Ndanyele 4:31 - Livulu lya Shukulu Kalunga

³¹ Simbu kanda acimanese kwendeka majwi awa, lijwi lyatundile mwilu lyendekele ngwalyo, “Mwene Nevukaneza, tolilila evi vinjikuleka! Nzili ya vumwene vwove ololo njinaitundisa kuli yove.

Ndanyele 4:31 Iomraidhean Croise

Kushangumuka 14:18

Melekizendeke, wapwile mwene wa ku Saleme, ikeye lalo wapwile muka-kukombelela kuli Njambi wa Akamwa ya Akamwa, wanenele makende na vinyu kuli Avilama.

Yombi 20:23

Omo akashaka kulya nakukuta! Co Njambi akamuhisa na vukalu vwendi vwakama.

Myaso 145:13

Vumwene vwove vwapwa vwa ku myaka yoshe, co yove wapwa u mwene wa ku myaka yoshe. Shukulu Kalunga wapwa muka-vushunga ku cikulaeso cendi, wapwa lalo wa cizemo ku vyoshe vije vyatangele.

Visimo 29:23

Kulyalesa kutwala kukunyonga, oloni nga ulikeesa, co vakakusingimiko.

Isaya 14:27

Shukulu Kalunga Muka-nzili yoshe nalivwaesela cimweja, nolola livoko lyendi mukuhisa, co naumo wai asa kumuvindika.

Ndanyele 12:7

Co uje munalume wazalele vuzalo vwa linyu wolwele mavoko endi oshe mwilu nakulisinga mu lizina lya Njambi wa Myaka Yoshe. Co njamuzivile endeka ngwendi, “Kukaita myaka itatu na vingonde vitanu na imo. Omo tuyando twa vanu va Njambi tukahwa, co vyuma vyoshe evi vinalingiwa laja.”

Ndanyele 4:24

“Omu mukemwo muyinalumbunukila njozi eyi kuli yove shukulu, co evi vikevyo vikalingiwa kuli yove kulutwe vyanakuleke Njambi wa Akamwa ya Akamwa.

Ndanyele 4:26

Co kangelo washikile ngeci ije nsina vaiseze mu livu. Eci cinalumbunuka ngeci ukapwa lalo mwene omo ukatava ngeci Njambi ikeye muka-kushwana kaye koshe.

Ndanyele 4:30

co wendekele ngwendi, “Kengeni vukama vwa Mbambilone! Njaitungile kupwa nganda yange yakama mukumwesa vukama vwange na nzili yange na vumpau vwange na kasingimiko kange.”

Ndanyele 4:32

Vakakusheka kuli vanu, co ukakala amo na tusitu, ukalya mwila ngwe ngombe myaka itanu na ivali. Asinoni ukazivuka ngwove Njambi wa Akamwa ya Akamwa ali na nzili a vumwene vwoshe vwa vanu, co asa kwana vumwene kuli woshe uje yashaka.”

Ndanyele 4:34

“Munima ya myaka itanu na ivali, yange Nevukaneza, njakengele kwilu, co mana ange elukile lalo kuli yange vavenya. Njashangazalele Njambi wa Akamwa ya Akamwa, njashangazalele nakusingimika uje wakala ku myaka yoshe. “Ikeye akashwana ku myaka yoshe, vumwene vwendi vukakala simbu yoshe.

Ndanyele 5:20

Oloni omo walyalesele nakukaluwisa mbunge, nakupwa wa muuka, co vamutundisile a litanda lyendi lya vumwene na kasingimiko kendi kahwile.

Ndanyele 5:28

kulyangunuka, vumwene vwove vanavwangununa ngeci vavwane kuli vaMende na kuli vaPelesha.”

Ndanyele 6:27

Ikeye akamena nakupatula, akalingi vikomokeso na vizivukiso mwilu na ano asi. Ikeye wovwele Ndanyele ku tunwa twa vindumba.”

Mateo 3:17

Co mwilu mwatundile lijwi ngwalyo, “Ou ikeye Munange injazema, njilinakuvwaelela ali ikeye.”

Luka 12:20

Oloni Njambi wendekele kuli ikeye ngwendi, ‘Ove cilema! Vutsiki vuno vene vakatambula mwonyo wove, co vyoshe evi unalitulikila yove vavenya vikapwa vyeya?’ ”

Yowano 12:28

Tate, shangazala lizina lyove!” Asinoni lijwi lyatundile mwilu ngwalyo, “Njinalishangazala laja, co njikalishangazala lalo.”

1 Tesalonika 5:3

Omo vanu vendeka ngwavo, “Vyuma vyoshe vili mwamuvwa kunoloka kuluu,” asinoni vwasi-vwasi kunyonga kuvawana! Kukaija vwasi-vwasi ngwe mushongo ali munakazi ashaka kukita, co vanu kuvakasa kuputumuka.

Kujombolola 16:7

Asinoni njazivile lijwi lyatundile ku mutula lyendekele ngwalyo, “Shukulu Kalunga Njambi Muka-nzili yoshe! Kusompa kwove kunapu kwa vushunga na vuvwa!”

1 Samwele 13:14

Oloni ololo kushwana kwove kukahwa. Omwo kuwamwononokele, Shukulu Kalunga akaliwanena munu wakumuya ku mbunge, co akamupwisa muka-kushwana vanu vendi.”

1 Samwele 15:23

Kumutengulukila kunapu ngwe vulozi, co kulyalesa kunapu ngwe vuvi vwakulemesa vinjambi veka. Omwo unavyana lishiko lya Shukulu Kalunga, co nendi lalo nakuvyana kupwa mwene wa mu Isalele.”