Ndanyele 5:29 - Livulu lya Shukulu Kalunga

²⁹ Aje vene Mbeleshazale washikile ngeci vanenele Ndanyele cikoveyo cacilaja ca linyu ca vumwene, na lilyenge lya ngolinde lya kasingimiko ngeci vamuzike mu mukoshi wendi. Co wamupwisile wamucitatu mukushika mu vumwene vwendi.

Ndanyele 5:29 Iomraidhean Croise

Kushangumuka 41:42

Ngecivene, mwene watundisile kanzeya ka cizivukiso ca vumwene vwendi ku mulavo wendi, wakaakele ku mulavo wa Yosefa. Vamuzikile lalo cikoveyo cacilaja cacivwa ca linyu, co vamuzikile lalo lilyenge lya ngolinde mu mukoshi wendi.

Esita 10:3

Molendekai kaYunda ikeye wapwile wamucivali ku vukama kwata kuli Mwene Sheleshe. Vamusingimikile nakumuzema kuli vavushoko vwendi vaYunda. Washakele kalesi yaivwa ya vanu vendi amolika na kwoloka kwa vatekulwila vavo.

Visimo 1:9

Omwo vilongesa vyavo vikapwa ngwe kalupusa kakavwa ku mutwe wove nambe ngwe sungu mu mukoshi wove.

Ndanyele 2:48

Asinoni mwene waakele Ndanyele ku vukama, co wamwanene vwana vwavungi vwavuvwa, co wamushwanesele mu lifuti lyoshe lya Mbambilone, nakumupwisa mukulunu wa vaka-kunangula voshe va mu Mbambilone.

Ndanyele 5:16

Ngecivene, njazivi ngwavo yove wasa kulumbununa vyakushweka nakulumbununa mahungu. Nga wasa kulava visoneka evi nakunjilumbunwinavyo, co vakakuzika cikoveyo ca linyu cacilaja ca vumwene, nakukuzika lilyenge lya ngolinde lya kasingimiko mu mukoshi wove, co yove ukapwa wamucitatu mukushika mu vumwene.”

Ndanyele 5:7

Co mwene watambekele na lijwi lyakama ngeci vanene vaka-manseno na valozi na vaka-kulukiya. Omo vezile kuli ikeye, co mwene wavalekele ngwendi, “Woshe uje alava evi vanasoneka aa nakunjilumbunwinavyo, co vakamuzika cikoveyo ca linyu cacilaja ca vumwene, co akazala lalo lilyenge lya ngolinde lya kasingimiko mu mukoshi wendi, co akapwa wamucitatu mukushika mu vumwene vwange.”

Ndanyele 6:2

Co lalo waangwile Ndanyele na vakwavo veka vavali kutwamenena vanguvulu nakukenga ngeci mwene kesi ajeneke vimo.