Ndanyele 6:10 - Livulu lya Shukulu Kalunga

¹⁰ Omo Ndanyele wanangukile ngeci lije lishiko mwene nalitava nendi nasonekako, co waile ku njuvo yendi. Co vinjanena vya ku mulili wendi wa akamwa vyakengesele ku Yelusalema. Co watsikamene ku vinjanena vyakushokolola nakulombela kuli Njambi yendi ngwe mwakele nakulinga-linga matangwa oshe.

Ndanyele 6:10 Iomraidhean Croise

1 Vimyene 8:30

Tolilila kulomba kwange ngamba yove na ku malombelo a vanu vove va Isalele omo vakenga ku mwela ou nakulombela. Omo mwilu muwakala tuzive nakutusambesa.

1 Vimyene 8:38

tolilila ku malombelo avo. Nga vanu vove va Isalele vaziva vusiwa ku mbunge, co nga volwela mavoko avo ku Njuvo ino mukulombela kulutwe lwa ino Njuvo ya Shukulu Kalunga,

1 Vimyene 8:44

“Omo ushika vanu vove kuya ku nzita nakulwisa vitozi vavo, co valombela kuli yove, kwoshe kuje kuvali, nakukenga ku nganda ino unaangula na Njuvo eyi njinakutungila,

1 Vimyene 8:54

Omo Solomoni wamanesele kulombela kuli Shukulu Kalunga, wemanene kulutwe lwa mutula, watsikamene a mavuli oku najundwila mavoko endi mwilu.

2 Mizimbu 6:13

(Solomoni watungile mutula wa vunengu wawakele mukati ka cipango. Wapwile mamita 2.2 mu vwihi, na mamita 1.3 mu vulaja. Co walondele aje a mutula, watsikamene kuje vanu voshe vasele kumumona, wolwele mavoko endi mwilu.)

2 Mizimbu 6:38

Nga mu lifuti muje vatenguluka mwa vushunga na kulongwa, co valombela kuli yove oku vanakenge ku lifuti lino waanene kuli vakukulwila vetu, na nganda ino unaangula, na Njuvo eyi njakutungila,

Ezela 9:5

Omo simbu yetele yakukombelela ku cingwezi, co njakatukile aje njatumbamene, anga njazalela vuzalo vwange vwakutavozoka, co njatsikamene a mavuli nakulombela, njolwele mavoko ange kuli Shukulu Kalunga Njambi yange.

Nehemiya 6:11

Co yange njamukumbulwile ngwange, “Yange kunjesi na cifwa cakutewa munu nakuvanda. Kuma yove unayongola ngwove yange njasa kweseka kwamena mwonyo wange akuvanda mu Njuvo ya Shukulu Kalunga ndi? Kunjasa kulingamo embwe.”

Myaso 34:1

Simbu yoshe njikakandelela Shukulu Kalunga, kunjikalikela kumushangazala.

Myaso 5:7

Oloni omwo a cizemo cove cakama cije kucesi kutenguluka, njikakovela mu Njuvo yove, co njikalemesa mu Njuvo yove yakujela.

Myaso 55:17

Kulinyenga kwange nakukemanga kwange, vilinakweta kuli ikeye mutondo, na mutanya, na vutsiki, co ikeye aziva lijwi lyange.

Myaso 86:3

Njizivileko mema ku mbunge, yove Njambi, njikalombela kuli yove litangwa lyoshe.

Myaso 95:6

Ijeni tutsikame nakumulemesa, tutsikameni ku mesho a Shukulu Kalunga uje watutangele!

Ndanyele 6:13

Co valekele mwene ngwavo, “Ndanyele vene, uje cinzinda wa ku Yunda, ikeye kesi nakukusingimika yove shukulu nambe kwononoka lishiko lije liwashikile. Ikeye akalombela visimbu vitatu a litangwa na litangwa.”

Ndanyele 9:4

Njalombelele kuli Shukulu Kalunga Njambi yange nakulitavela vuvi vwa vanu vange. Njalombelele ngwange, “Shukulu Kalunga Njambi, yove uwakama, co twakusingimika. Yove wapwa u wa kulongwa ku cikumiiyo cove nakumwesa cizemo cove cije kucesi kutenguluka kuli vaje vakuzema nakunyunga mashiko ove.

Yona 2:4

Njayongwele ngwange unanjumbila kuti, kutunda kuli yove, co kunjikamono lalo Njuvo yove yakujela.

Mako 3:3

Co Yesu wendekele kuli uje munalume wakusekwa livoko ngwendi, “Ija kuno kulutwe.”

Luka 14:26

“Woshe uje aija kuli yange kasa kupwa ndongisi yange kuvanga anjizeme yange kutuvakana mwazema ishe na vaina, munakazi wendi na vana vendi, vandolome vendi na vandokazi vendi, nakuzema yange kutuvakana mwalizema ikeye vavenya lalo.

Luka 22:41

Co wavashondolokele kamandondo watsikamene, co walombelele,

Vilinga vya Miluwa 10:9

Alikaki, omo vakele nakuya nakushwenya kuyehi na Yopa, Petulu walondele ku mulili wa akamwa ya njuvo a simbu ya mutanya ngeci akalombele.

Vilinga vya Miluwa 2:15

Omwo vanu ava kuvapendele, ngwe omo mumuli nakuyongwelamo, ino inapu simbu yamucitanu na viwana ku mutondo.

Vilinga vya Miluwa 20:24

Oloni njinayongola ngwange mwonyo wange kuwesi na seo kuli yange, njishaka lika kumanesa vipangi vyange nakumanesa vipangi vije vyanjanene Mwene Yesu ngeci njivilinge, vikevyo kwambulula Vin̄anda Vyavivwa vya kutetela kwa Njambi.

Vilinga vya Miluwa 20:36

Co omo Paulu wamanesele kwendeka, watsikamene a mavuli amo navo walombelele.

Vilinga vya Miluwa 21:5

Oloni omo simbu yetu yakukala navo yahwile, twakatukile twaile vungenzi vwetu. Co vakevo voshe, amo na vanakazi vavo na vanike, vatusindikiiye kututuwisa mu nganda nakuya ku kenge ya mema a kalunga kuje tuvavoshe twakatsikamene nakulombela.

Vilinga vya Miluwa 3:1

A litangwa limo Petulu na Yowano vaile ku Njuvo ya Shukulu Kalunga a simbu yakulombela, yapwile simbu ya maola atatu ku cingwezi.

Vilinga vya Miluwa 4:29

Co ololo, Shukulu Kalunga, kenga muvali nakutushungwiya, co twane kusimpa yetu vangamba vove, ngeci twambulule lijwi lyove.

Vilinga vya Miluwa 5:20

“Yeni mukemane mu Njuvo ya Shukulu Kalunga, co mukaleke vanu vyoshe vya mwonyo ou wauha.”

Vilinga vya Miluwa 5:29

Oloni Petulu na miluwa vakwavo vavakumbulwile ngwavo, “Tunapande kwononoka Njambi, kesi vanu.

Vilinga vya Miluwa 7:60

Co watsikamene a mavuli watambekele na lijwi lyakama ngwendi, “Mwene! Kesi wanuke vuvi vwavo ovu vuvanalingi!” Co omo wendekele majwi awa, watsile.

Vilinga vya Miluwa 9:40

Oloni Petulu wavatuwisilemo voshe muje mu mulili, co watsikamene asi nakulombela, asinoni watengulukilile ku civimbi ca Ndokasi, co wendekele ngwendi, “Tambita, induka!” Co watonene, co omo wamwene Petulu, watumbamene.

Efeso 3:14

Omwo a cuma eci, njilinakutsikama a mavuli ange ku mesho a Tate,

Filipu 1:14

Co kukala kwange mu kamenga cinakwasa manene vaka-kukulaela kukulaela manene muli Mwene, ngeci vapwe vaka-kusimpa simbu yoshe mukwambulula lijwi kujeneka lyova.

Filipu 1:20

Cizango cange cakama na cinyangavili cange ngeci kunjikajuka mu vipangi vyange, oloni ku visimbu vyoshe, vunene vene a simbu ino, njikashula nakusimpa kwoshe, ngeci muvutunu vwange vwoshe njikane kasingimiko kuli Kilistu, nambe njitsa nambe njiyoya.

Filipu 4:6

Kesi mushote mbunge a cuma cimo, oloni mu malombelo eni oshe lombeni a Njambi a vije munajeneka, simbu yoshe mulombeni na mbunge yakukandelela.

Kolose 3:17

Co vyuma vyoshe mulinga nambe mwendeka, munapande kuvilinga mu lizina lya Mwene Yesu, omo mulinakukandelela Njambi Tate ali ikeye.

VaHevelu 13:15

Ngecivene, ijeni tushangazale Njambi simbu yoshe ngwe n̄ombelo yetu ali Yesu, ikeyo n̄ombelo ya tunwa twetu yakumutava ikeye Mwene.

VaHevelu 4:16

Ngecivene, tupweni vaka-kusimpa, akushwenya ku litanda lya Njambi, tukatambule mema ku mbunge na kutetela kuje akatukwasa omo tunajeneka.

Kujombolola 2:10

Kesi ulishoshomwene a n̄avava ije ukamona. Tolilila! Liyavola akamyaka mu ceseko mukwaka vamo veni mu kamenga, co tuyando tweni tukapwa twa matangwa likumi. Ngecivene, pwa muka-kulongwa kuli yange noo kutsa, co njikakwana cilongo ca mwonyo.

Kujombolola 2:13

Njizivuka kuje kuwakala, kuje kwakala litanda lya Satana. Yove unapu muka-vushunga kuli yange, co kuwombilile kukulaela kwove kuli yange, nameme mu simbu omo Antipase, mukaleo wange wa kulongwa vamutsiilile kuje vene kwakala Satana.