Ndanyele 4:7 - Livulu lya Shukulu Kalunga

⁷ Co voshe vaka-kutaa na vaka-manseno na valozi, na vaka-kulukiya vezile, co njavalekele njozi yange, oloni kuvasele kunjilumbunwinayo.

Ndanyele 4:7 Iomraidhean Croise

Kushangumuka 41:24

Co mitwe ije yakwekwiya yaminine ije yakulongela mwamuvwa. Njalekele vinjozi vyange kuli vaka-manseno, oloni naumo wai wasele kunjinungulwilavyo.”

Kushangumuka 41:8

Alikaki mutondo wendukile nakwombwa, ngeci wasanene vaka-manseno voshe na vanalume vaka-mana va mu Ingito. Wavalekele vinjozi vyendi, oloni naumo wai wamunungulwililevyo.

Myaso 37:35

Njamwene muka-vuvi uje wakele na vukalu, ikeye wahyanene munu woshe ngwe muti wa kendale wa ku Lembanone.

Isaya 44:25

Vaka-kutaa njivapwisa vilema, nakuvindika vimona vya vaka-makuli. Majwi a vaka-kunyanyama, njikawapwisa angoco, nakumwesa ngeci mana avo anapu vulema.

Ezekiyele 31:3

Yove unalifu ngwe muti wa kendale wa ku Lembanone, uli na minango na munzinze wauvwa. Muti waulaja manene unete na ku mashelwa.

Ndanyele 1:4

Vakevo vanapande kupwa vavavwa akuvakenga, vakunyanyama, vaje vavalongesa mwamuvwa, vaka-mana mukulilongesa, vakujeneka kapenga ngeci vakapange mu lipela lya mwene. Co Ashepenaze avalongese kulava nakusoneka ndaka ya vaMbambilone.

Ndanyele 2:10

Co vaje vaka-kunangula vendekele ngwavo, “Kukwesi munu umo ano asi uje asa kukuleka yove shukulu vije viwushaka kuzivuka. Kukwesi mwene nambe muka-vulemu wa nzili yakama walombele cuma cangacije kuli vaka-kutaa vendi, na vaka-manseno, na valozi.

Ndanyele 2:27

Co Ndanyele wamukumbulwile ngwendi, “Shukulu, kukwesi valozi, nambe vaka-manseno, nambe vaka-kulukiya, nambe vaka-kulilongesa vya vingongonosi vasa kukuleka vyuma evi.

Ndanyele 2:7

Co vakevo vakumbulwile mwene lalo ngwavo, “Nga yove shukulu utuleka njozi yove, co tukakulumbunwinayo.”

Ndanyele 3:8

Co vamo vaMbambilone vawanene vukovelelo vwakutengulukila vaYunda.

Ndanyele 4:18

Mwene Nevukaneza wendekele ngwendi, “Eyi ikeyo njozi injalotele. Ngecivene, ololo Mbeletesezale, njileke muyinalumbunukila. Kukwesi umo muka-mana mu vumwene vwange asa kunjilekayo, oloni yove wasa, omwo munzinzime wakujela wa vinjambi uli muli yove.”

Ndanyele 5:7

Co mwene watambekele na lijwi lyakama ngeci vanene vaka-manseno na valozi na vaka-kulukiya. Omo vezile kuli ikeye, co mwene wavalekele ngwendi, “Woshe uje alava evi vanasoneka aa nakunjilumbunwinavyo, co vakamuzika cikoveyo ca linyu cacilaja ca vumwene, co akazala lalo lilyenge lya ngolinde lya kasingimiko mu mukoshi wendi, co akapwa wamucitatu mukushika mu vumwene vwange.”

Ndanyele 5:8

Co voshe vaka-mana va mwene vezile, oloni naumo wai wa ali vakevo wasele kulava vije vivasonekele nambe kuleka mwene muje muvyalumbunukilile.