili yoshe akamona ngeci vyuma vyoshe evi vinapande kulingiwa.

Njelemiya 10:10

Oloni yove Shukulu Kalunga, wapwa Njambi wa vushunga, yove Njambi wakuyoya na mwene wa ku myaka yoshe. Omo uluvala, co kaye kajaja, miyati ya vanu kuvasa kusimpa ku vukalu vwove.

Ndanyele 2:44

A simbu ya vaka-kushwana vaje, Njambi wa mwilu akaka vumwene vuje kuvukahu. Naumo wai akavafungulula, co vukanyongesa vumwene vwoshe, oloni vukevwo vukakala myaka yoshe.

Ndanyele 3:29

“Ngecivene, njishika lishiko ngwange, munu woshe wa ku lifuti lika, nambe muyati uka, nambe endeka ndaka yeka vaje vakashaula Njambi ya Shandelaki, na Meshake, na Ambendenengo, vakamutetange vipuka-vipuka, co njuvo yendi vakayinyongese. Omwo kukwesi lalo njambi weka asa kwamena ngacije.”

Ndanyele 4:3

“Vikomokeso vyakatumwesa Njambi vyapwa vyakama manene! Vizivukiso vyendi vyahyana nzili! Njambi wapwa wa ku myaka yoshe, ikeye akashwana visimbu vyoshe.

Ndanyele 4:34

“Munima ya myaka itanu na ivali, yange Nevukaneza, njakengele kwilu, co mana ange elukile lalo kuli yange vavenya. Njashangazalele Njambi wa Akamwa ya Akamwa, njashangazalele nakusingimika uje wakala ku myaka yoshe. “Ikeye akashwana ku myaka yoshe, vumwene vwendi vukakala simbu yoshe.

Ndanyele 6:20

Omo washwenyele kuyehi, watambekele na lijwi lya vusiwa ngwendi, “Ndanyele, ngamba ya Njambi wakuyoya! Njambi uje iwapangela na kulongwa manene nakwamena ku tunwa twa vindumba ndi?”

Ndanyele 7:14

Co vamwanene moko na kasingimiko na nzili ya vumwene, ngecivene, vanu va ku mafuti oshe na miyati yoshe ya vanu na vanu vaka-kwendeka mu vindaka vyeka vamupangele. Moko yendi ikakala ku myaka yoshe, co vumwene vwendi kuvukahu embwe.

Ndanyele 7:27

Nzili na vukama vwa vumwene vwoshe vwa ano asi vakavwana kuli vanu va Njambi wa Akamwa ya Akamwa. Co nzili ya vumwene vwavo kuyikahu, vaka-kushwana voshe va ano asi vakamwononoka nakumupangela.”

Hoziya 1:10

Vanu va mu Isalele vakapwa ngwe lishen̄avu lya ku mema a kalunga, lije kuvasa kulilava nambe kuseteka. Ngecivene, ololo Njambi alinakwendeka kuli vakevo ngwendi, “Yeni kesi mu vanu vange,” oloni litangwa lilinakwija omo akendeka kuli vakevo ngwendi, “Yeni munapu vana va Njambi wakuyoya!”

Malakiya 3:6

“Yange Kalunga munjapwa-munjapwa kunjesi kutenguluka. Co neni lalo vatekulwila va Yakomba, kumwanyongele.

Mateo 6:13

Kesi ututwamenene ku vyeseko, oloni twamene ku vuvi! Omwo vumwene vunapu vwove, na nzili na vumpau, ku myaka yoshe. Ewa.’

Luka 1:33

co akashwana vatekulwila va Yakomba ku myaka yoshe, na vumwene vwendi kuvukahu!”

Luka 12:5

Njimileka uje imunapande kukomoka. Komokeni Njambi, uje omo namenesa kutsiya, co ali na moko yakumumbila mu Mbulu ya tuhya. Eyo, njimileka ngwange, ou ikeye imunapande kukomoka!

Vilinga vya Miluwa 17:25

Nambe kesi kushaka tumupangele cuma cimo, omwo ikeye akaana mwonyo na muku na vyuma vyoshe kuli vanu voshe.

Loma 9:26

Co ku mutambela kuje kuvavalekele ngwavo, ‘Kesi mu vanu vange,’ co kuje vene vakavatumbula vana va Njambi wakuyoya.”

Kwituluka mu Mashiko 5:26

Omwo munu iyajo nazivi laja lijwi lya Njambi wakuyoya endeka oku ali mukati ka tuhya, ngwe mutunazivi yetu, ngeci uje munu ayoye?

1 Tesalonika 1:9

Vanu voshe valinakwendeka vati yeni mwatutambwile omo twezile nakumimona, co lalo vati mwatengulukile kutunda ku tumponya nakwija kuli Njambi, nakupangela Njambi wa vushunga wakuyoya,

VaHevelu 12:29

omwo Njambi yetu mwa vushunga wapwa tuhya twakunyongesa.

Yakomba 1:17

Cashu coshe cacivwa na vwana vwoshe vwavuvwa vyatunda mwilu, vyatunda kuli Njambi, Ishamatanga wa vyeke vya mwilu, uje kesi kutenguluka nambe kunena lisusulungu akutenguluka.

Kujombolola 11:15

Asinoni kangelo wamucitanu na vavali wembile lupembo lwendi, co kwakele majwi akama mwilu endekele ngwawo, “Nzili yakushwana kaye ololo inakundama kuli Mwene yetu na Wakuvwavesa wendi, co akashwana myaka yoshe!”

Kujombolola 4:10

co vaje vakulunu makumi avali na vawana vakulama kulutwe lwa uje natumbama a litanda nakulemesa uje wayoya ku myaka yoshe. Co vombila vilongo vyavo asi kulutwe lwa litanda nakwendeka ngwavo,

Kujombolola 5:14

Co vaje vikashama vawana vakuyoya vakumbulwile ngwavo, “Ewa!” Co vaje vakulunu valyumbilile asi nakulemesa.

1 Samwele 17:26

Ndaviti wehwile vaje vanu vakele kuyehi nendi ngwendi, “Cuma muka civakana munu uje atsiya kaFilisitiya ou, nakupatula vaIsalele ku shwamwa eyi? KaFilisitiya iyajo ou wakujeneka kukulaela Kalunga ayeluwisa mbunga ya mashwalale va Njambi wakuyoya?”

1 Samwele 17:36

Njatsiya laja vindumba, na vaingwe, co njikalinga mumolika lalo na uje kaFilisitiya muka-kujeneka kukulaela, uje ayeluwisa mashwalale va Njambi wakuyoya.