Ndanyele 6:16 - Livulu lya Shukulu Kalunga

¹⁶ Ngecivene, mwene washikile ngeci vakatwale Ndanyele nakumumbila mu mbulu ya vindumba. Co wendekele kuli Ndanyele ngwendi, “Njambi yove, uje iwapangela simbu yoshe na kulongwa, akwamene.”

Ndanyele 6:16 Iomraidhean Croise

2 Samwele 3:39

Nameme njapwa nji mwene yanaangula Njambi, oloni litangwa lya lelo njazeye. Vana va Zeluya ava vanapu vaka-kunjilwisa. Shukulu Kalunga ahise mapwepwe ava ngwe muvanalingi vakevo.”

Yombi 5:19

Co ku simbu na simbu akakwamena ku vushonde,

Visimo 29:25

Kuzivila vanu lyova kunapu kulitela nganjo yove vavenya, oloni nga ukulaela kuli Shukulu Kalunga ukovoka.

Isaya 41:10

Kesi muzive lyova, yange njili neni amo! Kesi mujaje, yange Njambi yeni! Njikamitakamesa nakumikwasa, njikaminyunga nakumyamena.

Isaya 43:2

Omo ukaita mu mema akulova, njikakala nove, kuwakakuzuvika embwe. Omo ukaita akati ka tuhya, kuukenye embwe, vyeseko vyakama vije vikaija ali yove, kuvikakuvulumuna.

Njelemiya 26:14

Ngwe yange ni, njili mu mavoko eni. Njilingeni mwoshe mucinamivwaela mu vimbunge.

Njelemiya 38:5

Ngecivene, Mwene Zendekiya wavakumbulwile ngwendi, “Lingeni mwoshe mumushakela kulinga nendi, yange kunjasa kumivindika embwe.”

Njelemiya 38:6

Ngecivene, vanjitwalele, vanjikutile mikole nakunjisosela mu lisima lya muna mwene Malekiya, lije lyakele mu cipango ca vaka-kunyunga lipela. Muje mu lisima kumwakele mema, kuvanga lindova lika, co njambombomanene mu lindova.

Njelemiya 39:17

Oloni yange Kalunga, njikakunyunga, oloni kuvakakwana ku mavoko ava vanalume vaulinakuzivila lyova.

Ndanyele 3:15

Ngecivene, ololo, omo mukaziva kwimba kwa malupembo, na vindamba, na visanzi, na misambo, na tulyalya, na vyoshe vyakwimbisa vyeka, co kulameni nakulemesa kamponya. Nga sheni, co vakamyumbila mu litende lya tuhya. Kuma yeni munayongola ngweni kuli njambi weka lalo uje asa kumyamena ndi?”

Ndanyele 3:17

Nga Njambi ou itwapangela asa kutwamena mu litende lya tuhya na ku nzili yove, co asa vene.

Ndanyele 3:28

Ngecivene, mwene wendekele ngwendi, “Shangazaleni Njambi ya Shandelaki, na Meshake, na Ambendenengo! Ikeye natumu kangelo kendi kwamena vanalume ava vaka-kumupangela nakumukulaela. Vakevo kuvononokele lishiko lyange, co valambwile myonyo yavo ngeci kesi vakulame nakulemesa njambi weka kuvanga Njambi yavo lika.

Ndanyele 6:20

Omo washwenyele kuyehi, watambekele na lijwi lya vusiwa ngwendi, “Ndanyele, ngamba ya Njambi wakuyoya! Njambi uje iwapangela na kulongwa manene nakwamena ku tunwa twa vindumba ndi?”

Ndanyele 6:7

Yetu voshe tulinakutwamenena mu vumwene vwove, vaka-kutwamenena, na vanguvulu, na vaka-kwimanena mu myela ya vanguvulu, na vamyata veka, tunalizivasana ngwetu yove shukulu unapande kwaka lishiko nakulipangesa manene na nzili. Shika ngwove a matangwa makumi atatu naumo wai akalombela kuli njambi weka, nambe kuli munu weka kuvanga kuli yove shukulu. Woshe uje akajomboka lishiko eli vanapande kumumbila mu mbulu ya vindumba.

Vilinga vya Miluwa 24:27

Oloni omo kwetile myaka ivali, Posiyase Fesitase washwanene mu mwela wa Felikisi kupwa nguvulu. Felikisi washakele kuvwaelelesa vaYunda, co wasezele Paulu mu kamenga.

Vilinga vya Miluwa 25:11

Nga njinapokola lishiko nakulinga cuma cimo cije njinapande kutsila, kunjilombo ngwange munjovole ku kutsa embwe. Oloni nga kumwesi vushunga mu vyuma evi vashaka kunjiwanena mulonga, naumo wai asa kunjana ku mavoko avo. Njitwala n̄anda yange kuli Nguvulu.”

Vilinga vya Miluwa 25:9

Oloni Fesitase washakele kuvwaelelesa vaYunda, ngecivene, wehwile Paulu ngwendi, “Ushaka kuya ku Yelusalema nakukusompelako a vin̄anda evi ku mesho ange ndi?”

Loma 13:3

Omwo vaka-kulinga mwamuvwa kuvasa kuzivila lyova vaka-kushwana, oloni kuvanga vaje valinga mwamuvi. Yove kuuzivila lyova munu uje alinakushwana ndi? Ngecivene, linga mwamuvwa, co ikeye akakushangazala,

2 Kolinte 1:10

Watutundisile mu vushonde vwakama vwa kutsa, co ikeye watwovwele, akatwovola lalo, tunakulaeleni kuli ikeye ngeci akatwovola lalo,