Ndanyele 5:20 - Livulu lya Shukulu Kalunga

²⁰ Oloni omo walyalesele nakukaluwisa mbunge, nakupwa wa muuka, co vamutundisile a litanda lyendi lya vumwene na kasingimiko kendi kahwile.

Ndanyele 5:20 Iomraidhean Croise

2 Vimyene 17:14

Oloni kuvononokele, vakaluwisile vimbunge vyavo ngwe vakukulwila vavo, vaje kuvakulaelele kuli Shukulu Kalunga Njambi yavo.

2 Mizimbu 32:25

Oloni Hezekiya walyalesele manene, kamwesele kasingimiko a vije vyamulingilile Shukulu Kalunga, ngecivene, vukalu vwa Shukulu Kalunga vwezile ali ikeye na a Yunda na a Yelusalema.

2 Mizimbu 36:13

Zendekiya watengulukilile Mwene Nevukaneza nakumulwisa, uje wamusindiiye alisinge mu lizina lya Njambi ngeci akapwe wa kulongwa. Oloni katavele, co welukile kuli Shukulu Kalunga, Njambi ya Isalele.

Kutuuka 18:11

Ololo njazivuka ngwange Shukulu Kalunga wapwa wakama manene kuhyana vinjambi voshe, omwo ikeye walingile eci omo vaka-Ingito vapangesele mwamuvi vaIsalele na cizindo cakufwa ngacije.”

Kutuuka 9:17

Nameme ngoco anga ucilyalesa nakuvyana kwecela vanu vange vaye.

Kutuuka 9:7

Mwene watumine vanu mukwihwisisa vika vyalingiwa, co vamulekele ngeci naumo wai cimuna wa vaIsalele natsi. Oloni mwene wakaluwisile manene mbunge yendi, co katavele ngeci vanu vaye.

Visimo 16:18

Kulyalesa manene kutwala munu kukunyonga.

Visimo 16:5

Shukulu Kalunga wazinda munu woshe uje muka-kulyalesa, mwa vushunga vene akavahisa.

Isaya 47:1

Shukulu Kalunga alinakwendeka ngwendi, “Mbambilone, shuluka a litanda lyove, co tumbama asi mu livu. Laja wapwile u mumbanda, nganda ije kuvasele kufungulula, oloni kuwesi lalo na cikonde cacivwa cakuvotsiya, ololo unapu u ndungo!

Njelemiya 13:18

Shukulu Kalunga wendekele kuli yange ngwendi, “Leka mwene na vaina vatunde a matanda avo, omwo vilongo vyavo vyavivwa vinau ku mitwe yavo.

Njelemiya 19:15

Shukulu Kalunga Muka-nzili yoshe, Njambi ya Isalele, nendeka ngwendi, “Njikanena vihiso vyoshe a nganda eyi na vindandanga vya kulyata nayo, vihiso vije njendekele ngwange njikavilinga, omwo munakaluwisa vimbunge vyeni, co kumutolilila ku vije njendeka.”

Njelemiya 48:18

Yeni mwakala mu Ndimboni shulukeni mu myela yeni ya kasingimiko, co tumbameni mu livu, muka-kunyongesa ali kuno, nanyongesa vinganda vyeni vya vimpaka.

Ezekiyele 30:6

Shukulu Kalunga alinakwendeka ngwendi, “Kutunda ku Mingendole ku kunto nakweta ku Aswane mu mbwela, voshe vaje vaka-kuvingilikiya Ingito vakavatsiila mu nzita. Mbunga ya mashwalale ya kulyalesa ya Ingito vakavanyongesa. Munjinendeka yange Kalunga wa Akamwa ya Vyoshe.

Ezekiyele 31:10

“Ngecivene, ololo, yange Kalunga wa Akamwa ya Vyoshe, njikamileka vije vikalingiwa ku muti uje wakolele noo waketele ku mashelwa. Omo wakolele kupwa waulaja, co wakele na kulyalesa,

Ndanyele 11:36

“Mwene wa Silya akalinga cizango cendi. Ikeye akalishasha ngwendi napu wakama kutuvakana njambi woshe-iwoshe, co lalo ngwendi ikeye napu wakama kutuvakana Njambi wa Akamwa ya Akamwa. Akalinga eci noo simbu iketa ije Njambi akamunyanyamesa. Njambi akalinga vije vyanayongola.

Ndanyele 4:26

Co kangelo washikile ngeci ije nsina vaiseze mu livu. Eci cinalumbunuka ngeci ukapwa lalo mwene omo ukatava ngeci Njambi ikeye muka-kushwana kaye koshe.

Ndanyele 4:28

Vyuma vyoshe evi vyalingiwile kuli Mwene Nevukaneza.

Ndanyele 4:37

“Ngecivene, ololo, yange Nevukaneza njishangazala nakusingimika nakulemesa Njambi ikeye Mwene wa Lilu. Vyuma vyoshe vyakalingi vyapwa vya vushunga, co vingila vyendi vyapwa vya kulongwa, co akononwesa uje woshe alyalesa.”

Ndanyele 8:8

Co uje lijamba lya membe walyalesele manene, oloni omo wakolele, co ije mbinga yendi yakama yapokokele. Co mu mwela wayo mwamenene lalo vimbinga vikwavo viwana, co imo na imo yakengesele mu mutambela weka.

Luka 18:14

Njimileka ngwange muka-kutambula lisimu ikeye wasambele ku mesho a Njambi omo waile ku njuvo yendi kutuvakana uje kaFaliseo. Omwo woshe uje akalyaka ku vukama vakamukeesa, oloni woshe uje alikeesa vakamwaka ku vukama.”

VaHevelu 3:13

Oloni umo weni kesi vuvi vumukwise nakukaluwisa mbunge yendi, munapande kulinangula umo na mukwavo a litangwa na litangwa, ngwe mulinendeka lijwi mu visoneka ngwalyo “Lelo” lilinakupanga kuli yetu.

1 Samwele 6:6

Omwo vikajo mulinakukaluwisila vimbunge vyeni, ngwe mwalingile mwene wa Ingito na vaka-Ingito? Kesi mwivale muje Njambi mwavapwisile vilema noo vecelele vaIsalele kutunda mu Ingito.