Ndanyele 5:23 - Livulu lya Shukulu Kalunga

²³ Walingile mwamuvi ku mesho a Shukulu Kalunga wa mwilu akunena vinganja na malonga vya mu Njuvo ya Shukulu Kalunga. Yove, na vanu vove va vulemu, na mashano vove, na mashano vove va mbanja mwanwilililemo vinyu nakushangazala tumponya vakupanga na ngolinde, na siliva, na vunengu, na vutale, na viti, na mamanya, na tumponya vaje kuvesi kumona nambe kuziva, nambe kuzivuka cuma cimo. Oloni kuwasingimikile Njambi uje wanyunga mwonyo wove na vyuma vyoshe vije viwukalingi.

Ndanyele 5:23 Iomraidhean Croise

Kushangumuka 14:19

Co wavezikisile Avilama, nakwendeka ngwendi, “Njambi wa Akamwa ya Akamwa, uje watangele lilu na asi, avezikise Avilama!

Kushangumuka 2:7

Asinoni Shukulu Kalunga Njambi watapwile livu asi, co likelyo wamungile munu, wahwimininine muku wa mwonyo mu majulu endi, co munu wakele na mwonyo.

2 Vimyene 14:10

Ololo yove Amaziya, unafungulula vaEndome, co uli na kulyalesa. Wapwisamo lutsimo lwove, co tumbama kwimbo lyove. Omwo vikajo ulishakela n̄ole ije ikanena tuyando kuli yove na kuli vanu vove?”

Yombi 12:10

Njambi lika ikeye atwamenena myonyo ya vitanga vyendi, mwonyo woshe wa munu wakala mu livoko lyendi.

Yombi 31:4

Njambi azivuka vyuma vyoshe vinjikalingi, co akalava manambo ange oshe.

Myaso 104:29

Omo uvajenjuka, co vaziva lyova, omo utundisa mwonyo wove muli vakevo, co vatsa, nakwilukila lalo ku livu kuje kuvatundile.

Myaso 115:16

Lilu lya melu lyapwa lya Shukulu Kalunga, oloni kaye wakaanene ku vanu.

Myaso 139:3

Yove ukanjimono, nambe njilinakupanga, nambe njilinakuhwima, uzivuka vilinga vyange vyoshe.

Myaso 146:4

Omo munu atsa, co eluka ku livu, matumbe endi oshe ahwa a litangwa lije atsa.

Visimo 20:24

Kwenda kwa munu kwakala kuli Shukulu Kalunga, vatijo munu asa kuzivuka ngila yendi?

Isaya 13:11

Shukulu Kalunga endeka ngwendi, “Njikahisa kaye omwo vuvi vwako, nakuhisa lalo vaka-vuvi omwo vuvi vwavo. Njikanyongesa kulyalesa kwa vaka-muuka.

Isaya 14:13

Wakele na cizango cakuya mwilu nakwaka litanda lyove akamwa ya vingongonosi vya akamwa. Wayongwele ngwove ukatumbama ngwe mwene a munkinda wa ku kunto kuje kuvakalikungulwila vinjambi.

Isaya 2:12

A litangwa lije, Shukulu Kalunga Muka-nzili yoshe akakeesa munu woshe, munu woshe uje muka-kulyalesa nakulijundula.

Isaya 33:10

Shukulu Kalunga alinakwendeka ku miyati ya vanu ngwendi, “Ololo njipanga. Njikamwesa ayapwa nzili yange.

Isaya 37:19

omwo vinjambi vavo kuvapwile vinjambi vavavwa, oloni vifwa lika vya viti, na mamanya, vije valingile na mavoko a vanu, ngecivene, vavenyekele.

Isaya 37:23

Yove unayongola ngwove iyajo iwunashaula nakuyeluwisa? Yove wanjizivisa shwamwa yange, Njambi ya Isalele wakujela.

Isaya 42:5

Njambi watangele melu nakuwajangumuna, ikeye wajalele kaye na vyoshe vije vilimo, ikeye mukakwana mwonyo kuli vanu voshe va mu kaye. Co ololo Shukulu Kalunga Njambi nendeka kuli ngamba yendi ngwendi,

Njelemiya 10:23

Shukulu Kalunga, njazivuka ngeci munu ikeye vavenya na mana endi kasa kwangula ngila yaivwa ngeci endemo, munu ikeye vavenya kesi na nzili yakwenda mwoshe mwashakela.

Njelemiya 48:26

Shukulu Kalunga wendekele ngwendi, “Pendeseni Mowavi omwo yanjitengulukila nakunjilwisa. Mowavi akalyalanga a vishanjo vyendi, co vanu vakamujola.

Njelemiya 50:28

(Vaka-kwija vanatewe ku Mbambilone vanaija ku Yelusalema, co vanambulula omo Shukulu Kalunga Njambi yetu walingile shambandinga a vije vaMbambilone valingile ku Njuvo yendi.)

Njelemiya 50:29

Saneni vaka-mata a lusipa valwise Mbambilone. Voshe vaje vazivuka kupangesa vuta vwa lusipa na mukili. Zengelekeni nganda, kesi mutave umo aputumukemo, ilingeni mwamuvi ku vije vyoshe vyalingile, co ipangeseni ngwe muyapangesele vakwavo, omwo yalingile na kulyalesa ku mesho ange, muka-kujela wa Isalele.

Ezekiyele 28:17

Yove walyalesele omwo vuvwa vwove, co lutsimo lwove lwakulingisile vulema. Omwo cuma eci, njakumbilile asi kupwa cimweso ca vakweni vimyene.

Ezekiyele 28:2

“Muna munu, leka muka-kushwana wa ku Tile evi vinjendeka yange Kalunga wa Akamwa ya Vyoshe ngwove, ‘Mu kulyalesa kwove ulinakwendeka ngwove u njambi. Ulinakwendeka ngwove unatumbama a litanda ngwe njambi mu mema a kalunga. Wasa kuyongola ngwove u njambi oloni yove unapu lika munu kesi u njambi nameme wayongwele ngwove u njambi.

Ezekiyele 28:5

Omwo vutongwe vwove vwakama mukulandesa, unalifukisa yove vavenya. Yove uli na kulyalesa omwo vufuko vwove!’

Ezekiyele 31:10

“Ngecivene, ololo, yange Kalunga wa Akamwa ya Vyoshe, njikamileka vije vikalingiwa ku muti uje wakolele noo waketele ku mashelwa. Omo wakolele kupwa waulaja, co wakele na kulyalesa,

Ndanyele 11:12

Ikeye akalyalesa akuhyana kwendi na a mashwalale vavangi vaje vanatsii, oloni kakahyana lalo.

Ndanyele 4:37

“Ngecivene, ololo, yange Nevukaneza njishangazala nakusingimika nakulemesa Njambi ikeye Mwene wa Lilu. Vyuma vyoshe vyakalingi vyapwa vya vushunga, co vingila vyendi vyapwa vya kulongwa, co akononwesa uje woshe alyalesa.”

Ndanyele 8:11

Yalyalesele lalo na kuli Ntwama wa nzita ya mwilu, nakuvindika vin̄ombelo vije vakele nakukombelela kuli ikeye, co yajwalesele Njuvo ya Shukulu Kalunga yakujela.

Hambakuke 2:4

Co awa akewo majwi, ‘Vaka-vuvi vakatsa, oloni vaka-vushunga vakayoya omwo vakonononoka kuli Njambi!’ ”

Vilinga vya Miluwa 17:25

Nambe kesi kushaka tumupangele cuma cimo, omwo ikeye akaana mwonyo na muku na vyuma vyoshe kuli vanu voshe.

1 Kolinte 8:4

Ngecivene, a vyakulya vyakukombelela ku tumponya, twazivuka ngwetu kamponya, co twazivuka lika ngwetu kwali Njambi umolika.

1 Timateo 3:6

Kapandele kupwa munu uje nakulaela ololo, kutewa akalyalesa, co akavindama, ngwe mwalingile Liyavola.

VaHevelu 4:13

Cuma nacimo cai cakushweka kuli Njambi, vyuma vyoshe vije vivatangele kukwesi cuma cakufwika, vyoshe vili anja ku mesho endi. Co kuli ikeye tuvavoshe tunapande kulyambulwila vyetu yetu vavenya.

Kujombolola 9:20

Vaje vanu vasaleleo, voshe vaje kuvatsile na tuyando otu, kuvatengulukile kutunda ku vije vivalingile vakevo vavenya. Kuvalikelele kulemesa minzinzime yakujwala nambe tumponya twa ngolinde, siliva, vunengu, mamanya na viti, vije kuvyasa kumona nambe kuziva nambe kwenda.

Maako 16:23

Co vimyene va vaFilisitiya vakungulukilile amo ku ciwano cakulisamba nakukombelela n̄ombelo yakama kuli njambi yavo Ndangone. Co vembile mwaso ngwavo, “Njambi yetu nakundika citozi cetu Samusoni ku mavoko etu!”

1 Samwele 17:26

Ndaviti wehwile vaje vanu vakele kuyehi nendi ngwendi, “Cuma muka civakana munu uje atsiya kaFilisitiya ou, nakupatula vaIsalele ku shwamwa eyi? KaFilisitiya iyajo ou wakujeneka kukulaela Kalunga ayeluwisa mbunga ya mashwalale va Njambi wakuyoya?”

1 Samwele 17:36

Njatsiya laja vindumba, na vaingwe, co njikalinga mumolika lalo na uje kaFilisitiya muka-kujeneka kukulaela, uje ayeluwisa mashwalale va Njambi wakuyoya.