Ndanyele 4:35 - Livulu lya Shukulu Kalunga

³⁵ Akakenge a vanu va ano asi kupwa vangoco, tungelo va mwilu na vanu va ano asi vali mwisi yendi. Naumo wai asa kumuvindika nambe kwihula vije vyalinga.

Ndanyele 4:35 Iomraidhean Croise

Yombi 23:13

“Ikeye kesi kutenguluka. Co naumo wai asa kumuyeluwisa, nambe kumuvindika vije vyashaka kulinga.

Yombi 34:29

“Nga Njambi ayongola kulinga cuma, co naumo wai asa kumupopolola. Nga ashweka cihanga cendi, co vanu vapwa vangoco.

Yombi 40:2

“Kuma uje muka-kuwanena vakwavo milonga asa kusompa na Muka-nzili yoshe ndi? Woshe uje ali na vimata na Njambi, mweceleni akukumbulule.”

Yombi 42:2

Njizivuka, Shukulu Kalunga ngeci yove u muka-nzili yoshe, co wasa kulinga vyoshe viwushaka.

Yombi 9:4

Njambi muka-mana na nzili, munu naumo wai emana nakumulwisa.

Myaso 115:3

Njambi yetu ali mwilu, akalingi vyoshe vije ashaka.

Myaso 135:6

Shukulu Kalunga akalingi vyoshe vije ashaka mwilu na ano asi, mu mema a kalunga na mu vinzinga vyoshe.

Myaso 33:14

Shukulu Kalunga natumbama a litanda lyendi oku nakenge asi ali voshe vaje vakalao.

Myaso 39:5

Mwonyo wange unawuseteka na vikajo? Ku mesho ove simbu yakuyoya kwange inapu yangoco. Mwa vushunga vene mwonyo wa munu woshe wakuyoya ano asi unapu ngwe lihunzi,

Myaso 49:1

Ziveni evi yeni vanu voshe! Yeni vanu voshe va mu kaye,

Visimo 21:30

Mana a vunu nakunyanyama nakuzivuka, kuvikwasa nga Shukulu Kalunga nakuvyana.

Muka-kwambulula 8:4

Omo lijwi lya mwene lili na nzili, iyajo asa kumwihula ngwendi, “Vikajo ulinakulinga ngeci?”

Isaya 19:17

Vanu va mu Ingito vakaziva lyova lya Yunda visimbu vyoshe omo vakanuka luvinda luje lwanenele Shukulu Kalunga Muka-nzili yoshe ali vakevo.

Isaya 26:9

Mbunge yange ilinakukushaka a simbu ya vutsiki, omwo viyongola vyove vimwesa vanu voshe ano asi muje muvanapande kuyoya mwa vushunga.

Isaya 43:13

Yange njapwa nji Njambi, co simbu yoshe njikakalako. Naumo wai akatambula vaje vali mu livoko lyange, nambe kuvindika vije vinjipanga.”

Ndanyele 6:27

Ikeye akamena nakupatula, akalingi vikomokeso na vizivukiso mwilu na ano asi. Ikeye wovwele Ndanyele ku tunwa twa vindumba.”

Yona 1:14

Ngecivene, vatambekele kuli Shukulu Kalunga ngwavo, “Yove Shukulu Kalunga, tulomba kuli yove ngeci kesi utunyanyamese a mwonyo wa munu ou. Co kesi utuhise akutsiya munu wakujeneka mulomga omwo yove Shukulu Kalunga unalingi ngwe muunashaka.”

Vilinga vya Miluwa 11:17

Nga Njambi waanene vaje kesi vaYunda vwana vumolika ngwe vuje vwatwanene yetu omo twakulaelele kuli Mwene Yesu Kilistu, cooni yange yange iyajo ngeci njivindike Njambi?”

Vilinga vya Miluwa 4:28

Valikungulwile nakulinga vyoshe vije viwashakele laja na nzili yove na cizango cove ngeci vikalingiwe.

Vilinga vya Miluwa 5:39

oloni nga vinatunda kuli Njambi, kumwasa kuvahyana. Mukalimona ngwe mulinakulwisa Njambi!” Co Munga vakavele kunangula kwa Ngamalyele.

Vilinga vya Miluwa 9:5

Co Saulu wehwile ngwendi, “Yove iya, Mwene?” Co lijwi lyakumbulwile ngwalyo, “Yange Yesu, uje iwulinakuyandesa.

1 Kolinte 10:22

Kuma tushaka kulingisa Mwene lifuwa ndi? Kuma tuyongola ngwetu tuli na nzili kutuvakana ikeye ndi?

1 Kolinte 2:16

Ngwe muvyendeka visoneka ngwavyo, “Iyajo azivuka viyongola vya Shukulu Kalunga? Iyajo asa kumunangula?” Yetu nameme ngoco, tuli na viyongola vya Kilistu.

Efeso 1:11

Vyuma vyoshe vilingiwa kupwisa ngwe ku vutumbe vwa Njambi na viyongola vyendi, co Njambi watwangwile kupwa tu vana vendi muli Kilistu omwo a vutumbe vwendi, vuje nsina yavwo ikeyo inapu vije vyayongwele tunde akulivanga.

Yoshwa 2:2

Co mwene wa mu Yeliko wazivile ngwavo kuli vaIsalele vamo vanaija vutsiki nakunenga lifuti,

1 Samwele 3:18

Ngecivene, Samwele wamulekele vyuma vyoshe, kamushwekeleleko cuma cimo cai. Eli wendekele ngwendi, “Ikeye napu Shukulu Kalunga, akalinga vyoshe vyashaka kulinga.”