Ndanyele 4:32 - Livulu lya Shukulu Kalunga

³² Vakakusheka kuli vanu, co ukakala amo na tusitu, ukalya mwila ngwe ngombe myaka itanu na ivali. Asinoni ukazivuka ngwove Njambi wa Akamwa ya Akamwa ali na nzili a vumwene vwoshe vwa vanu, co asa kwana vumwene kuli woshe uje yashaka.”

Ndanyele 4:32 Iomraidhean Croise

2 Mizimbu 33:13

Co Njambi watavele lilombelo lya Manase, wamutavele eluke lalo ku Yelusalema nakushwana. Co aje vene Manase wazivukile ngeci kuma Shukulu Kalunga ikeye Njambi.

Yombi 42:2

Njizivuka, Shukulu Kalunga ngeci yove u muka-nzili yoshe, co wasa kulinga vyoshe viwushaka.

Yombi 9:12

Ambata vije ashaka, co naumo wai amuvindika, naumo wai asimpa nakumwihula ngwendi, ‘Vikajo ulinakulinga?’

Myaso 115:3

Njambi yetu ali mwilu, akalingi vyoshe vije ashaka.

Myaso 135:6

Shukulu Kalunga akalingi vyoshe vije ashaka mwilu na ano asi, mu mema a kalunga na mu vinzinga vyoshe.

Kutuuka 8:10

Mwene wakumbulwile ngwendi, “Imene vene ukanjilombelela.” Mosesa wendekele ngwendi, “Njikalinga ngwe omo yove unalombo, asinoni ukazivuka ngwove kuma kukwesi lalo njambi weka wakulifwa na Shukulu Kalunga Njambi yetu.

Kutuuka 9:14

A simbu ino njikatuma mishongo yakukomokesa ali yove, na ali vamyata vove na ali vanu vove, ngeci ukazivuka ngwove kukwesi weka lalo wakufwa ngwe yange muno mu kaye mwoshe.

Kutuuka 9:29

Co Mosesa wendekele kuli ikeye ngwendi, “Omo yange njicituuka lika muno mu nganda, njikajundula mavoko ange nakulomba kuli Shukulu Kalunga. Co cililimo cikalikela, nyonzi ya mamanya kuyikanyoko lalo, ngecivene, ukazivuke ngwove kuma kaye kapwa ka Shukulu Kalunga.

Isaya 37:20

Ololo, Shukulu Kalunga Njambi yetu, twamene ku mavoko a vaAsilya, ngeci miyati yoshe ya mu kaye vakazivuke ngeci yove lika Shukulu Kalunga wapwa Njambi.”

Isaya 40:15

Miyati ya vanu inapu yangoco kuli Shukulu Kalunga, inapu ngwe limbase lya mema mu lilonga, na man̄anda aje ali alyala anapu ngwe likungu.

Isaya 40:17

Miyati ya vanu inapu yangoco kuli ikeye.

Isaya 45:3

Njikakwana vufuko vwakushwekesa vwa mu mitambela ya lisusulungu, asinoni ukazivuka ngeci yange Kalunga, Njambi ya Isalele nakusana a lizina.

Njelemiya 27:5

“Yange njatangele kaye, na vanu, na tusitu, vaje vali ano asi, na nzili yange yakama na livoko lyange lyakwolola, co njivyana kuli munu uje injashaka.

Ndanyele 2:21

Akatengulula visimbu na myaka, atumbika vimyene nakutundisa vimyene. Akana mana nakuzivisisa.

Ndanyele 4:31

Simbu kanda acimanese kwendeka majwi awa, lijwi lyatundile mwilu lyendekele ngwalyo, “Mwene Nevukaneza, tolilila evi vinjikuleka! Nzili ya vumwene vwove ololo njinaitundisa kuli yove.

Ndanyele 5:21

Co vamutundisile kuli vanu, mana endi apwile ngwe a kasitu. Wakele amo na vingolo, walile mwila ngwe ngombe, co walalele anja yangoco na muvila wendi wajulile na lime. Akukotoka walilongesele ngeci kuma kukwesi weka lalo kuvanga Njambi wa Akamwa ya Akamwa ikeye uje ashika vumwene vwoshe vwa vanu, co asa kuvwana kuli woshe uje yashaka.

Yoshwa 4:24

walingile eci ngeci vanu voshe va ano asi vakazivuke muvwapwa vukama na nzili ya Shukulu Kalunga, co mukasingimika Shukulu Kalunga Njambi yeni ku myaka yoshe.”