Ndanyele 5:2 - Livulu lya Shukulu Kalunga

² Omo vakele nakunwa, co Mbeleshazale washikile ngeci vanene vinganja vya ngolinde na siliva na malonga aje akambatele ishe Nevukaneza mu Njuvo ya Shukulu Kalunga mu Yelusalema. Mwene watumine ngeci vakavishake, anwilemo ikeye na vanu vendi va vulemu na mashano vendi na mashano vendi va mbanja.

Ndanyele 5:2 Iomraidhean Croise

2 Samwele 9:7

Co Ndaviti wendekele ngwendi, “Kesi uzive lyova embwe. Njikakuzivila ngozi omwo ya isho Yonatana. Njikakwilwisila lifuti lyoshe lije lyapwile lya kuku yove Saulu, co simbu yoshe ukalya nange ku mesa.”

2 Vimyene 24:13

co wambatele vufuko vwoshe vwakele mu Njuvo ya Shukulu Kalunga na mu lipela, wavutwalele ku Mbambilone ngwe muje mwendekele Shukulu Kalunga, Nevukaneza watsiile vivala vyoshe vya ngolinde vije vyapangele Mwene Solomoni ngeci vavipangese mu Njuvo ya Shukulu Kalunga.

2 Vimyene 25:15

Co vambatele tumalonga twatundondo na vikango vyakwambatela manungu a tuhya.

2 Mizimbu 11:20

Co lalo wambatele Maka, muna Avisalome, vakele na vana vawana, mazina avo, Aviya, na Atai, na Ziza, na Shelomiti.

2 Mizimbu 15:16

Mwene Asa watundisile kuku yendi Maka a litanda lyendi lya vamwene, omwo wapangele kamponya kakavi ka Ashela njambi wa munakazi. Asa washinjile kaje kamponya, wakatetangele, co wenyekelele vimbazuvwila vyako mu Cana ca Kindelone.

2 Mizimbu 36:10

Omo simbu ya nyangao yetele, Mwene Nevukaneza watwalele Yehoyakine ku Mbambilone nakumupwisa cinzinda, co wambatele vufuko vwa mu Njuvo ya Shukulu Kalunga. Asinoni Nevukaneza wapwisile Zendekiya inanu ya Yehoyakine mwene wa mu Yunda na mu Yelusalema.

2 Mizimbu 36:18

Co Mwene wa Mbambilone wapukwile Njuvo ya Shukulu Kalunga, na vufuko vwamwo, na vufuko vwa mwene na vamyata vendi, watwalele vyuma vyoshe ku Mbambilone.

Ezela 5:14

Co welwisile vivala vya ngolinde na siliva vije vyambatele Nevukaneza mu Njuvo ya Shukulu Kalunga mu Yelusalema, nakukavyaka mu njuvo yendi yakulemesela mu Mbambilone. Mwene Siluse waanene vivala evi kuli munalume umo lizina lyendi Sheshevazale, uje yemikile kupwa nguvulu wa mu Yunda.

Njelemiya 27:7

Miyati ya vanu voshe vakamupangela, co vakapangela lalo munendi wa munalume na mutekulyendi wa munalume, noo simbu ikaija omo muyati wa vanu vendi ukawa. Asinoni muyati wa vanu vendi vakapangela miyati ya vanu va nzili na vimyene vakama.

Njelemiya 50:35

Shukulu Kalunga alinakwendeka ngwendi, “Moko ya mukwale ikatapa vaMbambilone na woshe uje alimo. Mukwale ukatapa vamyata vendi, na vanu vavo vaka-mana.

Njelemiya 52:19

Co vambatele tumalonga twatundondo, na vikango vyakwambatela manungu a tuhya, na malonga aje vapangesele mukukwatelao maninga a vin̄ombelo, na malonga akukwatela lito, na citumbikilo ca vindeya, na malonga akukunama akukwatela insense, na malonga akukunama akupangesa mukwitila vin̄ombelo vya vinyu, na vyuma vyoshe vije vavilingile na ngolinde na siliva.

Ndanyele 1:2

Shukulu Kalunga watavele Nevukaneza ngeci afungulule Mwene Yehoyakime nakwambata vivala vimo vya mu Njuvo ya Shukulu Kalunga. Co omo Nevukaneza welukile ku Mbambilone, wakaakele vije vivala vyakafungulwile mu mulili wakutulikila wa mu njuvo ya njambi yendi.

Ndanyele 5:11

Kwali munalume umo mu vumwene vwove ali na munzinzime wakujela wa vinjambi. Omo isho wapwile mwene, munalume ou washolwele mana amavwa nakuzivisisa na mana ngwe mana a vinjambi. Co isho Mwene Nevukaneza wamupwisile mukulunu wa vaka-kulukiya, na vaka-manseno, na valozi, na vimbanda.

Ndanyele 5:13

Ngecivene, vanenele Ndanyele ku mesho a mwene. Co mwene wendekele kuli ikeye ngwendi, “Yove vene Ndanyele, cinzinda wa kaYunda uje yanenele tate kuno kutunda ku Yunda ndi?

Ndanyele 5:18

“Njambi wa Akamwa ya Akamwa wapwisile isho Nevukaneza mwene wakama, co wamwanene vulemu na vukama.

Ndanyele 5:23

Walingile mwamuvi ku mesho a Shukulu Kalunga wa mwilu akunena vinganja na malonga vya mu Njuvo ya Shukulu Kalunga. Yove, na vanu vove va vulemu, na mashano vove, na mashano vove va mbanja mwanwilililemo vinyu nakushangazala tumponya vakupanga na ngolinde, na siliva, na vunengu, na vutale, na viti, na mamanya, na tumponya vaje kuvesi kumona nambe kuziva, nambe kuzivuka cuma cimo. Oloni kuwasingimikile Njambi uje wanyunga mwonyo wove na vyuma vyoshe vije viwukalingi.

Ndanyele 5:3

Aje vene vanenele vinganja vya ngolinde na siliva na malonga, co voshe vanwilililemo vinyu.

Ndanyele 5:30

Co ku vutsiki vuje vene Mbeleshazale mwene wa Mbambilone, vamutsiile,

Ndanyele 5:4

Vashangazalele tumponya twavo tuje tuvapangele na ngolinde na siliva na vunengu na vutale na viti na mamanya.

Kulava 7:79

Co mulambu wendi wapwile lilonga limo lya siliva lyakushalamena vulemu vwalyo vwapwile makilo 1.5, na mbashiya imo ya siliva vulemu vwayo vwapwile mangilamu 800 muvuvali vwao ngwe ku vulemu vuje vemika. Muvuvali vwao ashulile na vunga vwavuvwa vwakuseneta vwakukumbasana na mazi kupwa mulambu wa vimbuto vya vinona.