Ndanyele 6:22 - Livulu lya Shukulu Kalunga

²² Njambi yange ikeye natumine kangelo kendi kushoka tunwa twa vindumba ngeci kuvasele kunjivulumuna. Ikeye nalingi eci omwo nazivuka ngeci kunjesi na mulonga ku mesho endi, co lalo kunjaviisile cuma cimo kuli yove shukulu.”

Ndanyele 6:22 Iomraidhean Croise

Kushangumuka 40:15

omwo mwa vushunga vene, yange vanjivile mu lifuti lya vaHevelu, nameme muno mu Ingito yange kunjalingile cuma nacimo cai civananjakela muno mu kamenga.”

2 Samwele 22:7

Mu simbu yange ya tuyando, njatambekele kuli Shukulu Kalunga, njatambekele kuli Njambi yange ngeci anjikwase. Mu Njuvo yendi wazivile lijwi lyange, ikeye watolililile ku mutambi wange wa akukwasa.

1 Vimyene 13:28

walondeleo, waile, wawanene muvila wa uje muka-kwimanena unalala mu ngila, cimulu na ndumba anga vanemanena kumukulo wawo. Co ndumba kalile uje muvila nambe kulwisa uje cimulu.

2 Mizimbu 32:21

Co Shukulu Kalunga watumine kangelo uje wakatsiile mashwalale na vamyata va mbunga ya mashwalale vaAsilya. Ngecivene, mwene welukile na shwamwa ku lifuti lyendi. Co litangwa limo omo wakele mu njuvo ya njambi yendi, vana vendi va vanalume vamutsiile na mikwale yavo.

Myaso 118:28

Yove wapwa u Njambi yange, njikakukandelela, co njambulula vukama vwove.

Myaso 26:6

Shukulu Kalunga, njijwela ku mavoko ange kumwesa ngeci kunjesi na mulonga, co njiya nakulemesa ku mutula wove.

Myaso 31:14

Oloni njakulaela kuli yove Shukulu Kalunga, njendeka ngwange, “Yove u Njambi yange.”

Myaso 34:7

Kangelo ka Shukulu Kalunga akanyungu vaje vakomoka Shukulu Kalunga, nakuvapatula ku vushonde.

Myaso 38:21

Kesi unjiseze yove Shukulu Kalunga, yove Njambi yange kesi ukale kulyala nange!

Myaso 84:11

Omwo Shukulu Kalunga Njambi wapwa litangwa na ntelo. Ikeye akana ngozi na kasingimiko, ikeye kesi kumina cuma cimo cacivwa, kuli vaje venda mu vushunga.

Isaya 3:10

Vaka-vushunga vakavwaelela, co vyuma vyoshe vikenda mwamuvwa kuli vakevo. Vakavwaelela na vije vivanapangela.

Isaya 63:9

ku tuyando twavo twoshe. Kesi kangelo embwe, oloni Shukulu Kalunga vavenya wavamenene. Mu cizemo cendi na mukutetela kwendi ngeci wavapatwile. Simbu ya kunima wakele nakuvanyunga,

Njelemiya 37:18

Co njamwihwile ngwange, “Mulonga ukajo unjavulumuna kuli yove nambe kuli vamyata vove nambe kuli vanu ava, wakunjakela mu kamenga?

Ndanyele 3:28

Ngecivene, mwene wendekele ngwendi, “Shangazaleni Njambi ya Shandelaki, na Meshake, na Ambendenengo! Ikeye natumu kangelo kendi kwamena vanalume ava vaka-kumupangela nakumukulaela. Vakevo kuvononokele lishiko lyange, co valambwile myonyo yavo ngeci kesi vakulame nakulemesa njambi weka kuvanga Njambi yavo lika.

Ndanyele 6:20

Omo washwenyele kuyehi, watambekele na lijwi lya vusiwa ngwendi, “Ndanyele, ngamba ya Njambi wakuyoya! Njambi uje iwapangela na kulongwa manene nakwamena ku tunwa twa vindumba ndi?”

Ndanyele 6:23

Mwene wavwaelelele manene, co washikile ngeci vatundise Ndanyele mu mbulu. Ngecivene, vamutundisilemo oloni vamwene ngeci vindumba kuvamushumine omwo wakulaelele kuli Njambi.

Ndanyele 6:4

Co vakwavo vaka-kutwamenena na vanguvulu vesekele kuwana cuma cimo cacivi mu ngila ije Ndanyele watwamenenene nayo vipangi mu vumwene, oloni kuvaciwanene, omwo Ndanyele wapwile munu wa kulongwa, co kalingile cuma cimo cacivi.

Ndanyele 6:7

Yetu voshe tulinakutwamenena mu vumwene vwove, vaka-kutwamenena, na vanguvulu, na vaka-kwimanena mu myela ya vanguvulu, na vamyata veka, tunalizivasana ngwetu yove shukulu unapande kwaka lishiko nakulipangesa manene na nzili. Shika ngwove a matangwa makumi atatu naumo wai akalombela kuli njambi weka, nambe kuli munu weka kuvanga kuli yove shukulu. Woshe uje akajomboka lishiko eli vanapande kumumbila mu mbulu ya vindumba.

Mika 7:7

Oloni yange njikakengelela kuli Shukulu Kalunga, njikavandamena nakukulaela kuli Njambi uje akanjamena. Njambi yange akanjiziva.

Kulava 20:16

twatambekele kuli Shukulu Kalunga ngeci atukwase, co wazivile mutambi wetu, watumine kangelo uje watutwamenenene kututundisa mu Ingito. Co ololo tuli ku Kandeshe, nganda ije ili ku nginga ya lifuti lyove.

Mateo 27:46

Omo kwetile maola atatu, co Yesu watambekele na lijwi lyakama ngwendi, “Eloi, Eloi, lama sambakatani?” Kulumbununa ngwavo, “Njambi yange, Njambi yange, vikajo unanjisezela?”

Vilinga vya Miluwa 12:11

Asinoni Petulu wanangukile cuma cije calingiwile kuli ikeye, co wendekele ngwendi, “Ololo njinazivuka ngwange cinapu ca vushunga! Kuma Mwene natumu kangelo kendi kuli yange nakunjitundisa ku nzili ya Helonde na ku vyoshe vije vaYunda vashakele ngeci vilingiwe.”

Vilinga vya Miluwa 24:16

Ngecivene, njilinakulinga na nzili yange yoshe ngeci njikale na citaku-taku cakutungukwa ku mesho a Njambi na ku mesho a vanu.

Vilinga vya Miluwa 27:23

Omwo ku vutsiki vunahu, kangelo ka Njambi uje kunjakundama uje lalo njikalemesa nezile kuli yange,

2 Kolinte 1:12

Omwo kulyalesa kwetu kukekwo oku, citaku-taku cetu ngeci, kuyoya kwetu ano asi, vunene vusamba vwetu neni vanakala nakuvutwamenena mukujela na vushunga vyakutunda kuli Njambi kesi na mana a vunu embwe.

2 Timateo 4:17

Oloni Mwene wakele amo nange nakunjitakamesa ngeci njasele kwambulula lijwi lyamutunu kuli vaje kesi vaYunda voshe ngeci vazive, co nange lalo vanjiputumwisile ku kutsa.

VaHevelu 1:14

Tungelo vapwa vikajo? Vapwa minzinzime vaje vakapangela Njambi, co avatuma mukukwasa vaje valinakutambula kwovoka.

VaHevelu 11:33

Akukulaela vakevo valwisilile mafuti, co vahyanene. Valingile vya vushunga, co vatambwile vije vyavakulaesele Njambi. Vashokele tunwa twa vindumba,

1 Samwele 17:37

Shukulu Kalunga wanjamenene ku vindumba na ku vaingwe, ikeye akanjamena lalo kuli uje kaFilisitiya.” Saulu wamukumbulwile ngwendi, “Mukemwo, ya, Shukulu Kalunga akale amo nove.”

1 Samwele 26:18

Wendekele lalo ngwendi, “Omo vikajo shukulu, ulinakukava ngamba yove? Vika njalingi? Mulonga uka unjinavulumuna?