Ndanyele 5:17 - Livulu lya Shukulu Kalunga

¹⁷ Co Ndanyele wamukumbulwile ngwendi, “Kunjishaka kutambula vwana vwove. Nga ushaka, vwane kuli munu weka. Oloni yange njikakulavela yove shukulu vije vivanasoneka nakukulumbunwinavyo.

Ndanyele 5:17 Iomraidhean Croise

Kushangumuka 14:23

ngwange, yange kunjambata cuma cimo kuli yove, nameme kamukole, nameme kacipapa ka a n̄aku yove, kutewa ukendeka ngwove, ‘Yange njinafukisa Avilama.’

2 Vimyene 3:13

Co Elisha wendekele kuli mwene wa mu Isalele ngwendi, “Omwo vikajo njikukwasela? Ya ukehule vaka-kwimanena vaje vaakele nakwihula isho na vanyoko.” Njolame wamukumbulwile ngwendi, “Embwe, Shukulu Kalunga natukundika mu mavoko a mwene wa Mowavi yetu vimyene vatatu.”

2 Vimyene 5:16

Oloni Elisha wamukumbulwile ngwendi, “Njilisinga ali Shukulu Kalunga wakuyoya uje injapangela ngwange, kunjasa kutambula vwana embwe.” Co Namane wamusindiiye ngeci atambule vuje vwana, oloni wavyanene.

2 Vimyene 5:26

Oloni Elisha wendekele ngwendi, “Njinakele nove mu munzinzime omo Namane washulukile mu litemba lyendi nakwendeka nove. Ngehazi, kuwesi na moko yakutambula vimbongo nambe vuzalo, na mahya a miti ya olive, nambe mikolovozi ya vushuka vwa vinyu, nambe vimanga, nambe vingombe, nambe vangamba embwe!

Myaso 119:46

Njikambulula mashiko ove ku vimyene, co kunjikazivi shwamwa,

Ndanyele 2:6

Oloni nga munjileka eyi njozi na muje muyinalumbunukila, co njikamyana vwana vwakukomokesa na kasingimiko kakama. Ngecivene, njilekeni eyi njozi na muje muyinalumbunukila.”

Ndanyele 5:29

Aje vene Mbeleshazale washikile ngeci vanenele Ndanyele cikoveyo cacilaja ca linyu ca vumwene, na lilyenge lya ngolinde lya kasingimiko ngeci vamuzike mu mukoshi wendi. Co wamupwisile wamucitatu mukushika mu vumwene vwendi.

Vilinga vya Miluwa 8:20

Oloni Petulu wamukumbulwile ngwendi, “Nove vene na vimbongo vyove munyonge amo, omwo yove uyongola ngwove amo wasa kulanda vwana vwa Njambi na vimbongo!