Ndanyele 4:37 - Livulu lya Shukulu Kalunga

³⁷ “Ngecivene, ololo, yange Nevukaneza njishangazala nakusingimika nakulemesa Njambi ikeye Mwene wa Lilu. Vyuma vyoshe vyakalingi vyapwa vya vushunga, co vingila vyendi vyapwa vya kulongwa, co akononwesa uje woshe alyalesa.”

Ndanyele 4:37 Iomraidhean Croise

2 Mizimbu 33:19

Lilombelo lya mwene nakukumbulula kwa Njambi, vuvi vuje vwalingile omo kanda atenguluke, na vyuma vyavivi vije vyalingile, na mitambela ije vakele nakulemesela vaka-kujeneka kukulaela, na vifwa vya Ashela njambi wa munakazi vije vyalingile, na tumponya tuje twalemesele, vyoshe vavisoneka mu Livulu lya Mizimbu ya Vaka-kwimanena.

Esita 6:10

Asinoni mwene walekele Hamane ngwendi, “Zambula ukashake vuzalo na kavalu, co ana kasingimiko aka kuli Molendekai kaYunda. Linga kuli ikeye vyoshe vije viwunendeka. Ukamuwana natumbama ku cikolo ca ku lipela.”

Myaso 119:75

Njazivuka ngeci mashiko ove apwa a vushunga yove Shukulu Kalunga, yove wapwa wa kulongwa ngeci wanjihisile.

Myaso 99:4

Mwene wa nzili wazema vushunga, yove unanena kushungama mu Isalele, kenga ngeci vushunga vulinakulingiwa.

Kutuuka 18:11

Ololo njazivuka ngwange Shukulu Kalunga wapwa wakama manene kuhyana vinjambi voshe, omwo ikeye walingile eci omo vaka-Ingito vapangesele mwamuvi vaIsalele na cizindo cakufwa ngacije.”

Kutuuka 8:4

Co mambotwe vakalonda ali yove, naa vanu vove, na ali vamyata vove voshe.’ ”

Isaya 23:9

Shukulu Kalunga Muka-nzili yoshe ikeye watumbile vutumbe mukumanesa nakushaula kulyalesa kwa vanu voshe vaje vavasingimikile ano asi.

Isaya 5:16

Oloni Shukulu Kalunga Muka-nzili yoshe amwesa vukama vwendi akulinga vyuma vya vushunga, asholola kujela kwendi akusompa vanu vendi.

Njelemiya 50:29

Saneni vaka-mata a lusipa valwise Mbambilone. Voshe vaje vazivuka kupangesa vuta vwa lusipa na mukili. Zengelekeni nganda, kesi mutave umo aputumukemo, ilingeni mwamuvi ku vije vyoshe vyalingile, co ipangeseni ngwe muyapangesele vakwavo, omwo yalingile na kulyalesa ku mesho ange, muka-kujela wa Isalele.

Ezekiyele 16:56

Kuma kuwashendumwine ndokazi yove Sondoma a matangwa aje omo walyalesele,

Ezekiyele 16:63

Njikasambesa kupenga-penga kwove kwoshe kuwalingile, oloni ukavyanuka, co ukakala na shwamwa manene yakuvyendeka na kanwa kove.” Mwanendeka Shukulu Kalunga wa Akamwa ya Vyoshe.

Ndanyele 4:26

Co kangelo washikile ngeci ije nsina vaiseze mu livu. Eci cinalumbunuka ngeci ukapwa lalo mwene omo ukatava ngeci Njambi ikeye muka-kushwana kaye koshe.

Ndanyele 4:3

“Vikomokeso vyakatumwesa Njambi vyapwa vyakama manene! Vizivukiso vyendi vyahyana nzili! Njambi wapwa wa ku myaka yoshe, ikeye akashwana visimbu vyoshe.

Ndanyele 4:34

“Munima ya myaka itanu na ivali, yange Nevukaneza, njakengele kwilu, co mana ange elukile lalo kuli yange vavenya. Njashangazalele Njambi wa Akamwa ya Akamwa, njashangazalele nakusingimika uje wakala ku myaka yoshe. “Ikeye akashwana ku myaka yoshe, vumwene vwendi vukakala simbu yoshe.

Ndanyele 5:4

Vashangazalele tumponya twavo tuje tuvapangele na ngolinde na siliva na vunengu na vutale na viti na mamanya.

Mateo 11:25

A simbu ije vene Yesu wendekele ngwendi, “Njikukandelela yove Tate, Mwene wa lilu na ano asi! Omwo vyuma evi wavishwekele kuli vaka-mana na kuli vaka-kulilongesa, co unavisholola kuli vaka-kujeneka mana.

Vilinga vya Miluwa 17:24

Njambi uje watangele kaye na vyoshe vilimo, ikeye Mwene wa lilu na asi, co kesi kuyoya mu njuvo yakutunga na mavoko a vanu.

Kwituluka mu Mashiko 32:4

“Shukulu Kalunga ikeye cimpaka ceni ca nzili wakulambasa na kwoloka mu vingila vyendi vyoshe. Njambi yeni wapwa wa kulongwa na vushunga, akalingi mwamuvwa nakushungama.

Kujombolola 15:3

co vakele nakwimba mwaso wa Mosesa, ngamba ya Njambi, na mwaso wa Muna Manga ngwavo, “Njambi Muka-nzili yoshe, vilinga vyove vinapu vyakama vyakukomokesa! Mwene wa miyati ya vanu, vilinga vyove vyapwa vyavivwa na vushunga!

Kujombolola 16:7

Asinoni njazivile lijwi lyatundile ku mutula lyendekele ngwalyo, “Shukulu Kalunga Njambi Muka-nzili yoshe! Kusompa kwove kunapu kwa vushunga na vuvwa!”

1 Samwele 2:3

“Kesi mwendeke majwi akulishasha, kesi mulyalese. Omwo Shukulu Kalunga ikeye Njambi azivuka, co asompa vyoshe vivalinga vanu.