Ndanyele 5:21 - Livulu lya Shukulu Kalunga

²¹ Co vamutundisile kuli vanu, mana endi apwile ngwe a kasitu. Wakele amo na vingolo, walile mwila ngwe ngombe, co walalele anja yangoco na muvila wendi wajulile na lime. Akukotoka walilongesele ngeci kuma kukwesi weka lalo kuvanga Njambi wa Akamwa ya Akamwa ikeye uje ashika vumwene vwoshe vwa vanu, co asa kuvwana kuli woshe uje yashaka.

Ndanyele 5:21 Iomraidhean Croise

Yombi 39:5

“Iyajo waanene vingolo kupatuka? Iyajo wavazitwile nakuvatava ngeci valyendele?

Ezekiyele 17:24

Miti yoshe ya mu lifuti ikazivuka ngeci yange Kalunga. Njikashinjila asi miti yailaja, nakumenesa miti yaindondo kupwa yailaja. Njikajujwamesa miti yakutonola nakutonolwesa lalo miti yakuma. “Yange Kalunga, njinendekamo, njikalinga vije vinjinendeka ngwange njikavilinga.”

Ndanyele 4:14

Watambekele kuli vakwavo ngwendi, ‘Shinjeni ou muti nakushaja minango yawo, co ukaluleni maputa, nakushandola vushuka vwawo. Shekeni tusitu mwisi yawo, co katuleni tuzila ku minango yawo.

Ndanyele 4:17

Ovu vukevwo vutumbe vwa vaje tungelo vaka-kunyunga. Ngecivene, vanu voshe vazivuke ngwavo Njambi wa Akamwa ya Akamwa ali na nzili a vumwene vwoshe vwa vanu, co asa kwana vumwene vuje kuli woshe uje yashaka, nambe ku munu uje wakujeneka vulemu!’ ”

Ndanyele 4:22

“Ngecivene, yove shukulu, yove unapu muti uje waulaja na nzili. Yove unapu uwakama ngeci nzili yove kuyesi naa ayahwila, vukama vwove vunete ano a kaye oshe.

Ndanyele 4:25

Vakakusheka kukutundisa kuli vanu, co ukakala amo na tusitu. Ukalya mwila ngwe ngombe, nakulala anja, co ukajula na lime myaka itanu na ivali. Asinoni ukazivuka ngwove Njambi wa Akamwa ya Akamwa ali na nzili a vumwene vwoshe vwa vanu, co asa kwana vumwene kuli woshe uje yashaka.

Ndanyele 4:26

Co kangelo washikile ngeci ije nsina vaiseze mu livu. Eci cinalumbunuka ngeci ukapwa lalo mwene omo ukatava ngeci Njambi ikeye muka-kushwana kaye koshe.

Ndanyele 4:34

“Munima ya myaka itanu na ivali, yange Nevukaneza, njakengele kwilu, co mana ange elukile lalo kuli yange vavenya. Njashangazalele Njambi wa Akamwa ya Akamwa, njashangazalele nakusingimika uje wakala ku myaka yoshe. “Ikeye akashwana ku myaka yoshe, vumwene vwendi vukakala simbu yoshe.

Ndanyele 4:35

Akakenge a vanu va ano asi kupwa vangoco, tungelo va mwilu na vanu va ano asi vali mwisi yendi. Naumo wai asa kumuvindika nambe kwihula vije vyalinga.

Ndanyele 4:37

“Ngecivene, ololo, yange Nevukaneza njishangazala nakusingimika nakulemesa Njambi ikeye Mwene wa Lilu. Vyuma vyoshe vyakalingi vyapwa vya vushunga, co vingila vyendi vyapwa vya kulongwa, co akononwesa uje woshe alyalesa.”

Ndanyele 5:18

“Njambi wa Akamwa ya Akamwa wapwisile isho Nevukaneza mwene wakama, co wamwanene vulemu na vukama.