Ndanyele 6:24 - Livulu lya Shukulu Kalunga

²⁴ Asinoni mwene washikile lishiko ngeci vakwate vaje vanalume voshe vaje vavangelele Ndanyele, co vavanenele nakuvombila mu mbulu ya vindumba, amolika na vanakazi vavo, na vana vavo. Omo simbu kanda vete asi ya mbulu, vindumba vavalile voshe nakumbulukuta vitsiya vyavo.

Ndanyele 6:24 Iomraidhean Croise

2 Vimyene 14:6

Nameme ngoco, katsiile vana vavo, oloni wakavele vije vyashikile Shukulu Kalunga mu Lishiko lya Mosesa ngwendi, “Visemi kuvapandele kutsila milonga ije ivanalingi vana vavo embwe, na vana lalo kuvapandele kutsila milonga ije ivanalingi visemi vavo embwe, oloni munu napande kutsila mulonga wanalingi ikeye vavenya.”

Esita 7:10

Ngecivene, vashukikile Hamane a viti vije vyashimbikilile Molendekai. Asinoni vukalu vwa mwene vwahwile.

Esita 9:10

Ava vakevo vana va Hamane va vanalume likumi vavatsiile, vapwile vana va Hamane uje muna Hamendata citozi ca vaYunda, oloni vije vyakupukula kuvavyambatele.

Esita 9:25

Oloni Esita waile kuli mwene, co mwene wasonekele mashiko ngeci vutumbe vwa Hamane vwavuvi vuje vwatumbilile vaYunda vumwilukile ikeye vavenya, co ikeye na vana vendi va vanalume vavashukikile a viti.

Myaso 54:5

Njambi akelwisa vivi ku vitozi vange, co akavanyongesa omwo wapwa wa kulongwa.

Visimo 11:8

Shukulu Kalunga akanyunga vaka-vushunga ku tuyando, co tuyando otu twija ku vaka-vuvi.

Visimo 19:9

Mukaleo wa makuli akawana cihiso, na uje endeka makuli akanyonga.

Isaya 38:13

Omwo mushongo, co njatetele vutsiki vwoshe, njazivile ngwe ndumba alinakupokozola vitsiya vyange. Njayongwele ngeci Njambi namanesa mwonyo wange.

Njelemiya 34:17

Ngecivene, yange Kalunga, njinendeka ngwange kumwanjononokele, kumwanene vakweni vaIsalele kupatuka kwavo. Mwamuvwa oni, njikamyana kupatuka, kupatuka kwakutsila mu nzita, na ku mushongo, nakulanduka ku njala ya lyangengela. Njikamiyevanganesa akati ka miyati ya vanu voshe va mu kaye. Co vakakomoka a vije njikalinga ali yeni.

Ndanyele 3:22

Omwo lishiko lya mwene lyapwile lyakukola manene, co litende lya tuhya lyakele nakwezoka manene milangi, co milangi yenyekele vanalume vaje vombilile Shandelaki, na Meshake, na Ambendenengo mu litende lya tuhya.

Kwituluka mu Mashiko 24:16

“Visemi kuvapandele kutsila vuvi vwa vana vavo, co lalo vana vavo kuvapandele kutsila vuvi vwa visemi vavo embwe. Munu na munu napande kutsila vuvi vwendi.