Ndanyele 6:23 - Livulu lya Shukulu Kalunga

²³ Mwene wavwaelelele manene, co washikile ngeci vatundise Ndanyele mu mbulu. Ngecivene, vamutundisilemo oloni vamwene ngeci vindumba kuvamushumine omwo wakulaelele kuli Njambi.

Ndanyele 6:23 Iomraidhean Croise

1 Vimyene 5:7

Hilame mwazivile lijwi lya Solomoni wavwaelelele manene, co wendekele ngwendi, “Vashangazale Shukulu Kalunga ku litangwa lya lelo, akwana Ndaviti mwana wa mana kupwa mwene wa muyati wakama ngacije!”

1 Mizimbu 5:20

Vakevo vakulaelele Njambi, nakulombela kuli ikeye ngeci avakwase, co Njambi wakumbulwile malombelo avo, wavahyanesele kuli vaHangeli na vaje vakwasele vaHangeli.

2 Mizimbu 20:20

Alikaki mutondo-tondo vanu vakatukile vaile mu mambo ku Tekowa. Omo vakele nakuya, Njosefati wemanene wavalekele ngwendi, “Vanalume va mu Yunda neni vanalume va mu Yelusalema! Kulaeleni kuli Shukulu Kalunga Njambi yeni, co mukemana mbe. Kulaeleni vivamileka vaka-kwimanena vendi, co mukavezika.”

Myaso 18:21

Njinononoka lishiko lya Shukulu Kalunga, co kunjakengesele nima Njambi yange.

Myaso 37:40

Shukulu Kalunga avakwasa nakuvamena, ikeye avamena ku vaka-vuvi, omwo vatewela kuli ikeye ngeci avanyunge.

Kutuuka 18:9

Omo Yetolo wazivile vyoshe evi, co wavwaelelele omwo a vyuma vyoshe vyavivwa vije vyalingile Shukulu Kalunga kuli vaIsalele akuvamena ku mavoko a vaka-Ingito.

Visimo 18:10

Shukulu Kalunga wapwa cimpaka ca nzili, muka-vushunga atewelako, co akovoka.

Isaya 26:3

Shukulu Kalunga akana kwoloka, kuli vaje vakolesa kukulaela kwavo mbe, vaje vakulaela kuli yove.

Ndanyele 3:17

Nga Njambi ou itwapangela asa kutwamena mu litende lya tuhya na ku nzili yove, co asa vene.

Ndanyele 3:25

Co wendekele ngwendi, “Omwo vikajo njinamono vanalume vawana valinakwendangana mu tuhya? Vakevo lalo kesi vakukuta embwe, co kuvesi nakusholoka ngwe valinakwenya embwe, co umo wavo wamuciwana nafu ngwe kangelo.”

Ndanyele 6:14

Omo Mwene wazivile majwi awa, co wakele na citanga cakama, wayongwele kuwana ngila imo yakwamena Ndanyele. Wesekele manene noo litangwa lyatokele.

Ndanyele 6:18

Co mwene welukile ku lipela lyendi walikelele kulya nambe kutolilila ku myaso yakumuzivisa kuvwaa ije vembile. Co wakele na cilavu-lavu vutsiki vwoshe.

Mako 9:23

Co Yesu wamulekele ngwendi, “Eyo, nga yove vavenya wasa! Vyuma vyoshe vyasa kulingiwa kuli uje akulaela.”

VaHevelu 11:33

Akukulaela vakevo valwisilile mafuti, co vahyanene. Valingile vya vushunga, co vatambwile vije vyavakulaesele Njambi. Vashokele tunwa twa vindumba,